প্রধান মন্ত্রী, শ্রী নরেন্দ্র মোদীনা নহাশিংদা রাজনিতিদা ইশাগী ওইজবা থাদোক্তুনা অমদি কান্নগদবা মওংদা শরুক য়ান্নবা ফোঙদোকখ্রে। অনিশুবা নেস্নেল য়ুথ পার্লিয়ামেন্ত ফেস্তিবেলগী লোইশিনবগী থৌরমদা ৱা ঙাংলদুনা প্রধান মন্ত্রীনা রাজনিতী অসি অফবা অওনবশিং পুরক্নবা অচৌবা মীদিয়ম অমনি অমদি অতোপ্পা লম খুদিংদা তৌবগুম্না রাজনিতীদসু নহাশিং য়াওশিনবা মরু ওই। প্রধান মন্ত্রীনা নহাশিংদা ঙসি পুকচেল শেংবা মীওইশিংনা তাঞ্জা ফংহল্লি, পথাপ-নাইদবা থবক থৌরমশিং চত্থরম্বা মফম অমা ওইরিবা রাজনিতীগী অরিবা থৌওং অসি হোংহল্লক্লি। ঙসি পুকচেল শেংবা অমসুং মথৌ ফজনা তৌবা অসিনা খ্বাইদগী মরু ওইবা ওইরক্লি।

হিরম অসিদা প্রধান মন্ত্রীনা শাগৈগী ওইবা রাজনিতীদা শাংনা ৱা ঙাংখি। মহাক্না হায় শেঞ্জা-থুমজা হায়বা অসি মীয়াম্না পুরিবা পোৎলুম অমদি মসি হৌখিবা মতমদা শেঞ্জা-থুমজা তৌখিবগী মহৈনি। লৈবাক অসিনা ইমুংগী মরীশিংদগী পুকচেল শেংবা ওইনা পাম্বা হেনগৎলক্লি অমসুং কন্দিদেৎশিংনা অফবা থবক খক্তা মথৌ তারক্লে হায়বসু খঙনরে।

মহাক্না নহাশিংদা শাগৈগী ওইবা চৎনবী অসি মরু ফংনা মুত্থৎনবা ফোঙদোকখ্রে। শাগৈগী ওইবা রাজনিতী তৌবনা দেমোক্রেতিক লৈরিবা পথাপ অসিদা মতিং হন্থহনবগী ফীভম অমদা লোয়ননা মীয়ামগী লৈঙাক্তা শুপ্নম লৈঙাক পুরকই মরমদি অসিগুম্বা মীওইশিং অসিনা ইমুংগী রাজনিতী অমসুং ইমুং অদুদা রাজনিতী লৈহন্নবা হোৎনৈ। “ঙসিদি শাগৈগী মিংদা মীখল কারম্বগী মতম লোইশিল্লক্লে, অদুবু রাজনিতিদা শাগৈগী মরী অসি হৌজিকসু মপুং ফানা লোইশিনদ্রি....শাগৈগী রাজনিতীনা লৈবাক্না মাঙদা থমবগী মহুৎ ঐ অমসুং ঐগী ইমুং মনুং হায়বা ৱাখল্লোন হান্না পুশিল্লকই। মসিনা ভারত্তা খুন্নাইদা শেঞ্জা থুমজা থোকহনবগী য়াম্না মরুওইবা মরম অমসু ওইরি” হায়না প্রধান মন্ত্রীনা হায়খি।

প্রধান মন্ত্রীনা নহাশিংদা রাজনিতীদা য়াওশিন্নবা ফোঙদোকখ্রে মরমদি মখোয়না চংলকপনা শাগৈগী ওইবা রাজনিতী লোইশিনবা ঙমগনি। “নখোয়না রাজনিতী য়াওবা হায়বা অসি ঐখোয়গী দেমোক্রেসী কনবদা মরু ওই। নখোয়না স্বামী বিবেকানন্দনা তাকপী তম্বীবা অসি লৌবা তাই অমসুং করিগুম্বা মহাক্কী ইথিল অসি লৌদুনা নহাশিংনা রাজনিতী য়াওবা তারবদি লৈবাক অসিগী মপাঙ্গল কনখৎহনবা ঙমগনি”, হায়না শ্রী মোদীনা ফোঙদোকখ্রে।

***