স্তীল মিনিস্ত্রীনা ইন্দিয়ন স্তীল এসোসিএসন (আই.এস.এ.)গা লোয়ননা হয়েং “স্তীল শেমগৎপা অমসুং ইনফ্রাস্ত্রকচরগী অনৌবা খুদোংচাবা” হায়বা তাইতল অসিদা ৱেবিনারগী পরিং অমা অনিশুবা ইদিসন ওইনা শিনগদৌরি। থৌরম অসিদা স্তীল অমসুং পেত্রোলিয়ম অমসুং নেচুরেল গ্যাসকী য়ুনিয়ন মিনিস্তর শ্রী ধর্মেন্দ্র প্রধান্না অথোইবা অতিথি অমসুং স্তীলগী মিনিস্তর ওফ স্তেত শ্রী ফাগান সিংহ কুলাস্তেনা গেস্ত ওফ ওনোর ওইগনি।

ৱেবিনার অসিনা পান্দম থম্লিবা অসি স্তীল অমসুং নৌনা স্তীলগী শেমগৎপা অমসুং ইনফ্রাস্ত্রকচরগী সেক্তরদা মিয়েং থম্লি। স্তীলগী মমিং লৈরবা লুচিংবশিং, কন্সত্রক্সন, অমসুং ইনফ্রাস্ত্রকচর সেক্তরদগী ৱেবিনার অসিদা শরুক য়াগনি।

আই.এস.এ. অসিবু ৱেবিনার অসি শিনবগী থাগৎপা ফোংদোক্লদুনা শ্রী ধর্মেন্দ্র প্রধান্না পাওজেল অমদা হায় মদুদি, “ইন্দিয়ন স্তীল ইন্দস্ত্রীনা হৌখিবা মতম কয়াদগী হায়নিঙাই লৈতনা য়াম্না থুনা ফগৎপা উৎলি। মসিনা য়াম্না থুনা চাওখৎপা অসিনা ইন্দিয়ানা ক্রদ স্তীল পুথোকপদা অনিশুবা খ্বায়দগী চাওবা ওইবা ঙম্লি। কোবিদ-১৯না য়াম্না চাওনা অৱাবা অমা মায়োক্নরি অদুবু অদুবু ঐখোয় পুন্না হোৎনমিন্নদুনা মসিবু ঙমদুনা চৎলি। স্তীল সেক্তর অসিনা অনৌবা চাওখৎপগী ফেজ অমা চংশিল্লক্লি অমসুং মসিনা হেন্না শক্তি লৈবা, অহেনবা তানবা অমসুং থাক অমা য়ৌহল্লি। ভারত সরকারনা হন্দক্তা অনৌবা খোঙথাংগী স্কীম কয়া অমা হৌদোক্লি – প্রোদক্সন লিঙ্কেদ ইন্সেন্তিব (পি.এল.আই.) স্কীম অসিনা সেক্তর কয়াদা স্তীল য়াওনা অমসুং মরু ওইনা অহানবা পান্দম অসি অখন্ননা স্তীলদা থম্লি”। মহাক্না আসা লৈবা ফোংদোকখি মদুদি ৱেবিনার অসিনা শরুক য়ারিবশিং, দেলিগেৎশিং অমসুং অতৈ মরুওইবা স্তীলগী ফিরেপ লৌরিবশিং, কন্সত্রক্সন অমসুং অতোপ্পা ইনফ্রাস্ত্রকচরগা মরী লৈনবা ইন্দস্ত্রীশিং অসিনা স্তীলগীদমক অনৌবা খুদোংচাবা অমা পীরগনি। 

স্তীলগী মিনিস্তর ওফ স্তেত, শ্রী ফাগান সিংহ কুলাস্তেনা মহাক্কী পাউজেলদা হায় মদুদি “চাওরাক্না স্তীল ৬৫-৬৭% অমদি কন্সত্রক্সন অমসুং ইনফ্রাস্ত্রকচরদা শিজিন্নৈ। মসিনা মরম ওইদুনা স্তীল শিজিন্নবগী অনৌবা খুদোংচাবা অমা থীদোকপা মথৌ তাই”।

*****