শ্রী অশৱিনি কুমার চৌবেহগা লোইননা ভিদিও কনফরেন্সিংগী খুৎথাংদা ৫শুবা নেস্নেল কয়াকল্প এৱার্দশিং হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধননা হৌদোকখ্রে৷

থৌরম অদু হৌরকপা মতমদা প্রধান মন্ত্রী শ্রী নরেন্দ্র মোদীনা রাজপাথতগী স্বচগ্রহগী মতাংদা হায়খিবা অদু নৌহৌননা দা. হার্শ বর্ধননা ময়ামদা নিংশিংহল্লম্মী৷ “২০১৪গী ওক্তোবর ২দা স্বচ ভারত মিসন(এস.বি.এম.) হৌদোকখ্রে৷ স্বচ ভারত মিসন অসি চৎনরকপা চহী নিপান শুরকপা অসিনা মিসন অসি লৈবাক অসিগী ইহৌ অমা ওইরে” হায়না মহাক্না ফোংদোকখ্রে৷

ভারততা লৈরিবা পব্লিক হেল্থ ফেসিলিতীশিং অসিদা হেন্না লু নানবা তশেং তশেংবা ফিভম অমা লৈহন্নবা ২০১৫গী মে ১৫দা নেস্নেল ইন্নিসিয়েতিল অমা ওইরিবা ‘কয়াকল্প’ ভারত সরকারগী হকশেল অমসুং য়াইফ য়ুম্বাল মন্ত্রীনা হৌদোকখ্রে৷ তশেং তশেংনা য়াম্না লু নান্না থম্বা ঙম্লিবা পব্লিক হেল্থকেয়র সিস্তেম অসিদা লৈরিবা জিলাগী অনা-লাইয়েংশঙশিং, সব-দিভিজনেল অনা-লাইয়েংশঙশিং, কম্ম্যুনিতী হেল্থ সেন্তরশিং, প্রাইমরী হেল্থ সেন্তরশিং অমসুং হেল্থ অমসুং ৱেল্নেজ সেন্তরশিং অসিবু মশক থঙবিখ্রে অমসুং মনা পীখ্রে৷

কয়াকল্প স্কিম অসিবু থাগৎলদুনা দা. হার্শ বর্ধননা অসুম্না ফোংদোকখ্রে, “কয়াকল্প অসিনা পব্লিক হেল্থ ফেসিলিতীশিং অসিগী ফিভম ফগৎহনবা অসি খক্তা নক্তনা লৈবাক মীয়াম অসিগী শাজৎতা অচৌবা অহোংবা অমগা লোইননা শাফু পীখ্রে৷ মসিগী পেরাদিজম শিফত অসি ‘মেরাঅস্পতাল’গী খুৎথাংদা রিপোর্ত তৌরকখিবা ‘পেলহনবা ঙম্লবা’ পেসেন্ত মশিং অসিদা উবা ফংখি’ হায়না মহাক্না ফোংদোকখ্রে৷

কয়াকল্প অসিগী মখাদা চাওনা মাই পাকপা ফংবা ঙম্লিবা অদু দা. হার্শ বর্ধননা পনখ্রে৷ “স্কিম অসি হৌরকপা মতমদা অহানবা চহীদা জিলাগী অনা-লাইয়েংশঙ অমসুং কেন্দ্র সরকারগী ইন্সতিত্যুস ৭১৬ য়াওিবা অদু হৌজিক্তি পব্লিক হেল্থ ফেসিলিতী ২৬,১৭২দা শন্দোকপা ঙমখ্রে৷ হৌখিবা চহী ২০১৯-কয়াকল্প ফেসিলিতী ফংলিবা মশিং অসি ৭,৬১৫”নি হায়না মহাক্না ফোংদোকখ্রে৷

ভারত লৈবাক অসি খক্তা নক্তনা কয়াকল্পনা মাই পাকপগী ৱারী অসি পল্লদুনা মন্ত্রী অসিনা অসুম্না ফোংদোকখ্রে, “কয়াকল্প অসি মালেম অসিনা, লৈবাক অসি শিনবা থুংনা থাগৎলিবা তুংগী অশা লৈবা প্রোগ্রাম অমনি৷ মসি ২০১৯গী মে ২০-২৮ ফাওবা পাংথোকখিবা ৭২শুবা ৱাল্দ হেল্থ এসেমব্লী অসিদা মালেম শিনবা থুংনা থাগৎখ্রে৷ কয়াকল্পগী মাই পাকপা অসি দবল্যু.ঐচ.ও., য়ুনিসেফ অমসুং জে.এম.পি.না ফোংখিবা ২০১৯গী গ্লোবেল বেজলাইন রিপোর্ত অদুদা উৎখ্রে৷” হায়না মহাক্না ফোংদোকখ্রে৷

থৌরম অদু লোইশিল্লকপগী মতমদা দা.হার্শ বর্ধননা অসুম্না ফোংদোকখ্রে, “কোবিদ-১৯ পেসেন্তশিং অসি লাইয়েংবা মতমদা ক্লিনিকেল লিদরশিপ ফংহনবা অসিগীদমক কেন্দ্র সরকারগী ইন্সতিত্যসনশিং অসিবু ঐনা থাগৎখ্রে৷ কোবিদ কেয়র অসি থাক ৱাংনা ফংহনবা মতমদা রাজ্যশিং অমসুং হেল্থ ফেসিলিতীশিং অসিনা লৌরিবা থৌদাংশিং অদুবুসু থাগৎখ্রে৷”

থৌরম অদুদা এন.ঐচ.এম.,এ.এস. অমসুং এম.দি. শ্রীমতি ভন্দনা গুরনানি, জোইন্ত সেক্রেতরী শ্রী ভাকাশ শীল জোইন্ত সেক্রেতরী শ্রীমতি গয়াত্রি মিশ্রা, জোইন্ত সেক্রেতরী নিলমবুজ শারন অমসুং অতোপ্পা সেনিয়র ওফিসিয়েলশিং অসিনা শরুক য়াখি৷

                                                                                          ****