দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্স্নেল, পব্লিক গ্রিভান্সেস, পেন্সন, এতোমিক ইনর্জী এন্দ স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা হন্দক্তা হৌদোকখিবা ইলেক্ত্রোনিক “পেন্সন পেমেন্ত ওর্দর” (পি.পি.ও.)না সিনিয়র সিতিজেনশিংগী পুন্সিদা অনৌবা পুন্সি মহিং অমা পুরক্লগনি হায়না ঙসি ফোঙদোকখ্রে।

পর্স্নেল মন্ত্রালয়দা অচৌবা অওনবা খরা পুরক্লিবা অদু পল্লদুনা দা. জিতেন্দ্রা হায় পর্স্নেল মন্ত্রালয়দা দিপার্তমেন্ত ওফ পেন্সন্সদা সিনিয়র সিতিজেনশিংদগী মখোয়গী পেন্সন পেমেন্ত ওর্দরগী ওরিজিনেল কোপীশিং মাংখ্রে হায়বগী ৱাকৎশিং মহৌশানা লেপ্তনা লাকই। হায়রিবা ফীভমশিং অসিদা পেন্সনরশিং মরুওইনা অহল ওইরা পেন্সনরশিংনা অৱাবা কয়া মায়োক্নৈ হায়না মহাক্না ফোঙদোকখি।

প্রধান মন্ত্রী নরেন্দ্র সিংহ মোদীগী দিজিতেলাইজেসনগী ইখৌ লাংবা অদুবু থাগৎপা ফোঙদোক্লদুনা দ. জিতেন্দ্র সিংহনা হায় হৌখিবা চহি তরুক অসিদা মাইকৈ অশোমদা য়াম্না য়াংনা খুমাং চাওশিল্লক্লি অমসুং কোবিদ লাইচৎকী মমাং ফাওবদা ভারত সরকারগী মন্ত্রালয় কয়ামরুম অমসুং দিপার্তমেন্ত কয়ামরুমদা মখোয়গী থবক্কী ৮০%দি ই-ওফিসকী খুত্থাংদা পাংথোক্লি। লোকদাউনগী মনুংদা থবক্তগী মতম লোইরদুনা থবক্তগী পোত্থারবা অমসুং মখোয়গী পি.পি.ও.গী হার্দ কোপী হকথেংননা লৌবা চৎপদা খুদোংচাদবা থেংনরিবা অহল ওইরবা ওফিসিএল কয়াদা কোবিদ লাইচৎকী মনুংদা অনৌবা থৌজাল অমা ওইনা থোরকখিবা ইলেক্ত্রিনিক “পেন্সন পেমেন্ত ওর্দর”গী প্রোবিজন অসি মাইপাক্না হৌদোকখিবা দিপার্তমেন্ত ওফ পেন্সন্সকী ওফিসিএলশিংবু মহাক্না থাগৎপা ফোঙদোকখি। লাইচৎ অসিনা মরম ওইদুনা পেন্সনরশিংনা থেংনরিবা অৱাবশিং অসি য়েংলগা পান্দম থমখিবা মতম অদুদগী মাংজৌননা থবক পুম্বা শিংথানিঙাই ওইনা লোইশিনখি।

মতুং তারকপা ওইনা, দিপার্তমেন্ত ওফ পেন্সনস এন্দ পেন্সনর্স ৱেলফিয়রনা দিজি-লোকরগা লোইননা সি.জি.এ. (কন্ত্রোলর জেনরেল একাউন্তস)কী পি.এফ.এম.এস. এপ্লিকেসনগী খুত্থাংদা জেনরেৎ তৌবা ইলেক্ত্রোনিক পি.পি.ও. ইন্তিগ্রেৎ তৌনবা ৱারেপ লৌখ্রে। মসিনা পেন্সনরদা দিজি-লোকর একাউন্তদগী মাগী পি.পি.ও.গী খ্বাইদগী নৌবা কোপী অদু হেক্তমক প্রিন্ত তৌহনবা য়াহল্লি।

দা. জিতেন্দ্র সিংহনা হায়, পুন্সি শাংদোরকপা অমসুং হকচাংগী ফীভম ফগৎলকপগা লোইননা নোংমা নোংমাগী মীশিং হেনগৎলক্লিবা পেন্সনরশিংগী পুন্সিদা কোমথোকচনবা অমসুং খুদোংচানবা রিফোর্ম মশিং কয়া চৎনহনখ্রে। মহাক্না মসিদা প্রি-রিতাইয়র্মেন্ত ৱার্কশোপশিং অমসুং কাউন্সেলিং সেসনশিং লোইননা থবক্তগী পোত্থরবা মতুংগী তাঙ্ককশিংদা মপুং ফানা থবক তৌবদা মতেং পাংবা য়াওরি মসিনা সিনিয়র সিতিজেনশিংগী ইনর্জীশিং, এক্সপর্তাইস অমসুং এক্সপিরিয়েন্স অদু খুন্নাইগী কান্ননবা অমসুং লৈবাক শেমগৎপদা মপুং ফানা শীজিন্নবা য়াগনি।

<><><><><>