২০২১গী জানুৱারী ৬তা ন্যু দিল্লীদা পাংথোকখিবা থৌরম অমদা রক্সা রাজ্য মন্ত্রী শ্রী শ্রীপদ য়েসো নাইকনা আর্মী স্তাফকী চীফ জেনেরেল এম.এম. নরাভনদা বুলেত প্রুব জেকেৎ লাখ অমা খুৎশিন্নখ্রে৷

থৌরম অসিগী মতাংদা ৱা ঙাংলদুনা য়েক্নবশিং অসি লান্থেংনবদা আর্মী অসিনা ঐখোয়গী মমল য়াম্লবা লান্মীশিং অসিগী পুন্সি কন্নবা হোৎনরিবা পুম্নমক অদু সরকার অসিনা ইকাই খুম্নৈ হায়না রক্সা রাজ্য মন্ত্রী অসিনা ফোংদোকখ্রে৷ প্রধান মন্ত্রী শ্রী নরেন্দ্র মোদীনা লুচিংবা সরকার অসিনা ঐখোয়গী লান্মীশিং অসি তেক্ত কাইদনা লৈহনবদা হেন্না মীৎয়েং চংলি হায়না মহাক্না ফোংদোকখ্রে৷ “ঐখোয়গী লান্মীশিং অসিদা হৌজিক মতমগী খ্বাইদগী ফরবা খুৎলাইশিং অমসুং প্রোতেক্তিব আর্মরশিং পীগনি অমসুং অসিগুম্বা অৱাৎপশিং অসি মতম পুম্বদা খ্বাইদগী ইহান হান্না তৌদ্রবা য়াদ্রবা থবক অমা ওইনা লৈগনি হায়না সরকার অসিনা ফোংদোকখ্রে” হায়না শ্রী শ্রীপদ য়েসো নাইকনা থাজবা পীরকখ্রে৷ এম./এস. এস.এম.পি.পি. প্রাইভেৎ লিমিতেদনা লান্মীগী জেকেৎ লাখ অমা অপীবা মতম অদুদগী থা মরি ঙনখৎনা ফংহল্লকপা অসিদা মেনুফেকচরর অসিবু মহাক্না থাগৎখ্রে৷ বি.জে.পি. সরকার অসিনা ফংহল্লিবা ইন্দিজিনিয়র্স প্রদক্তশিং অসি মেক ইন ইন্দিয়াগী মখাদা শাখিবনি অমসুং কম্পেনী অসিনা প্রদক্তশিং অসি মপান লৈবাকশিং অসিদা থাদোক্তুনা ভারত লৈবাক অসি দিফেন্সকী পোৎ-চৈ পুথোকপদা গ্লোবেল হব অমা ওইহন্দুনা সরকার অসিগী ইনিসিয়েতিব ওইরিবা অত্মনির্ভর ভারত অসি মতুং ইনবা ঙমখ্রে হায়না রক্সা রাজ্য মন্ত্রী অসিনা ফোংদোকখ্রে৷

হায়রিবা জেকেৎ অসি লৈবাক অসিগী ঙমখৈশিংদা অমসুং ইন্সর্জেন্সী থেংনবদা ঐখোয়গী লান্মীশিং অসিনা পাম্না শিজিন্নরি হায়না মহাক্না ফোংদোকখ্রে৷

থৌরম অসিদা সেক্রেতরী(দিফেন্স প্রদক্তসন)শ্রী রাজ কুমার, দি.জি. ইনফেন্ত্রী লেফতনেল জেনেরেল এ.কে. সমন্তরা, দি.জি. দি.জি.ক্বু.এ.গী লেফতনেল জেনেরেল আর.কে. মাল্হোত্র অমসুং দি.জি. সি.দি. লেফতনেল জেনেরেল ঐচ.এস. কাহলোননা শরুক য়াখি৷

*****