হ্যুমেন রিসোর্স চাউখৎ-থৌরাংগী মন্ত্রালয়

কেন্দ্রগী এজুকেসন মন্ত্রীনা নুমিৎ নিনিগী ভর্চুএল ইন্তর্নেস্নেল অখন্দ কনফরেন্স ‘ই.দি.য়ু.সি.ও.এন.-২০২০’ হৌদোকখ্রে

মালেম শিনবা থুংবদগী একাদমিস্যানশিংনা মালেমদা শান্তি অমুক লৈহল্লক্নবা নহাশিংবু শেমদোক্নবা এজুকেসনবু শিজিন্নবগী থৌওংগী মতাংদা ৱা খন্নগনি

Posted On: 07 JAN 2021 5:08PM by PIB Imphal

কেন্দ্রগী এজুকেসন মন্ত্রী, শ্রী রমেশ পোখ্রিয়াল ‘নিশাঙ্ক’না ঙসি ভিদিও কনফরেন্সিংগী খুত্থাংদা নুমিৎ নিনিগী ভর্চুএল ইন্তর্নেস্নেল অখন্দ কনফরেন্স ‘ই.দি.য়ু.সি.ও.এন.-২০২০’ হৌদোকখ্রে। বথিন্দাগী সেন্ত্রেল য়ুনিবর্সিতী ওফ পঞ্জাব (সি.য়ু.পি.বি.)না গ্লোবেল এজুকেসন রিসর্চ এসোসিএসন (জি.ই.আর.এ.)গা খুৎশম্নদুনা প্রোফঃ (দাঃ) রঘবেন্দ্র পি. তিৱারী, ভাইস চান্সেল্লর, সি.য়ু.পি.বি. অমসুং পদ্মশ্রী দাঃ মহেন্দ্র সোধা (পেত্রোন,জি.ই.আর.এ.)গী লমজিং-লমতাক্কী মখাদা শিনবনি। ‘ই.দি.য়ু.সি.ও.এন.-২০২০’ অসিগী মরু ওইবা হীরমদি এজুকেসনগী খুত্তাহ্নগদা নহাশিংবু শেমদোক্তুনা মালেমদা নৌহৌননা অমুক শান্তি লৈহনবনি।

কেন্দ্রগী এজুকেসন মন্ত্রী, শ্রী রমেশ পোখ্রিয়াল ‘নিশাঙ্ক’না সি.য়ু.পি.বি.না কনফরেন্স অসিগীদমক্তা খ্বাইদগী চান্নবা হীরম খনবগীদমক্তা থাগৎপা ফোংদোকখি। মহাক্না মসিগী নুমিৎ নিনি চত্থগদবা অখন্দ কনফরেন্স অসিনা রিসর্চ অসি ২৪X৭কী থবক্নি অমসুং য়াম্না অখাঙ কনবা অমা চঙই হায়না মালেম শিনবা থুংনা লৈরিবা রিসর্চ তৌবা মীওই অমসুং মহৈরোইশিংদা হায়খি। মসিগী মালেমগী ওইবা কনফরেন্স অসিনা মথৌ নীংথিনা পাংথোকপা ঙম্বা ওজাশিংনা তোঙান-তোঙানবা তেক্নোলোজী অমসুং মখোয়গী মথৌ-তৌবগী থৌওংশিংগী মরমদা খঙহনবদা তেংবাংদুনা এজুকেসনগী হীরমদা অহোংবা পুরকহনবা ঙমগনি হায়বগী থাজবা লৈ হায়না মহাক্না ফোংদোকখি। ইদুকোন-২০২০গী মনুংদা মালেমগী শক্নাইরবা ৱাঙাংলোইশিং অমসুং নহা ওইরিবা রিসর্চ তৌবা মীওইশিংনা খন্ন-নৈনবশিং অসিনা এন.ই.পি.-২০২০বু থবক ওইনা পাংথোক্নবা থৌরাং য়াৎপদা নীংথিনা তেংবাংগনি অমসুং আত্মানির্ভর ভারত অমা ওইহন্নবা হোৎনবদা তঙাই ফদবা স্কিল-সেৎশিংসু নহাশিংদা শেম-শাহনবা ঙমগনি হায়নসু মহাক্না ফোংদোকখি।

(TWEET)

শ্রী রমেশ পোখ্রিয়াল ‘নিশাঙ্ক’না নেস্নেল এজুকেসন পোলিসী-২০২০ অসি প্রাইমরীগী থাক্তা মমালোনবু চাউখৎনবা হোৎনবা, মহৈরোইশিংদা সেকন্দরী থাক্তা ভোকেস্নেল এজুকেসনগী ত্রেনিং পীবা অমসুং অতোপ্পা শেমদোকপগী অনৌবা থৌওং কয়াদা মরু ওইবা পীরিবা অসিগা লোয়ননা হীরম খুদিংদা অনৌবা থৌওং ঙাক্তনি হায়না হায়খি। এন.ই.পি.না ইন্তর্দিসিপ্লিনরী স্তদিজ অমসুং মহৈ-তম্বদা পাকথোক চাউথোকপা খুদোংচাবা কয়া লৈহন্নবগীদমক্তা হাইয়র এজুকেসন্দা হীরম কয়া পুন্সিনবা কোর্সকী করিকলমদা মিৎয়েং চঙবনি হায়না মহাক্না মখা তানা হায়খি। অমসুং থৌওংশিং অসিনা ভেল্যুদা য়ুম্ফম ওইবা অপুনবা থৌওংগী এজুকেসন, সাইন্তিফিক ওইবা ৱাখল্লোন লৈহনবা অমসুং নহাশিংদা স্কিলগী ত্রেনিং পীনবা পান্দম থম্মি হায়নসু মহাক্না হায়খি। মসিগী পোলিসী অসিনা মহৈরোইগা ওজাগগী মরক্তা মহৈ তম্বীবগী থৌওংসিংদা তেক্নোলোজীবু অহেনবা মওংদা শিজিন্ননবা ফ্রেমৱর্ক শেম্বা, ওনলয়াইনগী কোর্স কন্তেন্ত শেম্বা, ক্রেদিৎকী একাদমিক বেঙ্ক অমা শেম্বা অমসুং ভারতকী স্কোলারশিংবু মালেমগী থাক্তা চাংয়েংনবদা কান্নবা কয়া পীগদবা নেস্নেল রিসর্চ ফাউন্দেসন (এন.আর.এফ.) অমসুং নেস্নেল এজুকেস্নেল তেক্নোলোজী ফোরম (এন.ই.তি.এফ.) শেম্বগী তঙাইফদবশিংগী মতাংদসু খন্ন-নৈনবগী থৌওং য়াওরি হায়না মহাক্না মখা তানা হায়খি। এন.ই.পি.-২০২০দা য়াওরিবা অনৌবা থৌওং কয়াবু খুন্নাইদা অহোংবা পুরক্নবা অমসুং মালেমদা শান্তি পুরক্নবগীদমক্তা নহাশিংগী পুন্সিদা অহোংবা লৈহন্নবগী পান্দম্বু মাই পাক্না পাংথোকপা ঙম্নবগীদমক্তা মহাক্না মন্ত্রা অমসু পীখি – “পাংথোকপা, শেমদোকপা অমসুং অহোংবা পুরকপা”।

সি.য়ু.পি.বি.গী ভাইস চান্সেল্লর, প্রোফঃ রঘভেন্দ্র পি. তিৱারীনা মহাক্কী হৌদোকপগী ৱাঙাংদা সি.য়ু.পি.বি.না মগুন লৈবা হাইয়র এজুকেসন অমসুং তোঙানবা মওংগী রিসর্চ পাংথোক্নবা খোঙফম চেৎনা লৈরি অমসুং ভারতকী নাৎ অমসুং চৎনবীগী পথাপশিংদা য়ুম্ফম ওইবা মহৈরোইগী কান্ননবগীদমক্তা খন্দুনা শেমখিবা নেস্নেল এজুকেসন পোলিসী-২০২০দা য়াওরিবা হীরমশিং অসিবু থবক ওইনা পাংথোকপগী মতাংদা রিসর্চ তৌবা মীওইশিং অমসুং মহৈরোইশিংদা মসিগী কনফরেন্স অসিনা মখোয়গী ৱাখল্লোন ফোংদোকপগী প্লেৎফোর্ম অমা পীরগনি হায়না ফোংদোকখি। কনফরেন্স অসিনা মালেগী মিৎয়েংগী মতুং ইন্না এন.ই.পি.-২০২০গী তোঙান-তোঙানবা হীরমশিং, ঐখোয়গী লৈবাক্কী মহৈ তম্বগী থৌওংদা অহোংবা পুরক্তুনা ঐখোয়গী নহাশিংবু মালেমগী চাংয়েংনবা ঙমহন্নবা মপাঙ্গল হাপ্তুনা প্রধান মন্ত্রী, শ্রী নরেন্দ্র মোদীগী মঙলানবু মঙফাওনবা ঙমহনবগী পান্দম থম্লিবা, অসিদা মিৎয়েং চঙগনি হায়না মহাক্না মীয়ামদা পাউদমখি। মহাক্না হায়খিবদা কনফরেন্স অসিদা খন্ন-নৈনগদৌরিবশিং অসিনা ঐখোয়গী হৌখ্রবা হেরিতেজ অমসুং তুংদা ওইরক্কদবা এজুকেসনগী পথাপ অসিবু শম্নহন্দুনা ভারতপু এজুকেসনগী হীরমদা ভিশ্বা গুরু অমা ওইনা অমুক্কা ওইহন্নবা তেংবাংগনি হায়খি।

মসিগী মালেমগী ওইবা কনফরেন্স অসিদা য়ুনাইতেদ কিংদম, কেনাদা, থাইলেন্দ, য়ু.এস.এ., ওস্ত্রেলিয়া, ভূটান অমসুং ভারতকী স্কোলারশিংনা মসিগী মিৎয়েং চঙলিবা হীরম “মালেমদা শান্তি অমুক লৈহল্লক্নবা নহাশিংবু শেমদোক্নবা এজুকেসনবু শিজিন্নবগী থৌওং” অসিগী মনুং চনবা হীরম ১০দা লেপ্তনা পুং ৩১ খন্ন-নৈনগনি। মসিগী কনফরেন্স অসিদা মালেম শিনবা থুংবগী স্কোলারশিংনা ভারত্তা মীয়াম খুদিংনা মগুন লৈবা এজুকেসন ফংহন্নবা হাইয়র এজুকেসন্দা আই.সি.তি. শিজিন্নবা য়াবগী মতাংশিংদা পুং ৩১গী ওইনা লেপ্তবা খন্ন-নৈনবগী থৌওং পাংথোকপা ভারতকী ওইনা অহানবা কনফরেন্স ওইগনি। মখা তাবা ওইনা, কনফরেন্স অসিনা এজুকেসনগী লমদা নৌনা লৈরক্লিবা চৎনবীশিং, হায়বদি ইং ২০৫০ ফাওবগী মনুংদা হাইয়র অমসুং স্কুলগী এজুকেসনগী ওইরকপা য়াবা ফিভম, এস.তি.ই.এ.এম. (সাইন্স, তেক্নোলোজী, ইঞ্জিন্যারিং, আর্ত অমসুং অঙ্ক) এজুকেসনগী কান্নবা তেক্নোলোজী পুথোকপা, নহাশিংবু য়ুনিবর্সিতীশিংদা তুংদা ওইরক্কদবা থবকশিংগী মতাংদা ত্রেনিং তৌবা, তুংগী গ্রেজুএৎশিংগী স্কিল ত্রেনিং পীবগী প্রোগ্রামশিং অমসুং চহি-চা ২১ অসিগা থায়নগী এজুকেসনগী পথাপকগী মরক্তা মান্নবশিংগী মতাংদা খন্ন-নৈনবগী প্লেৎফোর্ম অমসু পীগনি।

***



(Release ID: 1687066) Visitor Counter : 3