ইন্দিয়ন আর্মিনা ঙসি ৭৩শুবা আর্মিগী নুমিৎ পাংথোকখ্রে। চহি খুদিংগী ইন্দিয়ন আর্মিনা জানুৱারীগী ১৫ অসি ‘আর্মিগী নুমিৎ’ হায়না মসি জেনেরেল (মতুংদা ফিলদ মার্শেল) কে. এম. কারিয়াপ্পানা ১৯৪৯দা ব্রিতিশ কম্মান্দর-ইন-চীফ আর্মি ওফ জেনেরেল সর এফ.আর.আর. বুচরগী মথক্তা কম্মান্দ লৌখিবা অমসুং নিং-খা তম্লবা মতুংদা অহানবা ইন্দিয়াগী কম্মান্দর-ইন-চীফ ওইখিবা নুমিৎ নিংশিংবা ওইনা পাংথোকপনি।  

থৌরম অসি নেস্নেল ৱার মেমোরিএলদা সি.দি.এস. জেন. বিপিন রাৱাত অমসুং সর্বিস চীফ অহুমগা লৈ পরেং কৎপগা লোয়ননা শ্রদ্ধাঞ্জলী কৎতুনা হৌদোকখি।

জেনেরেল এম.এম. নারাভেন, আর্মি স্তাফকী চীফনা আর্মি দে পেরেদ অসি কারিয়াপ্পা পেরেদ গ্রাউন, দিল্লী কান্তোমেন্ততা হন্না য়েংখি অমসুং সেনা মেদল ১৫ (লৈখিদবা ৫ য়াওনা) মখোয়গী গেল্লেন্ত্রী ওইবগীমক পীখি অমসুং সি.ও.এ.এস. য়ুনিৎ সাইতেসন ২৩ মখোয়গী য়ুনিৎকীদমক পীখি। আর্মিগী নুমিৎ অসিগী পেরেদ অসি মেজোর অলোক কাকের, দিল্লী এরিয়াগী চীফ স্তাফনা কম্মান্দ তৌখি। পেরেদ অসি পরম ভির চক্র অমসুং অশোক চক্র এৱার্দি ফংবশিংনা মকোক চিংখি। মসিগী মতুংদা আর্মি কন্তিজেন্ত মসিদা তি-৯০ তেঙ্ক ভিশ্মা, ইনফান্ত্রা কোম্বেৎ ভেহিকল বি.এম.পি. ২, ব্রহামোস মিসাইল সিস্তেম, পিনাকা মল্তিপল লনচ রোকেৎ সিস্তেম, শেমগৎলবা ছিলকা গন সিস্তেম, ব্রিদজ লায়র তেঙ্ক, ইন্তরনেস্নেল স্পোর্তস এৱার্দিস অমসুং শগোল কাবলরি য়াওনা কন্তিজেন্ত ৭ না শরুক য়াখি।   

ইন্দিয়ন আর্মিনশু মশানা শেমজবা দ্রোন শ্বার্মিং কেপাবিলিতি ৭৫গী হৈ-শিংবা উৎখি অমসুং মপুং ফানা শেমগৎলবা দ্রোন হায়রিবা অসিনা আর্তিফিসিএল ইন্তিলিজেন্স (এ.আই.) মিসন্দা ঙাকথোকপা ঙম্বা অমসুং অনকপা থবকশিংদা মতেং পাংবা অসি উৎখি।

*******