সেন্ত্রেল ইলেক্ত্রিসিতী ওথোরিতী (সি.ই.এ.)না ফোঙবা দেতাগী মতুং ইন্না এপ্রিল ২০২০দগী দিসেম্বর ২০২০গী মরক্তা লৈবাক অসিদা লৈবা থর্মেল য়ুনিৎ পুম্নমক্কী মরক্তা উত্তর প্রদেশকী সিংগ্রৌলিদা চহি ৩৮গী মমাংদা লিংখৎখিবা এন.তি.পি.সি. লিমিতেদকী খ্বাইদগী অহানবা য়ুনিৎনা প্লান্ত লোদ ফেক্ত (পি.এল.এফ.) ১০০.২৪% ওইদুনা খ্বাইদগী ৱাংবা ওইরে হায়না উৎখ্রে। মেগা ৱাত ২০০গী য়ুনিৎ অসি ১৯৮২দা লিংখৎখি অমসুং পি.এল.এফ. ৱাংবা অসিনা ভারতকী খ্বাইদগী চাউবা পাৱর জেনরেসন কম্পনীদা থোইদোক হেনদোকপা মওংদা চল্লাইবা অমসুং মপুং ফানা মেন্তেনেন্স তৌই হায়বা তাক্লি।

য়ুনিং#১না থোইদোক হেনদোক্না মথৌ তৌখিবা অসিগী মথক্তা এন.তি.পি.সি.গী অহেনবা য়ুনিৎ অহুমশিং – সিংগ্রৌলি য়ুনিৎ#৪ অমসুং কোর্বা য়ুনিৎ #১ অমসুং ছত্তিসগরগী #২ অসিনা মথৌ নিংথিজনা তৌবা মকোক থোংবা য়ুনিৎ ৫গী মরক্তা চনখি।

পাৱর মন্ত্রালয়গী মখাদা লৈবা পি.এস.য়ু. অমা ওইরিবা এন.তি.পি.সি. লিমিতেদনা থোকপা ৱারোল অমগী মতুং ইন্না এন.তি.পি.সি. গ্রুপনা এপ্রিলদগী দিসেম্বর ২০২০ফাওবদা বিলিয়ন য়ুনিৎ (বি.য়ু.) ২২২.৪গী খ্বাইদগী ৱাংবা গ্রোস জেনরেসন ফংবা ঙমখি, মসি হৌখিবা চহিদগী চপ মান্নবা মতম অসিগা চাংদম্নবদা চাদা ৩.৮ হেনগৎখি। মসিগা লোইননা এন.তি.পি.সি. কোইল পাৱর স্তেসনশিংনা এপ্রিল ২০২০দগী দিসেম্বর ২০২০ ফাওবদা চাদা ৯২.২১গী এবাইলেবিলিতী ৱাংবা ঙমখি মসি হৌখিবা চহিদা চাদা ৮৭.৬৪ ওইখি।

এন.তি.পি.সি.গী ফ্লেগশিপ পাৱর প্লান্ত তরুক মদুদি ছত্তিসগরগী এন.তি.পি.সি. কোর্বা (মেগা ৱাত ২৬০০) অমসুং এন.তি.পি.সি. সিপাত (মেগা ৱাত ২৯৮০), উত্তর প্রদেশকী এন.তি.পি.সি. (মেগা ৱাত ৩০০০), মধ্য প্রদেশ কী এন.তি.পি.সি. বিধ্যাচল (মেগা ৱাত ৪৭৬০), ওরিশাগী এন.তি.পি.সি. তালচের থর্মেল (মেগা ৱাত ৪৬০) অমসুং এন.তি.পি.সি. তালচের কনিহা (মেগা ৱাত ৩০০০) অসিসু লৈবাক অসিগী মথৌ নিংথিজনা তৌবা মকোক থোংবা থর্মেল প্লান্ত ১০গী মনুংদা য়াওখি।

অপুনবা ইনস্তোল কেপাসিতী গিগা ৱাত ৬২.৯গা লোইননা, এন.তি.পি.সি. গ্রুপকী পাৱর স্তেসন ৭১ লৈ মসিদা কোইল ২৪, কম্বাইন সাইকল গ্যাস/লিক্বিদ ফ্যুল ৭, হাইদ্রো ১, রিন্যুএবল ১৪ লোইননা সবসিদরী অমসুং জে.ভি. পাৱর স্তেসন ২৫ য়াওখি। গ্রুপ অসিদা রিন্যুএবল/হাইদ্রো ইনর্জী প্রোজেক্তকী গিগা ৱাত ৫ য়াওরগা অন্দর কনস্ত্রক্সনদা লৈবা গিগা ৱাত ২০গী মথক্কী কেপাসিতী লৈ।

*****