কলচর অমসুং তুরিজমগী মিনিস্তর শ্রী প্রহলাদ সিংহ পতেলনা চহি চুপ্পা পাংথোক্কদবা ১২৫শুবা নেতাজি সুবাশ চন্দ্র বোসকী মপোক কুম্মোনগী নিংশিং থৌরম অসি ২০২১গী জানুৱারীগী ২৩দগী হৌনরী মতুং ইন্না হৌরগনি হায়না লাওথোকখ্রে। প্রধান মন্ত্রী শ্রী নরেন্দ্র মোদীনা কোলকাতা হৌদোক্কদবা থৌরম অসিদা ময়াই তাঙবল লৌগনি, হায়রিবা অসি মিনিস্তরনা ঙসি নই দিল্লীদা পাউমীশিংগা ৱারী শান্নবদা ফোংদোকখিবনি। সরকার অসিনা চহি খুদিংগী জানুৱারী ২৩ অসি পারাক্রম দিবস হায়না পাংথোক্নবা ৱারেপ লৌখ্রে অমসুং মসিগীদমক গেজেতেৎ নোতিফিকেসন অমা ঙসি থোকখ্রে, হায়না মিনিস্তরনা হায়খি।

১২৫শুবা নেতাজি সুবাশ চন্দ্র বোসকী মপোক কুম্মোন অসি লৈবাক অসিদা অমসুং মালেমগী ওইবা থাক্তা চহি অসিদা থৌরমশিং অসি চান্নবা মফম য়েংলগা পাংথোক্কনি। শ্রী পতেলনা খঙহল্লি মদুদি প্রধান মন্ত্রী শ্রী নরেন্দ্র মোদীনা লুচিংবা অৱাংবা থাক্কী কম্মিতি অমা থৌরমশিং চহি চুপ্পা অমা নিংশিং থৌরম অসি য়াৎনবা, য়েংশিন্নবা অমসুং লমজিংনবা  শেমগৎলি। কম্মিতি অসিনা নিংশিং থৌরম অসি দিল্লী, কোলকাতা অমসুং ইন্দিয়া লোয়ননা মপাল লমদা লৈরিবা নেতাজি অমসুং অজাদ হিন্দ ফৌজগা মরী লৈনবা মফমশিংদা থৌরমশিং অসি পাংথোকপদা লমজিংগনি। 

মিনিস্তরনা মখা তানা খঙহল্লি মদুদি কলচর মিনিস্ত্রী অসিনা থৌরম কয়া অমা অমসুং প্রোজেক্ত কয়া অমা নিংশিং থৌরম চহি চুপ্পা পাংথোকপগী হায়রি। নিংশিং থৌরম হৌদোকপগী ফংসন অসি ২০২১গী জানুৱারীগী ২৩দা কোলকাতাগী ভিক্তোরিয়া মেমোরিয়েলদা প্রধান মন্ত্রীনা ফমফম্লাংদা লেংশিন্দুনা পাংথোক্কনি। নেতাজিগী লেঙদবা একজিবিসন অমা অমসুং মেপ্পিং প্রোজেক্সন অমা থৌরম অসিদা হৌদোক্কনি। “আমরা নুতন জৌবনেরি দুত” অসিনা নেতাজিগী থীম ওইনা লৈগনি। শ্রী পতেলনা হায় মদুদি, “নিংশিং কোইন অমসুং পোস্তেজ স্তামপ অমসু নুমিৎ অসিদা ফোংগনি। মালেমগী ওইবা কনফরেন্স অমা ‘রি-ভিজিতিং দ লেগেসি ওফ নেতাজি সুবাশ ইন ২১ সেনচুরি’ অমসুং আর্তিস্ত কেম্প অমা নুমিৎ অসিদা কোলকাতাগী নেস্নেল লাইব্রেরিদা শিনগনি”।

মহাক্না মকা তানা হায় মদুদি কলচর মিনিস্ত্রীনা নেতাজিগী পোক্নফম লমদম ওরিশাগী কত্তক্তা থৌরম অমসু শিনগনি। পেত্রোলিয়ম অমসুং নেচুরেল গ্যাসকী য়ুনিয়ন মিনিস্তর শ্রী ধর্মেন্দ্রা প্রধান্না থৌরম অসিদা শরুক য়াগনি। অতোপ্পা থৌরম অমনা নেতাজিগী মরুওইবা মফম ওইরিবা গুজরাতকী হারিপুরাদা শিনগনি।

ভারত সরকারগী মখাদা লৈবা অতোপ্পা মিনিস্ত্রী কয়া অমনা নিংশিং থৌরম কয়া অমা পাংথোক্নবগী হায়রকখি। মসিগী থৌরমশিং অসি অৱাংবা থাক্কী কম্মিতি অসিনা অরোইবা ৱারেপ লৌগনি। তুরিজম মিনিস্ত্রীনা নেস্নেলগী ওইবা থাক্তা ইরমদমগী ওইবা মশান্ন কাবাদি তুর্নামেন্ত য়াওনা শিনগদৌরি হায়রিবা অসি চহি ৩৭ চুপ্না নেতাজিগী মপোক কুম্মোন্দা মধ্য প্রদেশকী নার্শিংপুর দিস্ত্রীক্তা ‘সাহয়োগ ক্রীদা মন্দল’না শিন্দুনা লাকখিবনি। নেতাজি ফুতবাল তুর্নামেন্ত অমসুং মরাথোন (দিপার্তমেন্ত ওফ স্পোর্তস), পাদা য়াত্রা অমসুং সাইকল য়াত্রা (দিপার্তমেন্ত ওফ য়ুথ এফিয়র্স), “দেখো অপনা দেশ” অসিদা ৱেবিনার, নেতাজিস লাইফ এন্দ ইন্সিদেন্ত ইন মনিপুর (মিনিস্ত্রী ওফ তুরিজম), আই.এন.এ. ত্যুন ‘কদম কদম বরাই জা” না বিতিং রিত্রিৎ সেরেমোনি -২০২১ (মিনিস্ত্রী ওফ দিফেন্স) অসিনচিংবা। সিবিল এবিএসন মিনিস্ত্রীনা এয়র ইন্দিয়া এয়রক্রাফ্তা নেতাজিগী মশক য়েক্নবা হায়রক্লি, অখন্ননা আন্দমান অমসুং নিকোবর ইথৎতা পাইরিবশিদা। রেলৱে মিনিস্ত্রীনা এক্সপ্রেস ত্রেনশিংদা নেতাজিগী মমিং থোন্নবা হায়রক্লি।

এজুকেসন মিনিস্ত্রীনা ইন্দিয়াগী য়ুনিবর্সিতি মঙাদা চেয়র মঙা লিংখৎনবা, ওনলাইন লেকচর শিনবা অমসুং নেতাজিগী তিচিংদা ৱেবিনার হৌদোকপা অসিনচিংবা অসি হায়রক্লি। ইনফোর্মেসন অমসুং ব্রোদকাস্তিংগী মিনিস্ত্রী মখাদা লৈবা নেস্নেল ফিল্ম দিবলপমেন্ত কোর্পোরেসন্না অতেনবা ফিল্ম কম্পিতিসন অমা ‘হাও তু ফলফিল নেতাজিস দ্রীম ফোর ইন্দিয়া’ হায়বা অসিদা শিনগনি। দুরদর্সন অমসুং ওল ইন্দিয়া রেদিওনা পেনেল দিস্কসন হোস্ত ওইগনি, দোকুমেন্তরি পুথোকপা অমসুং নেতাজিগী পুন্সি অমসুং মতম অসিদা থৌরম কয়া অমা উৎকনি।

অঙনবদা, নেতাজিবু ইকাই খুম্নবা পীনবা লৈবাক অসিদা থৌদাং কয়া অমা পীরম্মী, নেস্নেল ইম্প্লিমেন্তেসন কম্মিতি অসিনা ২০২০গী নবেম্বরগী ২৫দা পাংথোকখিবা মিতিংদা নেতাজি সুবাশ চন্দ্র বোসকী ১২৫শুবা মপোক কুম্মোন চহি অসিদা লৈবাক্কী মফমশিং অমসুং মপাল লমদা চান্নবা মফমশিংদা নিংশিং থৌরম কয়া অমা পাংথোক্নবা ৱারেপ লৌখি। কলচর মিনিস্তরনা মিতিং অমা ২০২০গী দিসেম্বরগী ১৫দা শকনাইরবা মীওই কয়া অমা ইন্দিয়ন নেস্নেল আর্মিগী পোত্থাখ্রবশিং য়াওনা নিংশিং থৌরম অসি চেকশিন-থৌরাং লৌখৎনবা বার্তোন তৌখি। কম্মিতি অসিগী মেম্বরশিং অসি শকনাইরবা নাগরিক, হিস্তোরিয়ান, অইবা, এক্সপার্তশিং, নেতাজি সুবাশ চন্দ্র বোসকী ইমুং  অমসুং অজাদ হিন্দ ফৌজকী (আই.এন.এ.)গী শক্নাইরবা মীওইশিং য়াওরি।      

***