অহানবা দেলিগেসনগী থাক্তা ইন্দিয়া-বঙ্গলাদেশকী পুলিশ চীফশিংগী ভর্চুএল ওইবা পুলিশ চীফশিংগী অফবা মওংদা অমসুং থাজনবা অমগী মখাদা ঙসি ৱারী শানখ্রে। লৈবাক অনিগী মতেং পীনবা, অমগা অমগা লৈনরিবা মান্নবা হিরমশিং অমসুং মাংলোমদা চংশিন্নবা অসি খন্নবা অসিদা মখা তানা পুলিশ ফোর্সশিং অসিগী মরী হেন্না কনখৎননবা ফিরেপ লৌখি। মসিগী খোঙথাং অসিদা ‘নোদাল পোইন্ত’শিং মতম খরগী ওইনা লিংখৎলগনি অমসুং মতিক চানা শেন্নদুনা অমসুং হান্ননা লৈরিবা অসিদা অহেনবা থৌদাং লৌদুনা লোয়ননা চেকশিন থৌরাং হেনগৎহনবা অমসুং তেরোরিজম থেংনবা অসিগী খোঙথাং লৌখৎখি।      

নাকন অনিনা পুন্না থবক তৌমিন্নদুনা মালেমগী ওইবা তেরোরিস্ত গ্রুপ অসি য়াওনা তেরোরিস্ত কাংলুপশিং অসি মায়োক্নবদা অহেনবা থবক পায়খৎপা হায়না য়ানখি, লোয়ননা মীতোপশিং অসি হৌজিক লৈরিবরা হায়বা অসি য়েংশিনবা অসিনি। নাকন অনিনা  হন্না হন্না মফম পীখ্রবা ‘নোদাল পোইন্ত’ মতম চানা পাউ পীনবা অমসুং হায়রিবা অসি মফম অসিদা লৈরিবা আইন্না য়াদবা কাংবু অসিগী মথক্তা থবক পায়খৎপদা থাগৎপা ফোংদোক্নবা অসি মথৌ তাই হায়নখি।

চৎথরিবা থবক অসিনা ত্রান্স-বোর্দর ক্রীমিনেলগী ওইবা থবক চৎথরিবশিং অসিদা লান্থেংবদা মতেং পাংবা হেনগৎহনবা, মসিদা দ্রগ লল্লোনবা, ফেক ইন্দিয়ন করেন্সি নোৎস (এফ.আই.সি.এন.), খুৎশু-খুল্লায় অমসুং মী লল্লোনবা অসি য়াওনা ৱা খন্নখি।

হৌজিক ওইরিবা কোবিদ-১৯গী লায়চৎ অসিনা অপনবা খর লৈরবশু, মিতিং অসি ভর্চুএল ওইবা অমসুং অতেনবা মওংদা পাংথোকখি। নাকন অনিনা মসিগী অৱাংবা থাক্কী মেকানিজম অসিদা হেন্না মরুওইবা পীখি, অমসুং ৱারী শান্নবা অসি তুংদা নাকন অনিনা ঙাক-শেনবগী মতেং অসি পীনবা হায়না য়ানখি। পুলিস চীফশিং ৱারী শান্নবা অসিদা, নাকন অনিগা অতোপ্পা সেক্যুরিতি এজেন্সিশিংনা মতেং পাংহনবা, মসিনা হান্ননা লৈরিবা পুলিশ ফোর্সশিং অসিদা হেন্না মতেং ফংহল্লগনি, মখা তানা ৫০শুবা লিব্রেসন ওফ বঙ্গলাদেশকী কুমোন অসিদা মরী লৈননা লৈবা অনি অসিগী মরী ফগৎলগনি।    

*****