ঙসি ইনফোর্মেসন অমসুং ব্রোর্দকাস্তিংগী য়ুনিয়ন মিনিস্তর শ্রী প্রকাস জাবরেকারনা ভারত সরকারগী দিজিতেল কেলেন্দর অমসুং দাইরি ফোঙখ্রে। নেসনেল মেদিয়া সেন্তরদা পাংথোকপা থৌরম অমদা, শ্রী জাবরেকারনা বত্তন অমা নমদুনা কেলেন্দর অমসুং দাইরিগী এন্দ্রোইদ অমসুং আই.ও.এস মোবাইল এপ্লিকেসনশিং হাংদোকখি।  

থৌরম অদুদা মিনিস্তরনা হায়খি মমাঙদা ফক্লাংশিংদা থেৎলম্বা সরকারগী কেলেন্দরশিং হৌজিক মোবাইল ফোনশিংদা য়াওরগনি। জনুৱারি ১৫,২০২১দগী লোল ১১দা এপ্প লেম্না ফংলগনি। অনৌবা চহি লাকপদা কেলেন্দর অমগী দরকার ওইবা অদু এপ্প অদুনা পাংথোক্লগনি। থা খুদিংগী থিম অমা উৎকনি অমসুং পাউজেল অমা পীগনি অমসুং ভারতকী মমিং লৈরবা মীওই অমগী মরমদা তাক্কনি। হৌজিক ফাওবদা সরকারনা হৌদোকখিবা থবক-থৌরমশিংগী মতমগী মতাংদা এপ্প অদুনা মীয়ামদা খঙহনগনি।

মিনিস্তরনা হায়খি কেলেন্দর অসি অতোপ্পা দিজিতেল কেলেন্দর এপ্পশিংগা চাংদম্নবদা হেন্না লাইবা অমসুং ফজবা ওইরগনি।

প্রধান মন্ত্রীগী “দিজিতেল ইন্দিয়া”গী পান্দমগী মখাদা ভারত সরকারগী দিজিতেল কেলেন্দর পুথোক্লি অমসুং স্মার্দ ফোন অমদা বত্তন অমা হেক নম্বদা য়েংবা য়াগনি। গুগল প্লে স্তোর অমসুং আই.ও.এস এপ্প স্তোর অনিমক্তা এপ্প লৌথবা য়াগনি। এপ্প অসি ইনফোর্মেসন অমসুং ব্রোদকাস্তিং মিনিস্ত্রিগী বিউরো ওফ আউদরিচনা দিজাইন তৌবা অমসুং পুথোকপনি। হৌজিক এপ্প অসি হিন্দি অমসুং ইংলিসতা ফংলে অমসুং অথুবদা ভারতকী অতোপ্পা লম-লমগী লোল ১১দা ফংলগনি।

মমাঙদা পুথোকখিবা ভারত সরকারগী চেগী কেলেন্দরশিং লৈবাক অসিগী পঞ্জয়াত ফাওবা য়ৌখি, দিজিতেলগী কেলেন্দরগী এপ্প অসি মালেম শীনবা থুংনা মীওই অমনা হেক্তা শীজিন্নবা য়ারগনি।

ভারত সরকারগী কেলেন্দর এপ্লিকেসন্দা মখাগী শক্তমশিং অসি য়াওরি:

১. ভারত সরকারগী স্কিমশিং, থৌরমশিং অমসুং পব্লিকেসনশিংগী খ্বাইদগী নৌবা পাউ

২. ওফিসিএল ওইবা ছুতিশিং অমসুং মরুওইবা তারিখশিং

৩. ঐখোয়গী লৈবাক্কী শক্নাইরবা মীওইশিংগী ইথিল পীবা অমসুং পুক্নিং থৌগৎপা পাউজেলশিং

৪. অকনবা চেকশিন-থৌরাং য়াওরবা দিজিতেল ওইনা ইরবা নোতশিং থম্নবগী খুদোংচাবা

৫. মরুওইবা থবকশিং অমসুং থৌরমশিংগী উনবগী মতমশিং ইশিন্নবা অমসুং নিংশিংলক্নবগী খুদোংচাবশিং 

৬. প্রধান মন্ত্রীগী পান্দম “এসেসিবেল ইন্দিয়া”/ “সুগম্যা ভারত অভিয়ান” ফংনবা মিৎ উদ্রবা দিবয়াংজনশিংনা শীজিন্নবা য়ানবা খুদোংচাবশিং য়াওহনবা

গুগল প্লেস স্তোর লিঙ্ক অসিদগী এন্দ্রোই ফোনশিংগী এপ্প লৌথবা য়াগনি

https://play.google.com/store/apps/details?id=in.gov.calendar

আই.ও.এস ফোনশিংগী এপ্প লৌথবা য়াগনি

https://apps.apple.com/in/app/goi-calendar/id1546365594

*****