ঐখোয়গী দাইস্পোরানা মালেমদা ঐখোয়গী মশক তাক্লি অমদি মালেমগী ফমপাক্তা ভারতনা অথোইবা ওইনবা হোৎনবদা মতেং পাংলি। মখোয়না ভারতকা মরী লৈনবা মালেমগী ওইবা সমস্যাশিংগী এদভোকেসী তৌবা নত্ত্রগা ইনবেস্তমেন্ত তৌদুনা অমসুং শেলগী মতেং পীদুনা ভারতকী শেন্মীৎলোনদা মতেং পাংবা ওইরবসু ভারতকী মতেং অদুমক পাংদুনা লাকখি হায়না ভারতকী রাস্ত্রপতি শ্রী রাম নাথ কোবিন্দনা ভিদিও কনফরেন্সকী থোংদা ১৬শুবা প্রবসি ভারতিয়া দিবস কনভেন্সনগী ভেলিদিক্তরী সেসনদা ঙসি (জনুৱারী ৯, ২০২১) ৱা ঙাংবদা ফোঙদোকখি।

রাস্ত্রপতিনা হায় ঙসিগী নুমিৎ অসিমক্তদা ইং কুমজা ১৯১৫দা খ্বাইদগী অথোইবা প্রবসি ভারতিয়া ওইরিবা মহাত্মা গান্ধীনা ভারত্তা হল্লকখি। মহাক্না ঐখোয়গী খুন্নাইদা অওনবা পুরক্নবা অমসুং নীংতম খোঙজংগী অচৌবা ফমপাক অমা পীখি অমসুং মথংগী দিকেদ অহুমগী মনুংদা মহাক্না ভারতবু মরু ওইবা মওং কয়াদা অহোংবা পুরকখি। মদুগী মমাংদা দিকেদ অনি মীরমদা মহাক্না লৈরুবা মতমদা বাপুনা ভারতকী চাউখৎ-থৌরাংগীদমক্তা পাইখৎকদবা লালোংগী মরু ওইবা হিরমশিং খঙদোকখি। রাস্ত্রপতিনা হায়খি প্রবসি ভারতিয়া দিবস অসি গান্ধীনা মীওই অমগী পুন্সি অমদি অপুনবগী পুন্সিদা থমখিবা ৱাখল্লোনশিং নীংশিংনবা থৌরম অমসু ওই। মহাক্না মখা তারদুনা হায় গান্ধীগী ভারতকী ওইবা, অহিংশা, ৱাখল্লোন, অচম্বা মওং অমসুং সস্তেনেবল দেবেলপমেন্ত অসিনা ঐখোয়বু লমজিং লমতাক্নবা হিরমশিং ওইদুনা অদুম লৈরি।

রাস্ত্রপতিনা হায় ঐখোয়গী দাইস্পোরাগা মরী ফগৎহল্লম্বা শ্রী অতল বিহারি বাজপয়ীগী লমন ঐখোয়না তোনশিল্লি। প্রবসি ভারতিয়া দিবস অসি ২০০৩দগী হৌদুনা মহাক্না প্রধান মন্ত্রী ওইবা মতমদগী পাঙথোকখি। অতলগী থৌরাংশিংনা ইমা লৈবাক্কা দাইস্পোরাগী মরী অসি মপাঙ্গল কনখৎহনবদা চাউনা কান্নবা পুরকই হায়বা উৎখি।

রাস্ত্রতিনা হায় ঙসি মালেমগী মফম খুদিংদা মীওই মিলিয়ন ৩০গী ময়াদা লৈবা দাইস্পোরাগী মীশিং খ্বাইদগী য়াম্বা লৈবাক অমা ভারতনা ওইরি। ভারতকী দাইস্পোরাদা ৱা ঙাংলদুনা রাস্ত্রপতিনা হায় “নখোয়না ভারতকী শক্তি অসি শন্দোক্লি অমসুং মালেমগী ফমপাক্তা মশক তাক্লি। নখোয়না ভারতকীদমক্তা, মাগী নাৎকী অমসুং চৎনবীগীদমক্তা ফাওরিবা অসিনা ঐখোয় পুম্নমক্না নখোয়গীদমক্তা চাউথোকপা পোকহল্লি। নখোয়না লৈরিবা লৈবাকশিংগী চাউখৎ-থৌরাংদা নখোয়না মতেং পাংলি লোইননা নখোয়গী থম্মোইদা ভারতকী ওইবা ৱাখল্লোন অদুসু চেল্লি। মসিগী মরী অসিনা ভারত্তা চাউনা কান্নবা পীরি। নয়োয়না মালেমদা ভারতকী মফম কনবা হেনগৎহনখি।”

কোবিদ লাইচৎ অসিগী মতাংদা ৱা ঙাংলদুনা রাস্ত্রপতিনা হায় ইং কুমজা ২০২০ অসি মালেম পুম্বদা কোবিদ-১৯না মরম ওইদুনা খুদোংথিবা থোকহনখি। লাইচৎ অসিনা থোকহল্লিবা অচৌবা শীংনবশিং অসি লাকশিনবদা ভারতনা মালেমগী থৌদাং লৌবদা মাংজিল থাখি। ঐখোয়না লৈবাক ১৫০দা হীদাক-লাংথক সপ্লাই তৌদুনা ভারতপু মালেমনা ‘মালেমগী ফার্মাসী’ ওইনা উহনখি। হন্দক্তা ঐখোয়গী সাইন্তিস্তশিং অমসুং তেক্নিসিয়নশিংনা কোবিদ বেক্সিন অনি দেবেলপ তৌবদা মাই পাকখিবা অসি আত্মা নির্ভর ভারত অভিয়ানগী অচৌবা মাই পাকপা অমনি।

রাস্ত্রপতিনা হায় আত্মা-নির্ভর ভারতকী মরু অসি চহি কয়াগী মমাংদা মহাত্মা গান্ধীনা স্বাদেশি অমসুং মরোমদোম লেপচবা পামখিবা অদুদগী হুনখি। ঐখোয়গী আত্মা-নির্ভর ভারতকী মরু ওইবা য়ুম্বী মঙা অসি শেন্মীৎলোন, ইনফ্রাস্ত্রকচর, দেমোগ্রাফী, দেমিক্রেসী অমসুং সপ্লাই চেনশিংনা ওইরি। ফেক্তরশিং অসি মাই পাক্না পুনশিনবনা চাউখৎ-থৌরাংগী খোঙজেল য়াংখৎহনবদা মতেং পাংগনি। রাস্ত্রপতিনা হায় ‘আত্মা-নির্ভর ভারত’কী ৱাখল্লিন অসিনা মশা মথন্থগী শেম-শাজবা নত্ত্রগা লৈবাক অসি মথন্থা তানবা ৱাখল্লোন নত্তে। মসিদি ইশাদা থাজবা থমদুনা মীপাল তাংদবা ঙমহনবা অদুনি। ঐখোয়না গুদশিং অমসুং সর্ভিসশিং লৈবা হেনগৎহনদুনা মালেমগী সপ্লাই চেনশিংদা লৈরিবা অপনবশিং অসি হন্থহনবদা মতেং পাংনবা হোৎনগনি। ভারতকী আত্মা-নির্ভর ভারত অভিয়ান অসিনা অমনা অমগী মতেং পাংনবা অমসুং শান্তী লৈবা হেনগৎহনদুনা মালেমগী লৈরিবা পথাপ অসি হেন্না চুম্বা অমদি ফবা ওইহল্লগনি। ভারতকী মালেমগী ওইবা অনীংবশিং অসি থুংহনবদা ঐখোয়গী দাইসজপোরানাশিংগী মরু ওইবা থৌদাং লৈ হায়না মহাক্না মখা তাখি।

রাস্ত্রপতিগী ৱারোল তানবা মসিদা নম্বীয়ু

***