য়মুনা তুরেলদা এম্মোনিয়াকেল নাইত্রোজেন হেনগৎলকপনা থোকহল্লিবা ইসুশিং অমসুং তঙাই ফদনা লৌখৎকদবা খোঙথাংশিং অদুগী মতাংদা খন্না-নৈননবা দিল্লীগী ইরিগেসন অমসুং ফ্লদ কন্ত্রোল দিপার্তমেন্ত, হরিয়ানাগী ইরিগেসন অমসুং ৱাতর রিসোর্সেস দিপার্তমেন্ত, দিল্লী জল বোর্দ(দি.জে.বি.), হরিয়ানা স্তেত পোলুসন কন্ত্রোল বোর্দ(ঐচ.এস.পি.সি.বি.), দিল্লী পোলুসন কন্ত্রোল কম্মিতী(দি.পি.সি.সি.)গী ওফিসিয়েলশিংগা লোইননা জানুৱারী ০৪দা সেন্ত্রেল পোলুসন কন্ত্রোল বোর্দনা(সি.পি.সি.বি.) মীফম অমা পাংথোকখ্রে৷

তুরেল অদুগী মথকলোমদা লৈরিবা হরিয়ানাগী শহরশিং অসিদগী ফৎতবা থাদরকপা, ইন্দস্ত্রীয়েল য়ুনিৎশিং অসিদগী থাদরকপা, কম্মন ইফ্লুয়েন্ত ত্রিতমেন্ত প্লানশিং(সি.ই.তি.পি.শিং) অমসুং সিৱেজ ত্রিতমেন্ত প্লানশিং(এস.তি.পি.শিং), দিল্লী শহরগী মপান থংবা শরুক্তগী আইনা য়াদবা মওংদা ফৎতবা থাদরক্তুনা তুরেলদা চেল্লকপা অমসুং তুরেলগী মখা থংবা শরুক্তা ফৎতা হাওদি অদুনা এনএরোবিক দিপোজিসন চত্থরকপা অসিনা তুরেল অসি কেমিকেল য়াওহল্লকপা ওইরম্বা য়াই হায়না মতম চংনা খন্না নৈনবা অদুনা য়ানখ্রে৷

দিল্লীগী ইরিগেসন অমসুং ফ্লদ কন্ত্রোল দিপার্তমেন্ত, হরিয়ানাগী ইরিগেসন অমসুং ৱাতর রিসোর্সেস দিপার্তমেন্ত, দিল্লী জল বোর্দ(দি.জে.বি.), হরিয়ানা স্তেত পোলুসন কন্ত্রোল বোর্দ(ঐচ.এস.পি.সি.বি.), দিল্লী পোলুসন কন্ত্রোল কম্মিতী(দি.পি.সি.সি.)গা লোইননা খন্না নৈনবগী কাংলুপ অমা শেমখ্রে৷ কাংলুপ অসিনা য়ুনিফোর্ম মোনিতরিং প্রোতোকোল অমসুং মোনিতরিং মেকানিজম অদু হেন্না ফহনবদা চংলিবা তঙাইফদবা অদু য়েংশিল্লগনি, হৌখিবগী দাতা নৈনরগনি অমসুং য়াম্না কন্না হোৎস্পোত ওইরিবা মফমশিং অদু খন্দোক্নবা ফিল্দ সর্ভে চত্থরগনি৷ হেন্না ফবা সোলুসনশিং ফংবা ঙম্নবা সোর্ত অমসুং লোঙ্গ তর্ম মিজরশিং পুথোরক্নবা অমসুং থা অমগী মনুংদা মদুগী রিপোর্ত অদু পিশিল্লক্নবা খঙহনখ্রে৷

দি.জে.বি., দি.পি.সি.সি, দিল্লীগী ইরিগেসন অমসুং ফ্লদ কন্ত্রোল দিপার্তমেন্ত, ঐচ.এস.পি.সি.বি. অমসুং হরিয়ানাগী ইরিগেসন অমসুং ৱাতর রিসোর্সেস দিপার্তমেন্ত য়াওদুনা জোইন্ত সর্ভিলেন্স স্ক্বার্দ অমা শেম্বা হায়না য়ানখ্রে৷

*****