কোইলা মন্ত্রালয়

এন.এ.এল.সি.ও.না শেনবা চহি ২০২৭-২৮ ফাওবগী মনুংদা পাকথোক-চাউথোক্নবা লুপা করোর ৩০০০০ থাদরগনিঃ শ্রী প্রহলাদ জোশী
এন.এ.এল.সি.ও.গী ৪১শুবা মপোক কুমওন পাংথোকখ্রে

Posted On: 07 JAN 2021 2:49PM by PIB Imphal

কোয়লা অমসুং মাইনগী কেন্দ্রগী মন্ত্রী, শ্রী প্রহলাদ জোশীনা এন.এ.এল.সি.ও.না শেনবা চহি ২০২৭-২৮ ফাওবগী মনুংদা কম্পেনী অসিগী পাকথোক-চাউথোক্নবা অমসুং দাইভর্সিফিকেসনগী থৌরাংগী মখাদা লুপা করোর ৩০০০০ থাদরগনি হায়খ্রে। ৱাফম অসি শ্রী জোশীনা ওরিশাগী কোনুং ওইরিবা ভুবনেস্বরদা লৈবা কম্পেনী অসিগী ময়ায়-লোইশঙদা এন.এ.এল.সি.ও.গী ৪১শুবা মপোক কুমওন পাংথোকপগী থৌরমদা ৱা ঙাংবদা হায়খিবনি।

শেল থাদগনি হায়রিবা অসিগী মনুংদগী কম্পেনী অসিনা লুপা করোর ৭০০০ হেনবগী শেনফমদি ৫শুবা স্ত্রীমগী রিফাইনরী, পোত্তাঙ্গি বোক্সাইৎ মাইন, সাউথ ব্লোক অমসুং উৎকাল দি. অমসুং ই. কোল মাইনগী মরক্তা বোক্সাইৎ পুথোক-পুশিন তৌবগী পথাপ্তা চাদিং তৌগনি। লেমহৌরিবা লুপা করোর ২২০০০গী শেনফম অসিনা ওরিশাগী অঙ্গুল জিলাদা লৈরিবা কম্পেনী অসিগী স্মেলতর প্লান্ততা এম.দবল্যু. ১৪০০ ফীদর সি.পি.পি. শাগত্তুনা পাকথোক-চাউথোকপা য়াওনা স্মেলতর অমসুং কেপ্তিব পাৱর প্লান্ত (সি.পি.পি.) পাকথোক-চাউথোকপদা শিজিন্নগনি।

 “এন.এ.এল.সি.ও.না তুংগীদমক্তা মিৎয়েং শান্না শাহৌ লৌবগী পান্দম থম্লিবা অসিগা লোয়ননা মসিনা এলুমিনা অমসুং এলুমিনিয়ম সেক্তরদা (ধাতু অসিগী পুথোকপা অমসুং শিজিন্নবদা মলতিপ্লাইয়র ইফেক্ত লৈরিবা) মশক থোক্না তেংবাংদুনা প্রধান মন্ত্রী, শ্রী নরেন্দ্র মোদীগী লুচিং মখাদা লৈরিবা মরোমদোম লেপচবা ঙম্বা ভারত ওইহনবগী মঙলান অসিবু মঙফাওনবা ঙমহনগনি”, হায়না শ্রী জোশীনা হায়খি।

শ্রী জোশীনা লৈবাক অসিগী মিনরেল পুথোকপদা অয়েৎপা লৈতনবা হায়দুনা কেন্দ্র সরকারনা মিনরেল য়াম্না লৈবা ওরিশাগী রাজ্য অসিদা অঙম্বা মতেং পাংলি হায়খি। রাজ্য সরকারনা হায়জরকপগী মতুং ইন্না, কেন্দ্র সরকারনা মিনরেল পুথোকপগী থবক নীংথিনা চত্থহন্নবা  অমসুং থৌওং অসিদা থৱাই য়াওদবা মীওইশিংবু মিনরেল ব্লোক্কী নীলাম লাওবদা য়াওহন্দনবা মরী লৈবা কাঙলোন কয়াদা অহোংবা পুরক্লগনি।

“ওরিশাদা আইরন ওর পুথোকপগী থবক মপুং ওইনা পাংথোক্নবগীদমক্তা, রাজ্য সরকারনা হায়রকপগী মতুং ইন্না ঐখোয়না ওরিশা মিনরেল কোর্পোরেসন্দা আইরন ওর মাইনিং ব্লোক ০২ অমসুং ওরিশা মিনরেল এক্সপ্লোরেসন কোর্পোরেসন লিমিতেদতা ব্লোক ০১ পীবগী ৱাহৌদোক অদুগী অয়াবা পীখ্রে”, হায়না শ্রী জোশীনা হায়খি।

ওরিশা মিনরেল এক্সপ্লোরেসন কোর্পোরেসন লিমিতেদ (ও.এম.ই.সি.এল.) অমসুং মিনরেল এক্সপ্লোরেসন কোর্পোরেসন লিমিতেদ (এম.ই.সি.এল.)গী মরক্তা ও.এম.ই.সি.এল.গী মিনরেল ব্লোকশিং থীদোকমিন্নবগী এম.ও.য়ু. অমগী খুৎয়েক পীনখ্রে। মসিনা রাজ্য অসিগী মিনরেলগী হীরমদা লৈরিবা মতিক অসি অকুপ্পা সর্ভে অমসুং থিজিন হুমজিনবগী খুত্থাংদা নীংথিনা খঙদোকপা অমসুং শিজিন্নবা ঙমগনি। মসিদা নত্তনা, ওরিশাগী মিনরেল ব্লোকশিংগী নীলাম লাওবগী থবক পাংথোক্নবগীদমক্তা কাঙলোন কয়াদা কোমথোকপগী ৱাফমসু খন্নরি।

পনবা য়াবা অমনা, ইং ২০১৫দা এম.এম.দি.আর. এক্ততা শেমদোকপা থৌওংগী খুত্থাংদা ভারতকী মিনরেল ব্লোকশিংবু য়েন্থোকপগী নীলাম লাওবগী থৌওং অমা মাইনগী মন্ত্রালয়না হৌদোকখিবনি। মসিগী শেমদোকপা অসিগী মতুং ইনবা কাঙলোনগী মতুং ইন্না, মার্চ ২০২০দা মিনরেল ব্লোক ৪৬কী লীজ অসি লোইরগনি অমসুং মখোয়শিং অসিগী মনুংদগী অয়াম্বদি ওরিশাদা লৈবনি। মিনরেল পুথোকপগী থৌওংদা অয়েৎপা লৈতনবা হায়দুনা কেন্দ্র সরকারনা জনুৱারি ২০২০দা মিনরেল লো (এমেন্দমেন্ত) ওর্দিনেন্স ২০২০ পুরকখি অমসুং মসিগী মতুং ইন্না রাজ্য সরকারশিংনা হৌজিক লৈরিবা লীজ অসিনা লোইদ্রিঙৈগী মমাংদা অনৌবা লীজ পায়গদবা মীওই খন্দোক্নবা মিনরেল ব্লোক ওক্সন তৌবগা মরী লৈনবা থবক কয়া মাংজৌননা পাংথোকপা য়াই। অনিশুবা ওইনা, অনৌবা লীজ পীবা নুমিত্তগী অনৌবা লীজ পায়রিবা মীওই অদুদা মিনরেল ব্লোকশিংদা চহি অনিগী ওইনা থবক তৌবগী অয়াবা অসি মথন্তনা অদুমক পীজগনি। মসিগী মতম অসিগী মনুংদা, অনৌবা মপু অসিনা নৌহৌননা অয়াবা লৌনবগীদমক্তা চে-থাবা য়াগনি। মসিনা অনৌবা মপুশিংনা অয়েৎপা লৈতনা মাইনিং তৌবগী খুদোংচাবা ফংহল্লি।

শ্রী জোশীনা এন.এ.এল.সি.ও.না ওরিশা সরকারগা খুৎশম্নদুনা মালেমগী থাক্তা লৈবা এলুমিনিয়ম পার্ক অমা অঙ্গুলদা শেম-শাগদৌরি। মসি পার্ক অসিনা মসিগী স্মেলতর প্লান্তকা নক্ননা লৈহন্দুনা ওরিশাগী রাজ্য মনুংদা দাউন্সত্রীম অমসুং এন্সিল্লারী ইন্দস্ত্রী কয়া অমা শেমগৎনবসু পুক্নিং থৌগৎকনি। মসিনা লমদম অসিদা থবক পীবগা লোয়ননা লমদম অসিগী ওন্তোপ্রিনর কয়া অমদসু তেংবাংগনি।

এন.এ.এল.সি.ও.গী মরমদা ৱাফম খরা

নেস্নেল এলুমিনিয়ম কম্পেনী লিমিতেদ (এন.এ.এল.সি.ও.) অসি ভারত সরকারগী মাইন মন্ত্রালয়গী মখাদা লৈবা সেদ্যুল-এ. নবরত্না সি.পি.এস.ই. অমনি। কম্পেনী অসি এসিয়াগী খ্বাইদগী চাউবা অপুনবা বোক্সাইৎ-এলুমিনা-এলুমিনিয়ম-পাৱর কমপ্লেক্সশিংগী মনুংদা অমনি। কম্পেনী অসিনা ভারতকী বোক্সাইৎ ৩২%। এলুমিনা ৩৩%, এলুমিনিয়ম ১২%গী শরুক পুথোকই। মসিবু মালেমগী শেল খ্বাইদগী চঙদনা এলুমিনিয়ম অমসুং বোক্সাইৎ পুথোকপা কম্পেনী অমা ওইনা শক-খঙই। কম্পেনী অসিনা লৈবাক ১৫ হেনবদা মখোয়গী কারাবার তৌই। এন.এ.এল.সি.ও. অসি লৈবাক অসিগী অপুনবা ফোরেন এক্সচেঞ্জ খ্বাইদগী য়াম্না তানবা সি.পি.এস.ই. অমনি হায়না খঙনৈ। কম্পেনী অসিনা ত্রাইবেলনা য়াম্না লৈবা ওরিশাগী কোরাপুৎ অমসুং অঙ্গুলগী জিলাশিংদা থবক তৌই।

---



(Release ID: 1686848) Visitor Counter : 97