শেল-থুম মন্ত্রালয়

মনিপুরনা অর্বান লোকেল বোদীশিংগী অওনবা মপুং ফানা পুরকপা ৪শুবা স্তেত ওইরে, লুপা করোর ৭৫গী অহেনবা শেম্ফম পুবা য়াহনখ্রে


অর্বান লোকেল বোদীগী অওনবা পুরকপগীদমক হৌজিক ফাওবদা স্তেত ৪দা লুপা করোর ৭,৪৮১গী শেন্ফম পুবগী অয়াবা পীখ্রে

Posted On: 12 JAN 2021 12:25PM by PIB Imphal

মনিপুরনা শেলথুম মন্ত্রালয়গী দিপার্তমেন্ত ওফ এক্সপেন্দিচরনা মে ১৭, ২০২০দা স্তেতশিংদা পীখিবা চেরোলদা পনখিবা “অর্বান লোকেল বোদী (য়ু.এল.বি.)”শিংদা মায় পাক্না অওনবা পুরকখিবা লৈবাকসিগী ৪শুবা স্তেত ওইরে‍। অসুম্না স্তেত অসি ওপন মার্কেত বোরোৱিংগী খুত্থাঙদগী লুপা করোর ৭৫কী অহেনবা শেন্ফম খোমগৎপা য়াবা স্তেত ওইরে‍। মসিগী অয়াবা দিপার্তমেন্ত ওফ এক্সপেন্দিচরনা জনুৱারী ১১, ২০২১দা পীখ্রে‍। হৌজিক মনিপুর হায়রিবা অওনবা অসি পুরকখ্রবা অতোপ্পা স্তেত অহুম, মমিং ওইনা অন্ধ্র প্রদেশ, মধ্য প্রদেশ অমসুং তেলঙ্গনাগী মরক্তা য়াওরে‍। অর্বান লোকেল বোদীগী অওনবা পুরক্লবা মতুংদা হায়রিবা স্তেত মরিসিদা লুপা করোর ৭,৪৮১গী অহেনবা শেন্ফম পুবগী অয়াবা পীখ্রে‍। স্তেত স্তেতকী ওইনা অয়াবা পীখ্রবা পুবা য়াবগী অহেনবা শেন্ফম মখাদা পীরি‍:

 

সে:নং

স্তেত

শেন্ফম (লুপা করোরগী খুজিংদা)

অন্ধ্র প্রদেশ

২,৫২৫

মধ্য প্রদেশ

২,৩৭৩

মনিপুর

৭৫

তেলঙ্গনা

২,৫০৮

 

অর্বান লোকেল বোদীশিংগী অওনবা অমদি অর্বান য়ুতিলিতীগী অওনবা অসি স্তেতশিং অসিগী য়ু.এল.বি.শিংগী শেলথুমগী ফীভম ফগৎহন্দুনা মখোয়বু মীয়ামদা হেন্না ফবা হকশেল অমসুং সেনিতেসন সর্ভিস পীবা ঙমহন্নবা পান্দমদা লৌখৎপনি‍‍। শেন্মিৎলোনগী ফীভম ফগৎহল্লবা য়ু.এল.বি.শিংনা অফবা মীয়ামগী মচাক মথুম শেমগৎপসু ঙমহনগনি‍।

হায়রিবা পান্দমশিং অসি ফংননবা দিপার্তমেন্ত ওফ এক্সপেন্দিচরনা লেপখিবা অওনবশিং অদুদি:

(১)     স্তেতশিংনা (ক) য়ু.এল.বি.শিংদা চৎনরিবা সর্কল রেতকা (হায়বদি প্রোপর্তী ত্রাঞ্জেক্সনগী চৎন-পথাপকী রেত) চুননা প্রোপর্তী তেক্সকী ফ্লোর রেত অমসুং (খ) ঈশিং সপ্লাই, খোঙলম অমসুং সিৱরেজকী খুদোংচাবা ফংহনবগী মতাঙদা করেন্ত কোস্ত/পাস্ত ইনফ্লেসনগী মমি তাবা য়ুজর চার্জগী ফ্লোর রেত খঙহনগদবনি‍।

(২)     স্তেতশিংনা মমল হেনগৎলকপগী মতুং ইন্না প্রোপর্তী তেক্স/য়ুজর চার্জকী ফ্লোর রেত মতম মতমগী ওইনা হেনগৎহন্ননবা সিস্তেম অমা থমগদবনি‍।

কোবিদ-১৯ লাইচৎনা পীরিবা শিংনবশিং থেংননবা মথৌ তাবা মচাকশিংগী য়েংলগা ভারত লৈঙাক্না মে ১৭, ২০২০দা স্তেতশিংগী শেল পুবগী লিমিত মখোয়গী গ্রোস স্তেত দোমেস্তিক প্রদক্ত (জি.এস.দি.পি.)গী চাদা ২ হেনগৎহনখ্রবনি‍। মসিগী তঙ্খায় অমদি স্তেতশিংনা পায়খৎবা মীয়ামগা মরী লৈনবা অওনবা পুরকপগা শম্নহল্লি‍। সেক্তর খুদিংদা অওনবা মপুং ফানা পুরকপদা স্তেতশিংদা মখোয়গী জি.এস.দি.পি.গী চাদা ০.২৫কা মান্নবা অহেনবা শেন্ফম খোমগৎনবগী অয়াবা ফংহল্লি‍। অওনবা পুরক্নবা মশক খঙদোক্লবা মীয়ামগা মরী লৈনবা হীরমশিংদি (ক) ৱন নেসন ৱন রেসন কার্দ সিস্তেম পায়খৎপা (খ) ইজ ওফ দুইথ বিজিনেসকী অওনবা, (গ) অর্বান লোকেল বোদী/য়ুতিলিতীগী অওনবা অমসুং (ঘ) পৱার সেক্তরগী অওনবা অসিনি‍।

হৌজিক ফাওবদা স্তেত ১০না ৱন নেসন ৱন রেসন কার্দ সিস্তেম পায়খৎখ্রে, স্তেত ৭না ইজ ওফ দুইং বিজিনেস রিফোর্ম পায়খৎখ্রে অদুগা স্তেত ৪না লোকেল বোদীগী অওনবা পুরকখ্রে‍। হৌজিক ফাবদা হায়রিবা অওনবশিং অসি পুরকপগীদমক অহেনবা শেন্ফম পুবা য়াবগী অয়াবা পীখ্রবা অপুনবা শেন্ফমদি লুপা করোর ৫৪,২৬৫নি‍।

*****



(Release ID: 1687889) Visitor Counter : 161