2020 మే 17న రాష్ట్రాలకు రాసిన లేఖలో ఆర్థిక శాఖ మంత్రిత్వ శాఖ నిర్దేశించిన “పట్టణ స్థానిక సంస్థలు (యుఎల్‌బి)” సంస్కరణలను విజయవంతంగా చేపట్టిన దేశంలో 4 వ రాష్ట్రంగా మణిపూర్ నిలిచింది. అందువల్ల ఓపెన్ మార్కెట్ రుణాల ద్వారా రూ .75 కోట్ల ఆర్థిక వనరులు అదనపు సమీకరణకు రాష్ట్రం అర్హత సాధించింది. . దీనికి అనుమతి 2021 జనవరి 11 న ఖర్చుల శాఖ జారీ చేసింది. ఈ సంస్కరణను పూర్తి చేసిన మణిపూర్ ఇప్పుడు ఆంధ్రప్రదేశ్, మధ్యప్రదేశ్ మరియు తెలంగాణ సరసన చేరింది.

సంస్కరణలు పూర్తి చేసినందుకు, ఈ నాలుగు రాష్ట్రాలకు అదనంగా రూ.7,481 కోట్లు అదనపు రుణసమీకరణకు అనుమతి లభించింది. ఆ రాష్ట్రాల వివరాలు:

ఆంధ్రప్రదేశ్: రూ.2,525 కోట్లు 

మధ్యప్రదేశ్: రూ.2,525 కోట్లు 

మణిపూర్: రూ.75 కోట్లు 

తమిళనాడు: రూ.2,508 కోట్లు 

పట్టణ స్థానిక సంస్థలలో సంస్కరణలు మరియు పట్టణ వినియోగ సంస్కరణలు రాష్ట్రాల్లో యుఎల్‌బిల ఆర్ధిక బలోపేతం, మెరుగైన ప్రజారోగ్యం, పారిశుధ్య సేవలను అందించడానికి వీలు కల్పిస్తాయి. ఆర్థికంగా పునరుజ్జీవింపబడిన యుఎల్‌బిలు మంచి పౌర మౌలిక సదుపాయాలను కూడా సృష్టించగలవు.

ఈ లక్ష్యాలను సాధించడానికి ఖర్చుల విభాగం నిర్దేశించిన సంస్కరణలు:

(i)      (ఎ) యుఎల్‌బిలలోని ఆస్తి పన్ను యొక్క ఫ్లోర్ రేట్లను రాష్ట్రాలు నోటిఫై చేస్తాయి, ఇవి ప్రస్తుత సర్కిల్ రేట్లతో (అంటే ఆస్తి లావాదేవీలకు మార్గదర్శక రేట్లు) అనుగుణంగా ఉంటాయి (బి) నీటి సరఫరా, డ్రైనేజీ, మురుగునీటి పారుదల ఫ్లోర్ రేట్లు ప్రస్తుత ఖర్చులు / గత ద్రవ్యోల్బణాన్ని ప్రతిబింబిస్తాయి.

(ii)     ధరల పెరుగుదలకు అనుగుణంగా ఆస్తిపన్ను / వినియోగదారు ఛార్జీల ఫ్లోర్ రేట్లను క్రమానుగతంగా పెంచే వ్యవస్థను రాష్ట్రం అమలు చేస్తుంది.

కోవిడ్-19 మహమ్మారి సవాళ్లను ఎదుర్కోవటానికి అవసరమైన వనరుల దృష్ట్యా, కేంద్ర ప్రభుత్వం 2020 మే 17 న రాష్ట్రాల రుణ పరిమితిని వారి స్థూల రాష్ట్రాల దేశీయ ఉత్పత్తి (జిఎస్‌డిపి) లో 2 శాతం పెంచింది. ఈ ప్రత్యేక పంపిణీలో సగం రాష్ట్రాలు పౌరుల కేంద్రీకృత సంస్కరణలను చేపట్టడానికి అనుసంధానించబడ్డాయి. ప్రతి రంగంలో సంస్కరణలు పూర్తయిన తర్వాత జిఎస్‌డిపిలో 0.25 శాతానికి సమానమైన అదనపు నిధులను సేకరించడానికి రాష్ట్రాలకు అనుమతి లభిస్తుంది. సంస్కరణల కోసం గుర్తించిన నాలుగు పౌర-కేంద్రీకృత ప్రాంతాలు (ఎ) వన్ నేషన్ వన్ రేషన్ కార్డ్ వ్యవస్థ అమలు, (బి) వ్యాపార సంస్కరణ చేయడం సులభం, (సి) పట్టణ స్థానిక సంస్థ / వినియోగ సంస్కరణలు మరియు (డి) విద్యుత్ రంగ సంస్కరణలు.

ఇప్పటివరకు 10 రాష్ట్రాలు ఒకే దేశం - ఒకే రేషన్ కార్డు వ్యవస్థను అమలు చేశాయి, 7 రాష్ట్రాలు సులభతర వ్యాపార సంస్కరణలు పూర్తిచేశాయి. 4 రాష్ట్రాలు స్థానిక సంస్థ సంస్కరణలను చేశాయి. సంస్కరణలు చేసిన రాష్ట్రాలకు ఇప్పటివరకు జారీ చేసిన మొత్తం అదనపు రుణ అనుమతి రూ .54,265 కోట్లు.