হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না আত্মানির্ভর ভারত, শ্বাতন্ত্রা ভারত্তা স্বরাজ্যা মেগাজিন্না অমসুং পোস্ত-কোবিদ-ৱার্লদগী ইন্দিয়াগী হেলথকেয়র ইকোসিস্তেম্না শিনবা ৱেবিনারদা ভর্চুএল ওইনা ৱা ঙাংখ্রে।

হৌরকপদা, দাঃ হার্শ বর্ধন্না মীপুম খুদিংদা নুঙাইরবা মকর সংক্রান্তি য়াইফ-নুঙাই পাউজেল পীখি অমসুং স্বরাজ্যাবু আত্মানির্ভর ভারতকী থীমদা ৱেবিনার পরীং অমা পাংথোকপগীদমক থাগৎপা ফোংদোকখি। মহাক্না হায় মদুদি, “প্রধান মন্ত্রী শ্রী নরেন্দ্র মোদীনা লুচিংবা ঐখোয়গী সরকার অসি পন্দিত দীনদয়াল উপাধ্যয় জিগী ৱাখল্লোল অন্ত্যদয়া নত্ত্রগা সমাজগী খ্বায়দগী নেম্বা মীওইদা সেবা তৌবা অসিদা পুক্নিং থৌগৎপনি।আত্মানির্ভর ভারত অসি ঐখোয়গী সরকারগী পুক্নিং চিংশিন্নবা মফম ওইরি। ঐখোয়গী সরকারনা ইনাকখুনবা অমসুং লায়ররবশিং অসিদা খেন্নবা লৈতনবা হোৎনরি অমসুং নাগরিক পুম্বা চপ মান্নবা খুদোংচাবা পীবা অসিনি”।  

ইন্দিয়ানা মরোমদোম লেপচবদা কয়া য়াম্না চাওখৎকদবগে হায়বা অদু উৎলদুনা, য়ুনিয়ন মিনিস্তরনা হায় মদুদি. “ইন্দিয়া অসি মসিদা লৈরিবা নাগরিকশিং অসি চাওখৎলবা মতমদা চাওখৎপা ঙমগনি অমসুং নাগরিক পুম্বা চাওখৎপদা ঐখোয়না ইরোমদোম লেপচবা অমা চংই। ইরোমদোম লেপচবা ইন্দিয়া হায়বা অসি মপাল লমগী পোৎলম থিংবা নত্তে অদুবু ভাসুধাইবা কুতুমবকম হায়বা ৱাখল্লোল অসি থাজবা অসিনি। মসিনা হায়বদি ইন্দিয়ানা অতোপ্পা লৈবাক্তগী মীপাল তাংবা তোকপা অমসুং চাওখৎপরোমদা চংশিনবা অসিনি। ইরোমদোম লেপচবা লৈবাক অমা ওইবতনা লৈবাক অসি মতোন য়ৌবা ঙমগনি”।

মহাক্না মখা তানা হায়খি মদুদি, “ আত্মানির্ভর ভারতকী মায়কৈদা খোঙথাং অমা ওইনা, ঐখোয়না মেক ইন ইন্দিয়া খোঙথাং লৌদুনা পোৎ পুথোকপা, রিসর্স অমসুং অনৌবা পোৎ পুথোকপগী হব ওইনবা দ্রাই হৌদোক্লি। ইন্দস্ত্রীগা লোয়ননা ঐখোয়গী নহাশিংনা হেন্না থবক ফংলগনি, মসিনা মখোয়গী পুন্সিদা নুঙাই য়াইফবা অমা পুরক্লগনি। সরকার অসিনা ব্যুজিনেস অসি তৌবগী অরায়বা মওং পোথোক্লি অমসুং থৌওং কয়া অমা লায়থোকহনবা অমসুং মরুওইদবা নিয়মশিং লৌথোকপা অমসুং তেক্নোলোজিদা হেন্না মিয়েং চংবা অসিনি। ঐহাক্না থাজৈ মদুদি মসিনা হকথেংননা ইন্দিয়াগী লায়ররবশিংদা মখোয়না হৈজবা শিনফমদা খুদোংচাবা ফংলগনি।

কোবিদকী থৌদোক অসিনা খুদোংচাবা অমদা ওন্থোরকপা হিরম অসিদা দাঃ হার্শ বর্ধন্না হায় মদুদি, “কোবিদকী লুরবা মতম অসিদা, প্রধান মন্ত্রীনা হায় মদুদদি, “ইন্দিয়ানা কোবিদ-১৯ লায়চৎ অসি খুদোংচাবা অমা ওইনা উগদবনি” অমসুং য়ুম্বী মঙাদা মিয়েং চংগদবনি: ইকোনোমী, তেক্নোলোজি, ইনফ্রাস্ত্রকচর, ভাইব্রেন্ত দেমোগ্রাফি অমসুং ইন্দিয়ানা মরোমদোম লেপচনবা দিমান্দ অসিনি। মীশিং য়াম্বা ইনফ্রাস্ত্রকচর নেম্বা অসিনা অচৌবা অৱাবা অমা ওইহল্লি। লায়না অসি য়াম্না লান্নগনবা ওইবনা লৈবাক শিনবা থুংনা হকশেলগী চেকশিন থৌরাং চংবা অসিনা, ইন্দিয়ানা লাল্লোং কয়া অমা হান্না লৈরিবা হকশেলগী ইনফ্রাস্ত্ররচর অসি মখোংদগী শেম্লি”।

লায়চৎ মনুং অসিদা লৌখৎলিবা মরোমদোম ওইবগী খোঙথাং অসিদা ৱা ঙাংলদুনা মহাক্না হায় মদুদি, “ইন্দিয়ানা লোকদাউন্দ মনুংদা হকশেলগী ওইবা ইনফ্রাস্ত্রকচর অসি ফগৎনবা মতম অসি শিজিন্নৈ, হকশেলগী ওইবা থবক তৌরিবশিং অসিগী মপাঙ্গল কনখৎহল্লি। ঐখোয়না ঙসিদি ইশাগী পোথোক হায়বদিপি.পি.ই., মাস্ক অসিনচিংবা মরাং কাইনা লৈজরে অমসুং হায়রিবশিং অসি মপাল লমদা থাদোকপা য়াবগী ফিবমদা লৈরে। পুনে লেব অমদগী, আই.সি.এম.আর. সর্তিফাইত লৈরবা লেব ২,৩২৩দগী হেন্না হৌজিক লৈরে”।

লায়চৎ অসি লান্থেংনবদা তেক্নোলোজিগী অহেনবা খুদোংচাবা লৌবা অসিদা দাঃ হার্শ বর্ধন্না হায় মদুদি, “আরোগ্যা সেতু এপ্লিকেসন অসি কোবিদ মেনেজমেন্ত অসিদা মতেং ওইনবা শেমগৎখিবনি। এপ্লিকেসন অসি মীওই মিল্লিয়ন ১৬৮না লৌথরি।  থৌওংশিং অসি হেন্না চেকশিনবা অমসুং লাকশিন্নবা, আই.তি.গী খুলাই আই.তি.আই.ঐচ.এ.এস. কৌবা অমশু শেমগৎলে। ‘ইসঞ্জীবানি’, কৌবা ৱেব-বেজ তৌবা খুমাং চাওশিল্লবা তেলেমিদিসিনগী পাম্বৈ অসিনা ইন্দিয়াগী মফম পুম্বদা শিজিন্নদুনা খুঙ্গংগী মফমশিং অমসুং নাইতোম লৈবা মফমশিংদা হকশেলগী থবকশিং অসি য়ৌহন্নবা হোৎনরি। ‘ই-আই.সি.য়ু.শিং’ অসিশু মতম পুম্বদা আই.সি.য়ু.গী অনাবশিং য়েংশিন্দুনা লৈরি”।

লায়চৎ মনুং অসিদা হোৎনদুনা ইনফ্রাস্ত্রকচর হেনগৎনবা লৌখৎলিবা থৌওং অসিদা মহাক্না হায় মদুদি, “নাইতোম থম্বা ফমুং অসি লোকদাউন্দ মমাংদা ১০,১৮০ লৈরম্বা অদুদগী হৌজিক অনলোক লোইরমদাই অসিদা মিল্লিয়ন ১.৫ হেন্না লৈরি। মসিগা মান্ননা আই.সি.য়ু.গী ফমুংশু ৮০,৬৬৯দা হেনগৎতুনা হান্না লৈরম্বা ২,১৬৮দগী হেন্না লৈরি। কোবিদ-১৯গী ভেক্সিন্নেসনগীদমক ইকাই খুম্নরবা প্রধান মন্ত্রীগী লমজিং লমতাক্কী মখাদা নেস্নেল এক্সপার্ত কাংবু অমা এন.ই.জি.ভি.এ.সি অসি শেমগৎতুনা ভেক্সিন্নেসন পীগদবা মফমশিং য়েংশিল্লি। ঐখোয়না শেমজবা কো-ৱিন, কোবিদ-১৯ ভেক্সিন্নেসনগী দিজিতেল প্লেতফোর্ম অমসু শেমগৎলে। কোবিদ-১৯গী ভেক্সিন্নেসনগী দ্রাইব অসি ‘মেক ইন ইন্দিয়া’না তৌরি অমসুং ভেক্সিনশিং অসি ইশানা শেমজরি।

ৱা ঙাংবা অসি লোইশিল্লকপদা য়ুনিয়ন মিনিস্তরনা হায় মদুদি, “আত্মানির্ভর ভারত কৌবা অসি মিসনশিং অসি অয়েৎপা অমত্তা য়াওহন্দনা চৎপা অসিনি, হায়রিবা অসিনা কত্থোকপা, থবক কন্না শুবা অমসুং লৈবাক অসিবু শেমগৎপরোমদা চংশিনবা অসিনি”।

*****