ঙাকশেল মন্ত্রালয়
কোস্তেল দিফেন্স এক্সরসাইজ সী ভিজিল ২১ মপুং ফানা লোইশিনখিবা
Posted On:
14 JAN 2021 11:35AM by PIB Imphal
নুমীৎ নিনিগী ওইবা কোস্তেল দিফেন্স এক্সরসাইজ ওইরিবা এক্সরসাইজ সী ভিজিল অসি জনুৱারী ১২ অমসুং ১৩, ২০২১দা পাংথোকখ্রে। সী ভিজিলগী ৱাখল্লোন অমসুং জিওগ্রাফিকেল ওইনা পাকথোক-শন্দোকহনবা অসিদা লৈবাক অসিগী সমুদ্র তোর্ব্বানগী পরিং অমসুং ই.ই.জেৎ.পুম্বা লোইনা য়াওখি অমদি শান্তিদগী লানগী মতম ফাওবদা কন্তিঞ্জেন্সীশিং শিজিন্নখি। মসিদা নত্তনা সমুদ্র তোর্ব্বান ঙাক শেনবদা করিগুম্বা মখল অমত্তগী মুক্নবা থোরকপা হন্থহন্নবা থবকসু পায়খৎলি।
এক্সরসাইজ অসিদা সমুদ্র তোর্ব্বান ঙাক শেন্নবগী খুৎলায়শিং শিজিন্নরি অমসুং ইন্দিয়ন আর্মী(আই.এন.) অমসুং কোস্ত গার্দ (সি.জি.)গী সর্ফেস এসেৎ ১১০দগী হেনবনা শরুক য়াখি। মসিদা নত্তনা মশিং য়াম্লবা সমুদ্রগী পুলিশ অমসুং কস্তমশিংগী এসেৎশিং মথৌ তৌহনখি। সমুদ্র তোর্ব্বানগী পরিংপুম্বা আই.এন. অমসুং সি.জি. এয়রক্রাফনা য়েংশিনখি অমসুং ওনবোর্দ ওফসোর প্লেৎফোর্মশিংদা মথৌ তৌরিবা স্পিসিএল ওপরেতিং পর্সোনেল মথৌ য়াংশিলহন্নবা হেলিকোপ্তরশিংসু সর্ভিস অদুদা য়াওহনখি।
হিথাংফমশিংগী লল্লোন-ইতিক্কী ওইবা অমদি ক্রাইসিস মেনেজমেন্ত কয়া এক্সরসাইজ অসিদা য়াওদুনা ইমর্জেন্সী লাকপদা লাকশিন্নবা হোৎনরি। স্তেত পুলিশ তীমশিং, ইন্দিয়ন নেভী মেরীন কমান্দোশিং অমদি নেস্নেল সেক্যুরিতী গার্দকী কমান্দোশিং এক্সরসাই অসিদা য়াওশিন্দুনা সমুদ্রগী তেরোরিজম্বু থেংননবা হোৎনরি।
এক্সরসাইজ অসিদা নেস্নেল কম্মান্দ, কন্ত্রোল, কম্ম্যুনিকেসন অমসুং ইন্তলিজেন্স(এন.সি.3 আই.) নেৎৱর্ক কৌবা তেক্নিকেল সর্ভিলেন্স ইনফ্রাস্ত্রকচর কয়াসু য়াওহনখি। গুরুগ্রামগী দি ইনফোর্মেসন মেনেজমেন্ত এন্দ এনালাইসিস সেন্তর(আই.এম.এ.সি.) অমসুং মসিগী তোঙান-তোঙানবা নোদশিং আই.এন. অমসুং সি.জি. স্তেসনশিং কয়া য়াওদুনা ই-পাও শন্দোক্নবা মেকানিজমশিং তেংবাং লৌখি।
এক্সরসাইজ অসিগী মরুওইবা পান্দমশিং অসি স্তেকহোল্দরশিং পুম্নমক্না থৱায়-হকচাং য়াওনা হোৎনদুনা মায় পাকপা ঙমহনখি।
মসিদা য়াওরিবা তোঙান-তোঙানবা এজেন্সীশিংনা তেংবাংনবা অমদি খুৎশম্নবনা সমুদ্র ঙাক-শেনবগী হিরমদা হেন্না ফগৎলকপগী খুদম ওইরে অমদি সমুদ্রগী মফমশিংদা কোস্তেল দিফেন্স অমসুং নেস্নেল সেক্যুরিতী অসি অশানবা মীৎয়েংদা হেন্না খুমাং চাওশিলহল্লগনি।
*****
(Release ID: 1688542)
Visitor Counter : 250