কেন্দ্র সরকার অসিনা রাজ্য সরকারশিং অসিগা খুৎশম্নদুনা ফ্লেগশিপ প্রোগ্রাম অমা ওইনা চৎনরক্লিবা জল জীবন মিসন অসিগী মখাদা ৱেস্ত বেঙ্গল রাজ্যনা ‘হর ঘর জল’গী  পান্দম ফংবা ঙম্নবা হোৎনবদা রাজ্য অসিদা তেক্নিকেলগী ওইবা মতেং ফংহন্নবা ২০২১গী জানুৱারী ৫দগী ৮ ফাওবা নুমিৎ ৪নিগী ওইবা খোঙচৎ অমা ওইনা মীওই ৮না শাবা নেস্নেল জল জীবন মিসন(এন.জে.জে.এম.)গী তীম অমা চৎখ্রে৷ রাজ্য অসিদা প্রোগ্রাম ইমপ্লিমেন্তরশিংনা থেংনরিবা ইসুশিং অমসুং চেলেঞ্জশিং অদু মশক খঙদোক্নবা খোঙচৎ অসিনা পান্দম থম্লি৷

নুমিৎ ৪নিগী মতম অসিদা তীম অসিনা রাদ্য অসিগী পুর্ভ মেদনিপুর, পসচিম মেদনিপুর, নাদিয়া, মুর্শিদবাদ, বির্ভুম, বর্ধমন, বনকুরা অমসুং পসচিম বর্ধমন জিলাশিং চৎলগনি৷ এন.জে.জে.এম.গী মেম্বরশিং অসিনা ৱাতর সপ্লাই স্কিমশিং অসি চৎনহনবদা শরুক য়ারিবা ফিল্দ লেভেল ওফিসরশিং, গ্রাম প্রধানশিং, গ্রাম পঞ্চয়তগী মেম্বরশিং, ভিলেজ ৱাতর অমসুং সেনিতেসন কম্মিতী/পানি সমিতিগী মেম্বরশিং অমসুং বেনিফিসিয়রিশিং অসিগা উনদুনা ৱারি শানখ্রে৷ প্রোগ্রাম অসি খোঙজেল য়াংনা পাংথোক্ননবগীদমক তীম অসিনা দিস্ত্রিক ৱাতর অমসুং সেনিতেসন মিসনগী চীয়রপর্সন/দিস্ত্রিক কল্লেক্তর অসিদা চত্থরিবা থবক অদুগী অফবা ফিভম অদু খঙহন্নবা অমসুং মখোয়না মতেং পাংবিনবা হায়দনা মীফমশিং পাংথোকখ্রে৷

ৱেস্ত বেঙ্গলনা রাজ্য অসিগী খুঙ্গংগী য়ুমথোং খুদিংদা ২০২৪ ফাওবগী মনুংদা তোতিগী ইশিং ১০০% ফংহন্নবা পান্দম থম্লি৷ অমসুং হায়রিবা পান্দম অসি জে.জে.এম.গী মখাদা ফংহনবা ঙম্ননবগীদমক ভারত সরকার অসিনা রাজ্য অসিদা পাংবা য়াবা মতেং পুম্নমক পাংনবা হোৎনরি অমসুং রাজ্য সরকার অসিগা পুন্না চৎমিন্নরি৷ হৌখিবা থা অসিগী অঙনবা শরুক্তা রাজ্য অসিদা তেক্নিকেলগী ওইবা মতেং পীনবা হায়দনা মীওই ৪না শাবা তীম অমা চৎখ্রে অমসুং মসিনা মরম ওইদুনা রাজ্য অসিদা তৌরিবা থবক অদুগী খোঙজেল য়াংহল্লে৷

খু্ঙ্গংগী য়ুমথোং কোতি ১.৬৩ অসিগী মনুংদা ৱেস্ত বেঙ্গল রাজ্য অসিনা য়ুমথোং লাখ ৭.৬১ মনুং চলহনখ্রে অমসুং রাজ্য অসিনা রাজ্য অসিদা লৈরিবা য়ুমথোং খুদিংদা ২০২৩-২৪ ফাওবগী মনুংদা তোতিগী ইশিং ফংহন্নবা হোৎনরি৷ জে.জে.এম.গী মখাদা তৌরিবা থবক অসি রাজ্য অসিদা অশুক্কী মতিক মপুং ফারে অমসুং এন.জে.জে.এম. তীমগী খোঙচৎ অসিনা রাজ্য অসিদা প্রোগ্রাম অসি নিংথীজনা চৎনহনবদা মতেং পাংলগনি৷ ২০২০-২১গী মতমদা লুপা কোতি ১,১৪৬.৫৮গী ওপনিং বেলেন্স অসি য়াওদুনা লুপা কোতি ২,৭৬০.৭৬কী সেন্ত্রেল সেয়র ফন্দশিং রাজ্য অসিনা ফংখ্রে অমসুং রাজ্য অসিগী সেয়র য়াওরবা মতুংদা য়ুমথোং খুদিংদা জে.জে.এম.গী মখাদা তোতিগী ইশিং ফংহন্নবা হোৎনরিবা অসিদা ৱেস্ত বেঙ্গল রাজ্যনা পুন্না লুপা কোতি ৫,৭৭০গী শেনফম লৈখি৷ মখাতনা জে.জে.এম.গী মখাদা চত্থরিবা থবক অসিগী প্রোগ্রেস অদুগী মতুং ইন্না রাজ্য অসিদা অহেনবা ফন্দশিং থাদরবা য়াই৷

১৫শুবা ফাইনান্স কম্মিসননা পঞ্চয়তি রাজ ইন্সতিত্যুসনশিং অসিদা থাদরকখিবা অসিনা ৱেস্ত বেঙ্গলনা লুপা কোতি ৪,৪১২গী শেনফম লৈ, মসিগী মনুংদা ৫০%দি ইশিং অমসুং লু-নান্নবা হোৎনবদা শুংশোই শোইদনা থাদগদবনি৷ তোঙান তোঙানবা প্রোগ্রামশিং খুদম ওইনা এম.জি.এন.আর.ই.জি.এস., জে.জে.এম., এস.বি.এম.(জি), পি.আর.আই.শিংদা পীবা ১৫শুবা ফাইনান্স কম্মিসন গ্রান্ত, দিস্ত্রিক মিনরেল ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দিবেলপমেন্ত ফন্দশিং অসিগী মখাদা ভিলেজ লেভেলদা রাজ্য অসিনা প্লানিংশিং পুনশিনবগী তঙাই ফদবা লৈ অমসুং চহী ৫গী ওইনা খুঙ্গং খুদিংমক্কী ভিলেজ এক্সন প্লান(ভি.এ.পি.) শেমগদবনি অমসুং ১৫শুবা ফাইনান্স কম্মিসনগী অসিগুম্বা শেনফমশিং অদু থকপা য়াবা ইশিং মরাং কাইনা ফংহন্নবা ইশিংগী সোর্সশিং অদু ফহনবদা তোঙান তোঙানবা মওংদা ইশিং য়োক্তুনা থম্বগী থবক থৌরমশিং অসি পাংথোকপদা শিজিন্নগদবনি৷

পুন্সিবু হোংহনগদৌরিবা জল জীবন মিসন অসিগী মখাদা লৈবাক অসিদা লৈরিবা খুঙ্গংগী য়ুমথোং খুদিংমক্তা অফবা থকপা য়াবা ইশিং চাং নাইনা অমসুং মতম কুইনগী ওইনা অমসুং মতিক চাবা চাংদা ফংহন্নবগীদমক ফঙ্কস্নেল হাউসহোল্দ তেপ কন্নেক্সন লৈহল্লগনি৷ কোওপরেতিব ফেদেরেলিজমগী অশেংবা থৌনা অদু মতুং ইন্দুনা খুঙ্গংগী মফমশিংদা লৈরিবা মীওইশিংগী পুন্সি হেন্না য়াইফনবা হোৎনরিবা অমসুং নুপীশিং মরু ওইনা নুপীমচাশিং অসিদা থবক্কী অৱাবা অদু খরদা ওইরবসু হন্থহনবা হায়বা মিসন অসিগী পান্দমশিং অসি মংফাওননবগীদমক রাজ্য সরকারশিং অসিনা মসিগী ফ্লেগশিপ প্রোগ্রাম অসি চৎনরিবনি৷ পুন্সিবু হোংহনগদৌরিবা মসিগী মিসন অসিনা ‘ইক্ব্যুইতী অমসুং ইনক্লুসিবনেস’গী প্রিন্সপলশিং অসিদা হেন্না মীৎয়েং থম্লি৷ মসিগী মিসন অসিনা ইনফ্রাস্ত্রকচর শেম্বা অসিদগী সর্ভিস পীবা অসিদনা হেন্না মীৎয়েং চংলি৷

                                                                                      *****