ৱিশল-ব্লোইং মেকানিজমদা হেন্না ইনোৎ হাপ্নবা অমসুং ৱিশল ব্লোৱরশিং অসি ঙাক শেন্ননবগীদমক সেফগার্দশিং মরাং কাইনা লৈহন্নবা ঙসি কোর্পোরেৎ পুম্নমক্তা ভারতকী উপ-রাস্ত্রপতি শ্রী এম ভেনকাইহ নাইদুনা ফোংদোকখ্রে৷

ইন্সতিত্যুত ওফ কম্পেনী সেক্রেতরিস ওফ ইন্দিয়াদা পাংথোকখিবা মী পুনবগী থৌরম অদুদা ৱা ঙাংলদুনা সেয়রহোল্দরশিং য়াওনা স্তেকহোল্দর পুম্নমক্কী থৌনা অমসুং থাজবা হেনগৎনবা কোর্পোরেৎ গভর্নেন্স অসিগী হিরম খুদিংমক্তা হেন্না ময়েক শেংহনবা অমসুং থবকশিং মরম চানা পাংথোকপা অসি য়াম্না মরু ওই হায়না উপ-রাস্ত্রপতিনা ফোংদোকখ্রে৷

ভারতনা য়াম্না মরু ওইবা খোঙথাংশিং লৌখৎলে হায়না হায়খিবা আই.এ.এফ. চীফ শ্রমতি কৃস্তালিনা জিওর্জিবাগী মমাংগী ৱারোল অদু পল্লদুনা নোভেল কোরোনা ভাইরস অসি লান্থেংনবদা অমসুং শেল-থুমগী ফিভম অসি হান্নগী মতৌগুম অমুক হ্ন্না ফগৎহনবদা চাওখৎলবা লৈবাকশিং য়াওনা অতোপ্পা লৈবাক কয়া অমদগী হেন্না ভারতনা হেন্না ফবা খোঙথাংশিং লৌখৎখ্রে হায়না মহাক্না ফোংদোকখ্রে৷

হৌখিবা মতম অসিদা ভারতকী মাই পুরকখিবা মহৈরোইশিং অসি নিংশিংদুনা লৈবাক অসিদা হৈ-শিংবা মীগী অৱাৎপা অমদা লৈতে হায়না উপ-রাস্ত্রপতিনা ফোংদোকখ্রে৷ লৈবাক অসিগী হৌজিক তঙাই ফদ্রিবা হায়ববু লৈরিবা হৈ-শিংলবা মীওইশিং অসি খন্দোকপা অমসুং য়োকখৎপা অসিনি৷ মীওই কোতি ১৩০ হেন্না লৈরিবা মালেম অসিদা খ্বাইদগী চাওনা পার্লিয়ামেন্তরী দেমোক্রেসী চৎপা লৈবাক অমা ওইরিবা ভারত অসি মশা মরোমদোম লৈপচবা ঙম্বা লৈবাক অসা ওইবগী শক্তি অদু লৈ হায়না মহাক্না ফোংদোকখ্রে৷

লৈবাক অসি চাওখৎননবগীদমক তীম ইন্দিয়া অমা ওইনা কেন্দ্র, রাজ্য অমসুং লোকেল বোদীশিংনা পুন্না থবক তৌমিন্নগদবনি হায়না উপ-রাস্ত্রপতিনা ফোংদোকখ্রে৷ পার্লিয়ামেন্ত অসিনা চৎনা পথাপশিং শেম্মী অমসুং শেম্লিবা চৎনা পথাপশিং অদু চৎনবা অসিনা লোকেল এদমিনিস্ত্রেসন অসিগী মতুং ইল্লি অমসুং মসিনা চৎনা পথাপশিং নত্রগা পোলিসীশিং অসিগী মহৈ লেপকনি হায়না মহাক্না ফোদোকখ্রে৷ মরম অদুনা গ্রাসরুত লেভেলদগী হৌনা ঐখোয়না অফবা লৈঙাক শাশন লৈহনবা তঙাই ফদে হায়না মহাক্না ফোংদোকখ্রে৷ আই.সি.এস.আই.গী গ্রাম পঞ্চায়তকী মোদেল কোদ্স ওফ গভর্নেন্স অমসুং চেরিতী গভর্নেন্স অসি রিজনেল লোন ১২দা হন্দোকখ্রে অমসুং খুঙ্গং নত্রগা গ্রাম লেভেলদা গভর্নেন্স ফ্রেমৱার্কশিং ফনা লৈহন্নবা ইন্সতিত্যুত অসিনা হোৎনখিবা অসি য়েংলগা মসিবু তেস্তামেন্ত অমনি হায়না কৌখিবা অসিদা মহাক্না নুংঙাইবা ফোংদোকখ্রে৷

তেলঙ্গনাগী গৃহ মন্ত্রী শ্রী মোহামদ মাহমুদ অলি, আই.সি.এস.আই.গী প্রসিদেন্ত শ্রী অশিশ গার্গ, আই.সি.এস.আই.গী সেক্রেতরী শ্রী অশিশ মোহন অমসুং আই.সি.এস.আই.গী জোইন্ত সেক্রেতরী শ্রী অনকুর য়াধবনা থৌরম অসিদা শরুক য়াখি৷

মখাগী অসি ৱারোল অদুগী মপুং ওইবা অইবনি –

“ইন্সতিত্যুত ওফ কম্পেনী সেক্রেতরীস ওফ ইন্দিয়ানা মহাক্কী এসোসিয়েতশিং অমসুং ফেল্লো মেম্বরশিং অসিদা সর্তিফিকেৎ পীননবা ইহান হানবা ওইনা পাংথোক্লিবা নেস্নেল কনবোকেসন থৌরম অসিদা লৈবাক অসিগী মমিং লৈরবা প্রোফেস্নেল বোদীশিং অসিগী মনুংদা ঐহাক য়াওবা ফংজবা অসি অসুক্কী মতিক নুংঙাইবা ফাওজৈ৷

কোর্পোরেৎ গভর্নেন্সতগী নেস্নেল গভর্নেন্সতা চাওথোকহনবা অসিনা আই.সি.এস.আই.গী পান্দম ওইরিবা অসিদা ঐহাক নুংঙাইবা ফাওজৈ৷ গ্রাম পঞ্চায়তকী নহাক্কী মোদেল কোদ ওফ গভর্নেন্স অমসুং চেরিতী গভর্নেন্স অসি রিজনেল লোন ১২দা হন্দোকখ্রে অমসুং খুঙ্গং নত্রগা গ্রাম লেভেলদা লৈরিবা গভর্নেন্স ফ্রেমৱার্কশিং ফনা লৈহন্নবা ইন্সতিত্যুত অসিনা হোৎনখিবা অসি য়েংলগা মসি তেস্তামেন্ত অমা ওই৷

নুংশিরবা ইচলশিং অমসুং ইনাওশিং,

ঐখোয়গী অরিবা মতমদা লৈরম্লিবা অইবশিং অসিনা ঐখোয়না তৌগদৌরিবা থবকশিং অসিগী মতম পুম্বদা লমজিংনবা মঙাল ওইখ্রে৷ ইন্সতিত্যুত অসিনা অরিবা মতমগী ৱারিশিং অসিগী মতাংদা ফোংখিবা অসি ঐ অসুক্কী মতিক ঙকপা ফাওই৷

কম্পেনী অমা হায়বা অসি শেন্দোং অমসুং কম্পেনী অদুদা কারক্লিবা শেনফম অদু খক্তগী নত্তে হায়বা অসি নিংশিংবিয়ু৷ মহাক্কী লৈরিবা ইমেজশিং অসি চাং চপ মান্ননা মরু ওই৷ কোর্পোরেৎ গভর্নেন্সকী অফবা প্রিন্সিপলশিং অসিনা কম্পেনী অমগী দ্রাইভিং ফোর্স ওইগদবনি৷ মতম পুম্নমক্তা থবক তৌবদা ময়েক শেংবা, অপুনবগী শক্তম কাইহন্দবা অমসুং পুকচেল শেংবগী প্রিন্সিপলশিং অসি শোইদনা লৈগদবনি অমসুং মসিগী মতুং ইন্না হায়রিবশিং অসি তৌগদৌরিবা থবক খুদিংমক্তা শোইদনা পাংথোক্কদবনি৷

নুংশিরবা ইচলশিং অমসুং ইনাওশিং,

ঐখোয় পুম্নমক হৌজিক চৎথরিবা কোবিদ-১৯ লাইনা-লাইচৎ অমসুং শেল-থুম অমসুং পুন্সিগী ফিভমদা মসিনা পারিবা শাফু ওদু থেংনরি৷ অদুমওইনমক কোরোনা লাইনা-লাইচৎ অসি থেংনবদা অমসুং শেল-থুমগী ফিভম অসি হান্নগী মতৌগুম অমুক হ্ন্না ফগৎহনবদা চাওখৎলবা লৈবাকশিং য়াওনা অতোপ্পা লৈবাক কয়া অমদগী হেন্না ভারতনা হেন্না ফবা খোঙথাংশিং লৌখৎখ্রে হায়বা অসি প়়্ঞ্জরি৷

হৌখিবা নুমিৎ খরনি অসিদা ইন্তরনেস্নেল মোনিতরী ফন্দ(আই.এম.এফ.) অসিনা ভারতনা হোৎনরিবা ময়াম অসি মশক খঙবিখ্রে৷ লাইনা-লাইচৎ অসি লান্থেংনবদা অমসুং শোত্থরুরবা শেল-থুমগী ফিভম অসি হান্নগী মতৌগুম্না অমুক হন্না ফহন্নবা য়াম্না মরু ওইবা খোঙথাংশিং ভারতনা লৌখৎখ্রে হায়না আই.এম.এফ.কী চীফ শ্রমতি কৃস্তালিনা জিওর্জিভানা ফোংদোকখ্রে৷

কোবিদ-১৯ লাইনা-লাইচৎ অসি হৌরকপা মতমদা তেক্নোলোজি কা হেন্না শিজিন্নখিবা অমসুং অশেংবা প্রোফেস্নেলিজম অমসুং মমল নাইদ্রবা থৌদাংশিং অদু উৎথোক্তুনা ওনলাইনগী খুৎথাংদা লেপ্পা লৈতনা তাকপি তম্বিখিবা অসি খঙলকপদা ঐ অসুক্কী মতিক নুংঙাইবা ফাওই৷

লোইরমদাইগী মতম অসিদা অফবা কোর্পোরেৎ গভর্নেন্স লৈহনবদা কম্পেনী সেক্রেতরীশিং অসিনা মরু ওইনা লৌগদৌরিবা থৌদাংশিং অদু অমুক্তা হন্না ঐনা নিংশিংজরি৷ ভারত সরকার অসিনা করবার তৌবদা হেন্না লাইহন্নবা অমসুং ভারতপু মশা মরোমদোম লেপচবা ঙম্বা লৈবাক অমা ওইহন্নবা পান্দম থম্লিবা অসিগী মতুং ইন্না ইন্দিয়া ইন্সনা পাংথোক্কদৌরিবা থবক থৌরমশিং অসিদা হেন্না ময়েক শেংহনবদা অচৌবা থৌদাং লৌবগী মতম অদু  ওইরে৷

কোর্পোরেৎ এন্তাইতীশিং অসি অচুম্বা লম্বীদা পুরকপদা নঙনা মরুপ, ফিলোসোফর অমসুং লমজিং মৈরা ওইরগনি৷

নুংশিরবা ইচলশিং অমসুং ইনাওশিং,

ক্লাইমেৎকী লৈরিবা অহোংবা অসি য়েংশিনদ্রবা য়াদ্রবা ফিভম অমদা লৈরে অমসুং মসি ঐখোয় ময়াম্না তঙাই ফদনা থেংনদ্রবা য়াদ্রবা অমনি৷ মসি ঐখোয়না মখাতানা লাইথোক্তুনা থম্বা য়াররোই৷ কোর্পোরেৎ এন্তাইতী খুদিংমক্না শেল থাদবগী ৱারেপ অমা লৌদুনা অকোইবগী ফিভম ঙাক শেন্নবা হোৎনগদবনি৷

ৱাহৈশিং অসি হায়রদুনা, ঐনা ইন্সতিত্যুত ওফ কম্পেনী সেক্রেতরীস ওফ ইন্দিয়াগী মেম্বর পুম্নমক অসিবু অমুক্কা হন্না থাগৎপা ফোংদোকচরি অমসুং মখোয়গী পুন্সিগী অনৌবা লৈমাই অমা হাংদোকপদা ঐনা য়াইফ মঙ্গোল পীজরি৷ নখোয়না ইন্সতিত্যুত অসিগী হান্নদগী লৈরক্লিবা থাক অসি অমুক্কা হেন্না থাংগৎকনি অমসুং প্রোফেসন অসিবু অৱাংবা থাক অমদা পুখৎলক্কনি হায়না ঐনা থাজৈ৷

জই হিন্দ!”

                                                                                          *****