হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না নই দিল্লীগী এ.আই.আই.এম.এস.তা নৌনা শাগৎপা মৈনা চাকপা অমসুং প্লাস্তিক সর্জরী ব্লোক ঙসি শঙ্গাখ্রে অমসুং হায়রিবা অসি সুশ্রুতা, “দ ফাদর ওফ প্লাস্তিক সর্জরী”দা কৎখ্রে।

দাঃ হার্শ বর্ধন্না মৈনা চাকপা অমসুং প্লাস্তিক সর্জরী ব্লোক অমা লৈবগী অপাম্বা অদু ফোংদোকখি। মহাক্না হায় মদুদি, “মৈনা চাকপা অসি থবক শুরিবশিংদা য়াম্না মাংজনিঙাইনি অমসুং ইন্দিয়াগুম্বা চাওখৎলক্লিবা লৈবাক মসিনা চাওরবা অৱাবা অমা মায়োক্নরি। ইন্দিয়াদা চহি খুদিংগী মৈনা চাকপদগী শোকপা লাখ ৭০ লৈরি মসিগা লোয়ননা অশিবগী চাং অসি য়াম্না ৱাংনা চহিদা লাখ ১.৪ অমসুং মসিগী মথক্তা লাখ ২.৪ অমনা ফিবম চাদনা লৈরি। মীশিং য়াম্বগী মতুং ইন্না মৈনা চাকপগী চেকশিন থৌরাং অসিগী খুদোংচাবা অসি পুবদা খর ৱাই। মীশিংশিং অসিদা য়াম্না ফবা মখলগী চোকশিন থৌরাং লৌনবা হকশেলগী খুদোংচাবা পীবা মথৌ তাই। মৈনা চাকপা অমসুং প্লাস্তিক সর্জরী ব্লোক অসিনা স্তেত-ওফ-দ-আর্তকী চেকশিন থৌরাং লৌনবা পান্দমদা হৌদোকখিবনি।

দাঃ হার্শ বর্ধন্না মখা তানা হায়খি মদুদি সরকারনা লৌখৎলিবা খোঙথাং অসিনা মসিগী তঙাইফদবা অমসুং মরাং কাইনা ফংহনবা অসি লৈহল্লরোই। মহাক্না মৈনা চাকপা অমসুং প্লাস্তিক সর্জরী ব্লোক অমা লৈবগী পান্দম অদু শন্দোক্না তাকখি। “মৈনা চাকপা অমসুং প্লাস্তিক সর্জরী ব্লোক” অমা লৈবগী পন্থুং অহুম লৈ। অহানবদা মৈনা চাকপদগী শিবগী মশীং হন্থহনবা, হৌজিক্কী ওইনা চহিগী ওইনা মৈনা চাকপদগী শিবা লাখ ১.৪ লৈরি মসি অফবা ফিবম অমা নত্তে”। মৈনা চাকপদগী শিবা অয়াম্বা মরুওইনা মহিক চংবা অসিনি। মসিদা আই.সি.য়ু. ৩০ অনাবশিং লৈনবা অমসুং নাইতোম লৈনবা ফমুং ১০ মসিনা মহিক চংবা ঙাকথোক্কনি। অনিশুবদা ফিবম চাদনা লৈবা অসি হন্থনবা মতিক চাবা প্রোতোকোল পীবা অসিনি। অহুমশুবদা, চংগদবা শেনফম হন্থহনবা; মসিদা হকথেংননা নত্ত্রগা নাকোইননা মৈ চাকপদা চংবা শেনফম। হকথেংননা হায়বা অসিদা হিদাক্কী চেকশিন থৌরাং, নাকোইননা হায়বা অসিদা থবক থাদোকপা, তোলোপ ফংদবা, চাওখৎপা ঙমদবা অমসুং ত্রেন্নিং ঙমদবা অসিনচিংবা অসিনি।  

মহাক্না মখা তানা হায় মদুদি, “মসিগী ব্লোক অসি চাওরাক্না মৈনা চাকপা অথু-অকাইদা ১৫,০০০ অমসুং মৈনা চাকপা ৫০০০ মিং চনবা অসি পীরি। হায়রিবা অসিদা অশি-অনা য়াম্না চাওনা থোক্লকপা মতমদা অনাবা লৈফমশিং অসি ফাওবা তঙাইফদবা য়েংলগা অথু-অকাইদা ওইনা ওন্থোকপা। মসিগা লোইনাইদ্রবা খোঙতাং অসিনা মৈনা চাকপদগী শিবা অসি হন্থহনগনি অমসুং হিংহৌরিবশিংদা ফিবম চাদনা লৈহৌবা হন্থহনগনি”। 

সুশ্রুতা অমসুং ইন্দিয়া অসিনা নাতোনগী সর্জরিগী পোকফম ওইরিবা অসিদা ৱা ঙাংলদুনা, দাঃ হার্শ বর্ধন্না খঙহনখি, “সেন্তর অসি ঐখোয়গী থায়নগী ওইবা অশোকপা য়েংবগী হৈ-শিংবা অসিগা মতেং লৌনবগী পান্দমদা লৌখৎপনি। মসিদা থমগদৌরিবা মচাক অসি হিদাক্কী লমদা খুমাং চাওশিল্লবা আয়ুশকী মৈনা চাকপদা শিজিন্নবা অসি ফংহনগনি। লোয়ননা, তঙাইফদনা চংগদবা স্তাফ অমসুং পর্সোনেলশিং ত্রেনিংগী খুদোংচাবা ফংহনগনি। মসিদা খ্বায়দগী খুমাং চাওশিনবা শোকপগী মেনেজমেন্ত তেক্নিক মচাকশিং মদুদি ভি.এ.সি. অমসুং হায়পরবেরিক ওক্সিজেন চেম্বর অসি ফংহনগনি”।

য়ুনিয়ন হেলথ মিনিস্তরনা ব্লোক অসিগী ফংলিবা খুদোংচাবশিং অসি অতৈ দিগ্নিতরিশিংগা য়েংশিনখি।

এ.আই.আই.এম.এস.গী দাইরেক্তর দাঃ রন্দীপ গুলেরিয়া, দি.জি.ঐচ.এস., দি.জি. দাঃ সুনিল কুমার, প্রোফেসর অমসুং মকোক, দিপার্তমেন্ত ওফ প্লাস্তিক, রিকন্ত্রক্তিব অমসুং বর্ন সর্জরি দাঃ মানীশ সিঙ্গাল অমসুং অতৈ মকোক থোংবা ওফিসিএলনা থৌরম অসিদা শরুক য়াখি।

****