পোৎ পুবা ত্রেনশিংনা হৌজিক্কী লৈরিবা ফিভমদা অহোংবা পুরকপা ওইনা ইস্তর্ন দেদিকেতেদ ফ্রেত কোরিদোরগী হন্দক্তা নৌনা শঙ্গাখিবা ন্যু খুর্জা-ন্যু ভাউপুর সেক্সনদা য়াম্না য়াংলবা পুং অমদা ৯০ কি.মি.দগী হেনবা স্পীদতা চেনখ্রে। স্পীদ হেলিবমখৈ পোৎচৈশিং অথুবা মতমদা য়ৌহনবা ঙমগনি অমসুং হল্লকপদা হেন্না য়াংবনা মরম ওইরগা পোৎ পুবগী মমলসু হন্থহল্লগনি।

খংজিনগদবা ৱাফম অমনা প্রধান মন্ত্রী, শ্রী নরেন্দ্রা মোদীনা ২৯.১২.২০২০দা ইস্তর্ন দেদিকেতেদ ফ্রেত কোরিদোরগী ৩৫১ কিলোমিতর শাংবা ন্যু খুর্জা-ন্যু ভাউপুর সেক্সন শঙ্গাখ্রে। অপাম্বা পান্দম অদু ফংলদুনা, হৌজিক্তি অনৌবা সেক্সন অসিদা মসিগী নৌনা শঙ্গাখ্রবা সেক্সন অসিদা  পুং অমদা কি.মি. ৯০দগী হেনবা স্পীদতা অয়েৎপা অমত্তা লৈতনা মরু ওইবা পোৎচৈশিং পুথোক-পুশিন তৌরি। ২০২১গী জনুৱারী ০৩ ফাওবদা অনৌবা সেক্সন অসিদা হৌজিক ফাওবদা পোৎ পুবা ত্রেন ৫৩ মথৌ তৌখ্রে।

০৩.০১.২১ ফাওবদা, চেনখিবা অপুনবা ত্রেন মশিং = ৫৩

• ন্যু খুর্জা - ন্যু ভাউপুর (দাউন দাইরেক্সন) = ৩২

ফংখিবা খ্বাইদগী য়াংবা স্পীদ = পুং অমদা কি.মি. ৯৩.৭০

• ন্যু ভাউপুর - ন্যু খুর্জা (অপ দাইরেক্সন) = ২১

ফংখিবা খ্বাইদগী য়াংবা স্পীদ = পুং অমদা কি.মি. ৮৫.৭৮

অসিগী অনৌবা সেক্সন অসি হৌদোকপদগী কোল, পেত্রোলিয়ম, কন্তেনর, য়োৎ অমসুং স্তীল অমসুং অতৈ-অতোপ্পা লৈনুংগী পোৎথোকশিংনা মরু ওইনা এন.সি.আর., পঞ্জাব  অমসুং হরিয়ানাগী রোমদা চৎলি অমরোমদনা পঞ্জাবতগীনা চেং, গেহু অমসুং চানবা পোৎচৈশিং অমসুং হরিয়ানাগী মফমশিংদগীনা হার, স্তীল, কোল পুবা য়াবা অহাংবা ৱেগন্নচিংবা পুদুনা ইন্দিয়াগী নোংপোক রোমদা চৎলি।

খংজিনবা য়াবা অমনা মসি হৌদোকপা মতমদা, পোৎ পুবা ত্রেন অনি, ন্যু খুর্জা অমসুং ন্যু ভাউপুরগী মরক্তা লুধিয়ানাগী মুল্লানপুর অমসুং ফরিদকোত, পঞ্জাবতগী চেং-চাক্না থল্লবা  চাউরাক্না  তন ৯৪০০ লুম্বা কি.মি. ১.৫ শাংলবা ত্রেন অমসুং দি.এফ.সি. নেতৱার্ক্কী ন্যু ভাউপুর অমসুং ন্যু খুর্জাগী মরক্তা চ্রুরি সাইদিং রে, রঞ্চি, ঝারখন্দ অমসুং দুধিচুৱা ৱার্ফ সাইদিং,  সিঙ্গরোলি, মধ্য প্রদেসতগী পাৱর হাউস কোল পুদুনা চাউরাক্না ১০,৪২০ লুম্বা কি.মি. ১.৫ শাংবা ত্রেন লমথাখি। পোৎচৈশিং থনম্মগা হল্লকপদা হায়রিবা রেকশিং অসিনা দি.এফ.সি.দা পুং অমদা কি.মি.৯০গী স্পীদ ফাওবা চেনখি।

অহানবা তাঙ্কক্তা, দি.এফ.সি.সি.আই.এল.না নোংচুপ থংবা দি.এফ.সি. (কি.মি. ১৫০৪ শাংবা রুত) অমসুং নোংপোক থংবা দি.এফ.সি. (সোননাগর-দানকুনি সেক্সনগী পি.পি.পি. সেক্সন য়াওবা কি.মি ১৮৫৬ শাংবা লম্বি) শেম্লি। লুধিয়ানা (পঞ্জাব) মনাক্তা লৈবা সাহনেৱালদগী হৌবা ই.দি.এফ.সি.না পঞ্জাব, হরিয়ানা, য়ু.পি., বিহার অমসুং ঝারখন্দ রাজ্যশিংদগী ফাওদুনা চৎলগা ৱেস্ত বেঙ্গালগী দানকুনিদা লোইশিনগনি। উত্তর প্রদেশকী দাদরিবু মুম্বইগী জৱাহরলাল নেহরু পোর্ত (জে.এন.পি.তি.)গা শম্নহনবা নোংচুপকী কোরিদোর হায়বদি কি.মি. ২৮০০ শাংবা লম্বি অসিনা দব্লু.দি.এফ.সি. অমসুং ই.দি.এফ.সি.গী (সোননাগর-দানকুনিগী পি.পি.পি. সেক্সন য়াওহন্দনা) উত্তর প্রদেশ, হরিয়ানা, রাজস্থান, গুজরাত অমসুং মহারাস্ত্র হায়রিবা রাজ্যশিং অসি ফাওদুনা চৎকনি হায়রিবা অসি ২০২২গী জুন ফাওবদা মথৌ তৌবা হৌরগনি ।

*****