নেপালগী ফোরেন মিনিস্তর মিস্তর প্রদীপ কুমার গ্যাৱালিনা রক্ষা মন্ত্রী শ্রী রাজনাথ সিংহবু ঙসি নই দিল্লীদা ঙসি কৌখ্রে। ফোরেইন মিনিস্তর অসি ৬শুবা ইন্দিয়া-নেপাল জোইন্ত কম্মিসন মিতিংগীদমক ইন্দিয়াদা লৈরি। মহাক্না রক্ষা মন্ত্রীগা উন্নবদা, ফোরেইন মিনিস্তরনা নেপালগা লুচিংবশিংনা হরাও তয়াম্বা ফোংদোকপা তম্লি, অমসুং মহাক্কী লৈবাক অনি অসিগী মরী ফগৎহনবা অপাম্বা ফোংদোকখি। মহাক্না অমুকশু ইন্দিয়াবু মঙোন্দা মতেং পীরিবা অসিগীদমক থাদৎপা ফোংদোকখি। শ্রী রাজনাথনা হায়রিবা অসিগী অয়াবা ফোংদোকখি অমসুং ইন্দিয়া-নেপাল অনিগী মরী অসি অখন্নবা মী অমদগী মী অমদা পুন্না থবক তৌনবগী মরুওইবা পীখি।       

রক্ষা মন্ত্রীনা মহাক্না মশাগী ওইনা নেপালগী লুচিংবশিংগা মীওইশিংগা থেংনবা, য়াম্না শাংনা পুল্লকই অমসুং নেপালগী মীয়াম্না অখন্ননা লৌবিরি। মীহুৎ অনি অসিনা মিলিতরি মশেল মতেং পীনবা অসিদা অপেনবা ফোংদোক্নখি। রক্ষা মন্ত্রীনা নেপালগী মফমদা মীওইবগী মিনুংশিগী ওইবা মতেং অমসুং মহৌশাগী ওইবা অমাং অতা (ঐচ.এ.দি.আর.) ত্রেনিং অমসুং মফম অসিবু চাওখৎনবা হোৎনবদা শেম শাদুনা লৈরি। 

নেপালগী ফোরেইন মিনিস্তরনা ইন্দিয়াবু কোবিদ ভেক্সিন চাওখৎনবা হোৎনবদা মায় পাকপগীদমক থাগৎপা ফোংদোক্লি অমসুং লায়চৎ অসি য়াম্না অথুবা মতমদা লোইশিল্লগনি হায়না থাজবা ফোংদোকখি।

রক্ষা মন্ত্রীনা হায়খি মদুদি ইন্দিয়ানা ইন্দিয়া অমসুং নেপাল অনিগী মরী অসিদা হেন্না মখা তানা মরী চেৎশিন্নবা অমসুং হেন্না কনখৎনবা মাংলোমদা য়েংদুনা লৈরি।

*****