ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়
লৈবাক অসিদা এভিয়ান ইনফ্লুএঞ্জাগী ফিবম
Posted On:
10 JAN 2021 4:03PM by PIB Imphal
হারিয়ানাগী পঞ্চকুলা দিস্ত্রীক্ততা (পোলত্রী ফার্ম অনি) য়ুমদা য়োকপা উচেকশিংদা এভিয়ান ইনফ্লুএঞ্জাগী পোজিতিব কেস থেংনবা মতুংদা, স্তেত অসিনা ইপিসেন্তর অসিমক্তদা রেপিদ রেস্পোন্স তীম ৯ অমসুং লাকশিন্নবা থবক চৎথখ্রে। গুজরাতকী সুরত দিস্ত্রীক্ত অমসুং রাজস্থানগী সিরোহি দিস্ত্রীক্তগী ক্বাক/লমগী উচেক্কী সেম্পলদগী এভিয়ান ইনফ্লুএঞ্জা (ঐচ. ৫) অসি থেংনরে । মখা তানা, কাঙ্গারা দিস্ত্রীক্তগী (হিমাচল প্রদেশ) মরম চাদনা শিবা ক্বাক ৮৬ অমসুং ইগ্রিৎ ২ থেংনরে। মরম চাদনা লমগী উচেক শিবগী পাউ অসি নাহান, বিলাসপুর অমসুং মান্দি (হিমাচল প্রদেশ)দগী ফংলি অমসুং সেম্পলশিং অসি মরী লৈনবা লেবতা তেস্ত তৌনবা থাখ্রে।
দিপার্তমেন্ত অসিনা লায়না অসি মখা তানা শন্দোরক্তনবা শোকহল্লবা স্তেতশিং অসিদা পাউতাক কয়া অমা পীরি। হৌজিক ফাওবদা, লায়না অসি স্তেত তরেৎতা থেংনরে (কেরলা, রাজস্থান, মধ্য প্রদেশ, হিমাচল প্রদেশ, হারিয়ানা, গুজরাত অমসুং উত্তর প্রদেশ) অসিনি
দিল্লী অমসুং মহারাস্ত্রাদগী সেম্পলশিং তেস্ত রিপোর্তকীদমক মরী লৈনবা লেবোরেতরীদা থাখিবা হৌজিক ফাওবা ঙাইরি। মখা তানা, ছত্তিসগরগী, বালোদ দিস্ত্রীক্তগী লমগী উচেকশিংদা হান্ননা তেস্ত তৌখ্রবা সেম্পলশিংদা পোজিতিব অমত্তা ওইদ্রে।
কেরলাগী শোকহল্লবা দিস্ত্রীক্ত অনিমক লাকশিনবা মপুং ফানা লোইশিনখ্রে অমসুং কেরলা স্তেত অসিদা তুংগীদমক অকনবা চেকশিন থৌরাং কয়া অমা লৌখৎখ্রে।
লৈবাক অসিগী শোক্লবা মফমশিং অসি য়েংশিন্নবা শেমখিবা সেন্ত্রেল তীম অসিনা মফমশিং অসিদা চৎতুনা য়েংশিনখ্রে। সেন্ত্রেল তীম অমনা ২০২১গী জানুৱারীগী ৯দা কেরলাদা য়ৌখি অমসুং হায়রিবা অসিনা হৌজিক ইপিসেন্তরগী মফমশিং অসি য়েংশিল্লি অমসুং থি-হুম্বগী থবক চৎথরি। অতোপ্পা তীম অমনা হিমাচল প্রদেশতা ২০২১গী জানুৱারীগী ১০ য়ৌখি অমসুং শোক্লবা মফমশিং য়েংশিনখি।
স্তেতশিং অসিদা মীয়ামবু ৱাখল তাহন্নবা হায়জরি অমসুং এ.আই.গী মতাংদা অরানবা পাউ শন্দোক্তনবা হায়জরি। স্তেত অমসুং য়ু.তি.শিংবু অকোইবদা লৈরিবী হায়বদি ঈশিংগী মফম, উচেক অহিংবা য়োন্বা মার্কেৎশিং, জুশিং, পোলত্রী ফার্মশিং অসিনা চিংবা অসিদা হেন্না চেকশিন থৌরাং লৌবা অশিবা শা-উচেক মফম চানা ফুমজিনবা অমসুং পোলত্রী ফার্মশিংদা বাইও-সেক্যুরিতি কনখৎহনবা অসি হায়জখি।
******
(Release ID: 1687473)
Visitor Counter : 140