এম.ও.এস. শ্রী রত্তনলাল কাতারিয়ানা সরকারগী মরুওইবা থৌরম অমা ওইরিবা, জল জীবন মিসনগী খোঙজং অসি য়েংশিনখ্রে। মিসন অসিগী চংশিল্লিবা খোঙজং অসিগী প্রজেন্তেসন অমা দ্রিংকিং ৱাতর অমসুং সেনিতেসন দিপার্তমেন্তগী এদিসনেল সেক্ত্রেতরীনা পুথোকখ্রে – শ্রী ভারত লাল।  

মিস্তর কাতারিয়ানা খঙহনখি মদুদি নিং-খা তম্লবা মতুং ২০১৯গী ওগস্ততগী হৌজিক ফাওবা খুঙ্গংগী য়ুমথোং করোর ৩.২৩ (অপুনবা খুঙ্গংগী য়ুমথোং করোর ১৮.৯৩গী মনুংদা) ঈশিংগী তেপ শমখ্রে, অদুবু তেল্লবা চহি অমগী মনুং অসিদা, মিসন অসিগী মখাদা অনৌবা কন্নেক্সন খুঙ্গংগী য়ুমথোং করোর ৩.০৪দা পীখি। জল জীবন মিসন অসি য়াম্না আসা লৈবা খুঙ্গংগী য়ুমথোং খুদিংদা ঈশিংগী তেপ শম্নবা পান্দম অমগা লোয়ননা – “নো ৱান ইজ লেফত আউত” হায়বা অসি থাজবা পীরি।     

মহাক্না খঙহল্লি মদুদি গৌৱা অসি ইহান হানবা ১০০% পাইপ শম্বা স্তেতনি অমসুং হৌজিক ফাওবদা দিস্ত্রীক্ত ২৭, ব্লোক ৪৫৮, গ্রাম পনচায়ৎ ৩৩,৫১৬, খুঙ্গং ৬৬,২১০না “হর ঘর জল” ফংখ্রে। হন্দক্তা কুরুক্ষেত্রনা ইন্দিয়াদা ২৭শুবা অমসুং হারিয়ানাদা ৩শুবা ওইনা পান্দম অসি য়ৌখি।

 মহাক্না মায় পাকপা অসি অহানবদা খুঙ্গংশিং, গ্রাম পনচায়ৎ, পানি সামিতি, পব্লিক হেলথ ওথোরিতিগী মীওইশিং অমসুং অতৈ থৌবুশিংদা মনা অসি পীখি।

তেলঙ্গানা, গুজরাত, হারিয়ানা স্তেত, পুদুচেরীগী য়ু.তি.অসি ১০০% য়ৌশিনগদবা খজিক্তা ঙাইরে। য়াম্না নিংথিনা খোঙজং চংশিনখ্রবা স্তেতশিং অদুদি – হিমাচল প্রদেশ, বিহার, উত্তরাখন্দ, মনিপুর, আন্দমান অমসুং নিকোবরগী য়ু.তি. অসিনি।

চৎকদৌরিবা লম্বী অসিদা, স্তেত ২ (বিহার, তেলঙ্গানা ) অমসুং য়ু.তি.শিং ২ (পুদুচেরী, অন্দমান অমসুং নিকোবর) অসিনা ২০২১দা ১০০% য়ৌরবা য়ানা লৈরি। মিনিস্ত্রী অসিনা  ইনফোর্মেসন তেক্নোলোজি শিজিন্নদুনা স্কীম অসিগী চংশিল্লিবা খোঙজং অসি পব্লিক দোমেন ৱেব পোর্তেলগী মখাদা অমসুং মোবাইল এপ্তা হাকৎলগনি।

মহাক্না হায় মদুদি “ঈশিং অসি অহিংবা জিবগী চংদ্রবা য়াদবা অমনি অমসুং মসি লাইবক থিনিঙাই অমনি মদুদি নিং-খা তম্লবা দিকেৎ ৭ ফারক্লব ফাওবা খুঙ্গংদা নুপীশিংনা থক্নবা ঈশিং শোক্নবগীদমক অথাপ্পা মফম চৎপা অসি। মসিনা মখোয়দা তংদু লৈতাদবা অমসুং মখোয়গী চাওথোকচনিঙাই ওইবদা শোকই”।

জল জীবন মিসন্না য়াম্না কন্না চংশিল্লি অমসুং নুপীশিংবু ভিল্লেজ ৱাতর অমসুং সেনিতেসন কম্মিতি/পানি সমিতিদা শরুক য়ান্নবা অমসুং ভিল্লেজ এক্সন প্লান্দা (ভি.এ.পি.শিং.)দা মপুং ওইনা য়াওনবা সরকারগী হুকুম লৈখ্রে। মিসন অসিগী মখাদা, নুপী ৫ খুঙ্গং খুদিংগী ফিলদ তেস্তিং কিতশিং (এফ.তি.কে.শিং) শিজিন্নদুনা ঈশিং তেস্ত তৌবগী ত্রেনিং পীদুনা, অফবা ঈশিং কন্নেক্সন অসিদা ফংহন্নবা হোৎনরি।

*****