জল শক্তি মন্ত্রালয়ফী দিপার্তমেন্ত ওফ দ্রিঙ্কিং ৱাতর এন্দ সেনিতেসনগী নেস্নেল জল জীবন মিসন (এন.জে.জে.এম.)না ইলেক্ত্রোনিক্স এন্দ ইনফোর্মেসন তেক্নোলোজীগা চুংশিন্নদুনা সেপ্তেম্বর ১৫, ২০২০দা “স্মার্ত ৱাতর সপ্লাই মেনেজমেন্ত এন্দ মোনিতরিং সিস্তেম” অমা  দেবেলপ তৌনবা আই.সি.তি. গ্রান্দ চেলেঞ্জ অমা হৌদোকখি। গ্রান্দ চেলেঞ্জ অসিগী য়ুজর এজেন্সী জল জীবন মিসন্না ওইগনি অমদি চেলেঞ্জ অসিগী তেক্নিকেলগী ওইবা মতেং ফংহনবগা লোইননা সি-দেক, বেঙ্গলোরনা ইমপ্লিমেন্তিং এজেন্সী ওইগনি। ভারত পুম্বদগী মশিং য়াম্না শরুক য়াবা উবা ফংখি। এল.এল.পি. কম্পনীশিং, ইন্দিয়ন তেক স্তার্ত-অপশিং, ইন্দিবিজ্যুএলশিং অসিনচিংবা তোঙান তোঙানবা সেক্তরশিংদগী পুন্না এপ্লিকেসন ২১৮ লাকখি। একাদেমিয়া, ইন্দস্ত্রী, জল জীবন মিসন, সি-দেক, এস.তি.পি.আই., সি.ও.ই.এস, এম.ই.আই.তি.ৱাই. অসিনচিংবদগী এক্সপর্তশিং য়াওবা জুরী অমা শেমখি।

জুরীগী অপাম্বদা য়ুম্ফম ওইরগা আই.সি.তি. গ্রান্দ চেলেঞ্জ অসিগী লশিং নবেম্বর ২০, ২০২০দা লাউথোকখি। এপ্লিকেন্ত ১০ প্রোতোতাইপ স্তেজকী আইদিয়েসনগীদমক্তা খনগৎখি অমসুং অমমমদা লুপা লাখ ৭.৫০গী মতেং পীখি।

হৌজিক্কী ওইনা প্রোতোতাইপশিং অসি দেবেলপ তৌরি হাবরিবা অসি জুরীনা জনুৱারী, ২০২১গী অরোইবা চয়োলদা ইভাল্যুৎ তৌগনি। ইভাল্যুএসনশিং অসিগীদমক্তা সি-দেক বেঙ্গলোর ইলেক্ত্রোনিক সিতী কেম্পসতা ৱাতর বেদ তেস্ত অমা শেমখ্রে। প্রদক্ত দেবেলপমেন্তগীদমক্তা তেক্নো-ইকনোমিকেলী ভাইএবল প্রোতোতাইপ মরি খনগৎকনি অমদি তীম অমমমনা মখোয়গী সোলুসন অদু য়ুজর এজেন্সীগী মথৌ তাবগী মতুং ইন্না শেমগৎনবা লুপা লাখ ২৫ ফংগনি।

মসিগী মতুংদা জল জীবন মিসন্না খঙদোক্লবা লৈবাক অসিগী মফম চাউরাক্না ২৫দা ফীল্দ ত্রাইএল, তেস্তিং অমসুং দিপ্লোইমেন্ত অমদি দেমোনস্ত্রেসন চত্থগনি। ইভাল্যুএসন্দা য়ুম্ফম ওইরগা ৱিনর অমা অমসুং রনর-অপ অনি খনগনি অমসুং লুপা লাখ ৫০ (ৱিনর) অমসুং অমমমদা লাখ ২০ (রনর-অপশিং)দা মতেং পাংগনি। গ্রান্দ চেলেঞ্জ অসি এম.ই.আই.তি.ৱাই. অমসুং নেস্নেল জল জীবন মিসনগী শেন্থংগী মতেংগা লোইননা পাঙথোকপনি।

জল জীবম মিসন অসি ২০২৪ ফাওবদা খুঙ্গংগী য়ুমথোং খুদিংদা তোতি ঈশিং শম্নবা পান্দমগা লোইননা কেন্দ্র সরকারনা পাইখৎখিবা মরু ওইবা প্রোগ্রাম অমনি। অগস্ত ১৫, ২০১৯দা প্রধান মন্ত্রীনা লাউথোকখিবা মিসন অসিনা হৌজিক ফাওবদা খুঙ্গংগী মফমশিংদা লৈবা য়ুমথোং করোর ৩.১৩দা তোতি শম্বা ঙমখ্রে।

ভিদিও লিঙ্ক:

https://drive.google.com/file/d/1IQH34SD77MbPvbZAl4VAJcp3HnTLBKge/view?usp=sharing

https://drive.google.com/file/d/1NVBwTdVpS5wGJCR_OTf8A0wNG0_iL7Jn/view?usp=sharing

*****