শেল-থুম মন্ত্রালয়

জাপান ওফিসিএল দিবলপমেন্ত এসিস্তেন্সনা কোবিদ-১৯না ক্রাইসিস অসিদীদমক মীয়ামগী য়াইফনবগীদমক লোনগী মতেং পীথখ্রে

Posted On: 08 JAN 2021 4:36PM by PIB Imphal

জাপান সরকারনা ওফিসিএল দিবলপমেন্ত এসিস্তেন্স লোন শেল ওইনা বিল্লিয়ন জি.পি.ৱাই. ৩০ (চাওরাক্না লুপা করোর ২,১১৩ রোম) ইন্দিয়াদা কোবিদ-১৯গী লায়চৎনা শাথিনা শোকহল্লবা লায়ররবা অমসুং খুদোংথিবা নংহল্লবা য়ুম্থোং কয়া অমদা মতেং ওইনবা লোনগী থৌরম অমা ওইনা পীনবা ফিরেপ লৌরি।

হায়রিবা অসি ঙসি ভারত সরকারগী ইকোনোমিক এফিয়র্স দিপার্তমেন্তকী এদ্দিসনেল সেক্রেতরী দাঃ সি.এস. মোহাপাত্র অমসুং ইন্দিয়াগী জাপান এম্বেসি, এম্বাসেদুর মিস্তর সুজুকি সতোসিগা মীয়াম্বু ঙাক শেন্নবা কোবিদ-১৯ ক্রাইসিসকী মতেং ওইনবা লোনগীদমক খুৎ লান্নখি। নোৎ অসি খুৎশিন্নরবা মতুংদা থৌরম অসিগী লোনগী য়ান্নচে অসি নই দিল্লীগী, জে.আই.সি.এ.দা দাঃ মোহাপাত্র অমসুং মিস্তর কাতসৌ মাতসুমোতোগা সহি তৌনখি।

লোনগী থৌরম অসিনা পান্দম থম্লিবা অসি ইন্দিয়াগী কোবিদ-১৯গী লায়চৎনা শাথিনা শোকহল্লবা লায়ররবা অমসুং খুদোংথিবা নংহল্লবা য়ুম্থোং কয়া অমা মতেং ওইনবনি।

ইন্দিয়া অমসুং জাপান অসি ১৯৫৮তগী য়াম্না শাংনা অমসুং মহৈ য়াল্লবা পুৱারী ওইরগদবা লৈবাক অনিগী ওইবা চাওখৎ থৌরাংগী মরী লৈ। হৌখিবা চহি খর অসিদা, ইন্দিয়া অমসুং জাপান ইকোনোমীগী ওইবা মরী য়াম্না ফগৎলি অমসুং মতুং তানা মরীদা চাওখৎনবগী লালোং কয়া অমা লৈরি। মসিনা মখা তানা ইন্দিয়া অমসুং জাপান্না মালেমগী ওইবা হেন্না ফবা মরী লৈরগনি।

 

****



(Release ID: 1687285) Visitor Counter : 165