হ্যুমেন রিসোর্স চাউখৎ-থৌরাংগী মন্ত্রালয়

কেন্দ্রগী মহৈ-মশিংগী মন্ত্রী অমসুং দবল্যু.সি.দি. অমসুং তেক্সতাইলগী কেন্দ্রগী মন্ত্রীনা পুন্না খুৎশম্নদুনা তোইকেথোন-২০২১ অমসুং তোইকেথোন পোর্তেল লোঞ্চ তৌখ্রে
ভারতকী য়ু.এস.দি. দোলর বিলিয়ন অমগী চাংদা শান্নপোৎকী মার্কেৎ অসি ফাজিন্নবা তোইকেথোননা পান্দম থম্লি

তোইকোথোননা মহৈরোই কোতি ৩৩গী ইন্নোবেতিব ওইবা কা হেন্না হৈ-শিংবা অদু শিজিন্ননবা হোৎনরি

স্কুল তম্লিবা অঙাংশিংনা অনৌবা শান্নপোৎশিং পুথোক্নবা, দিজাইন তৌনবা হোৎনগদবনি

তোইকেথোন-২০২১ ৱিন্নরশিং অসিদা লুপা লাখ ৫০গী শেনফম মনা ওইনা পীরগনি

Posted On: 05 JAN 2021 4:59PM by PIB Imphal

কেন্দ্রগী মহৈ-মশিংগী মন্ত্রী শ্রী রামেশ প্রোখ্রিয়াল ‘নিশঙ্ক’অমসুং দবল্যু.সি.দি. অমসুং তেক্সতাইলগী কেন্দ্রগী মন্ত্রী শ্রীমতি শমৃতি জুবিনি ইরানিনা পুন্না খুৎশম্নদুনা তোইকেথোন-২০২১ ঙসি হৌদোকখ্রে৷  তোইকেথোন-২০২১ হৌদোকপগী থৌরম অদুদা এম.ও.ই.গী চীফ ইন্নোবেসন ওফিসর দা. অভে জেরি, এ.আই.সি.তি.ই.গী চীয়রমেন প্রোফেসর অনিল সহাসরবুধি অমসুং সেক্রেতরী শ্রী প্রবীন কুমাপনা শরুক য়াখি৷ থৌরম অদুদা কেন্দ্রগী মন্ত্রীশিং অসিনা খুৎশম্নদুনা তোইকেথোন পোর্তেল অদুসু লোঞ্চ তৌখ্রে৷ মসিগী তোইকেথোন অসিনা অঙাংশিংগী মরক্তা মমল লৈবা অমসুং অফবা শাজৎশিং লৈহন্নবা ইন্দিয়ন ভেল্যু সিস্তেমগী মতুং ইন্না অনৌ-অনৌবা শান্নপোৎশিং শানবা পান্দম থম্লি৷

থৌরম অসিদা ৱা ঙাংলদুনা ভারত অসি মালেম অসিদা শান্নপোৎ খ্বাইদগী য়াম্না শাবা লৈবাক অমা ওইহন্নবা পান্দমদা তোইকেথোন অসি শিল্লবনি হায়না শ্রী পোখ্রিয়ালনা ফোংদোকখ্রে৷ ভারততা লৈরিবা শান্নপোৎকী মার্কেৎ অসি য়ু.এস.দি. বিলয়ন অমগী চাংনি অদুবু লাইবক থীবদি হায়রিবা শান্নপোৎশিং অসি ৮০%দি মপান্দগী পুশিল্লকপনি হায়না মহাক্না ফোংদোকখ্রে৷ দোমেস্তিক তোই ইন্দস্ত্রী অমসুং লোকেল মেনুফেকচররশিংনা মখোয়গী লৈরিবা হৈ-শিংবা অদু শিজিন্নদুনা অমসুং শিজিন্নদনা লৈরিবা রিসোর্চশিং অদু শিজিন্নদুনা মখোয়শিং অসিগীদমক ইকোসিস্তেম অমা শেম্ননবগীদমক সরকার অসিনা তোইকেথোন অসি ঙসি পান্দম অমগা লোইননা হৌদোকখিবনি৷ দোলর ত্রিলিয়ন ৫গী ওইবা ইকোনোমীদা প্রধান মন্ত্রী শ্রী নরেন্দ্র মোদীগী তুংগী ওইবা ৱাখল্লোন অদু নিংশিংদুনা অমসুং ঐখোয়গী শান্নপোৎকী মার্কেৎকী তৌবা ঙম্বশিং অদু নৈনরদুনা ভারত অসি শান্নপোৎকী ইন্দস্ত্রীদা ‘অত্মনির্ভর’ ওইহন্নবা মহাক্না হায়খ্রে৷ ২০২০গী নেস্নেল এদজুকেসন পোলিসী অসিনা প্রাইমরী এদজুকেসন্দগী হৌদুনা ইন্নোবেসন অমসুং রিসর্চতা হেন্না মীৎয়েং চংলি হায়না মহাক্না মখাতানা ফোংদোকখ্রে৷ নেস্নেল এদজুকেসন পোলিসী অসিগী পান্দমশিং অসিগা মরী লৈননা তোইকেথোন অসিনা লৈবাক অসিদা লৈরিবা মহৈরোই কোতি ৩৩গী হৈ-শিংবা অদু শিজিন্ননবা হোৎনরি হায়না মহাক্না ফোংদোকখ্রে৷

প্রেজ কনফেরেন্স অমদা ৱা ঙাংলদুনা ভারত লৈবাক অসিনা মপান লৈবাকশিং অসিদগী শান্নপোৎ চাদা ৮০গী চাং পুশিল্লি অমসুং হায়রিবা সেক্তর অসিদা লৈবাক অসি মশা-মরোমদোম লেপচবা ঙম্নবা লৈবাক অসিদা লৈরিবা শান্নপোৎ শাবা ইন্দস্ত্রীশিং অসি য়োকখৎনবা সরকার অসিনা কন্না হোৎনরি হায়না শ্রীমতি শমৃতি ইরানিনা ফোংদোকখ্রে৷ হায়রিবা তোইকেথোন অসি শিজিন্নদুনা মহৈ-মশিং মন্ত্রালয়গা পুন্না থবক তৌমিন্নবা অসিনা লৈবাক অসিদা লৈরিবা স্কুলশিং, কোলেজশিং অসিদা লৈরিবা মহৈরোইশিং অসিগী লম্বী য়াৎপিদুনা অত্মনির্ভর ভারত অসি ফংবা ঙমগনি হায়না মহাক্না ফোংদোকখ্রে৷ ইনিসিয়েতিব অসিবু থাগৎলদুনা মন্ত্রী অসিনা অসুম্না ফোংদোকখ্রে, “স্কুল তম্লিবা অঙাংশিং মরু ওইনা ‘দিব্যাঙ্গ অঙাংশিং’ অসিনা অনৌবা শান্নপোৎ মখলশিং পুথোক্কদৌরিবা, দিজাইন তৌগদৌরিবা অসি হন্দক্কী অসিনা ইহান হানবনি’৷ তোইকেথোন অসিদা শরুক য়ারিবা মহৈরোইশিং অমসুং ফেকল্তী মেম্বরশিং অসিনা মনা ওইনা লুপা লাখ ৫০গী শেনফম ফংবা য়াই হায়না মন্ত্রী অসিনা ফোংদোকখ্রে৷ শান্নপোৎ শারিবা ইন্দস্ত্রীশিং অসি ঙাক শেন্নবা অমসুং অথোই অহেন হেন্না তান্নবা অমসুং হকচাং শোকহন্দবা কেমিকেল য়াওদনা শাবা শান্নপোৎশিং অসিগী মতাংদা ময়ামদা এৱার্নেস পীনবা কম্মর্জ মন্ত্রালয় অমসুং এম.এস.এম.ই. মন্ত্রালয় অসিনা তোঙান তোঙানবা খোঙথাং কয়া অমা লৌখৎখ্রে, মহৈ-মশিং মন্ত্রালয় অমসুং দবল্যু.সি.দি. মন্ত্রালয়না অখন্নবা খোঙথাংশিং লৌখৎলগনি হায়না মহাক্না ফোংদোকখ্রে৷

তোইকেথোন ২০২১ অসিগী মরমদা:

‘অত্মনির্ভর ভারত’ ওইহন্নবগী লম্বী অসিদা  মহৈ-মশিংগী মন্ত্রালয়, ৱুমেন অমসুং চাইল্দ দিভেলপমেন্ত মন্ত্রালয়(এম.দবলযু.সি.দি.), তেক্সতাইল মন্ত্রালয়, কম্মর্জ অমসুং ইন্দস্ত্রী মন্ত্রালয়, এম.এস.এম.ই. মন্ত্রালয়, আই. অমসুং বি.গী মন্ত্রালয় অমসুং ওল ইন্দিয়া কাউন্সিল ফোর তেক্নিকেল এদজুকেসন(এ.আই.সি.তি.ই.) মন্ত্রালয়না পুন্না খুৎশম্নদুনা তোইকেথোন ২০২১ অসি হৌদোকখিবনি৷

মসি ইন্দিয়ন কল্চর অমসুং ইথোস, সোকেল ফ্লোকলোর অমসুং হেরোশিং অমসুং ইন্দিয়ন ভেল্যু সিস্তেমশিং অসিগী মতুং ইন্না শান্নপোৎশিং অমসুং মশান্নশিং শাননবগীদমক স্কুলশিং অমসুং কোলেজশিং অসিগী মহৈরোইশিং অমসুং ওজাশিংনা, শান্নপোৎ শাবগী এক্সপর্তশিংনা অমসুং স্তার্তঅপশিংনা তোঙান তোঙানবা ৱাখল্লোনশিং পুথোক্নদুনা নৈননবগী অখন্নবা হেক্কাথোন অমনি৷ মসিনা ভারত লৌবাক অসি শান্নপোৎ শাবদা গ্লোবেল হব অমা ওইহনবদা চাওনা মতেং পাংলগনি অমসুং মসিনা ইন্দিয়ন কল্চরগী ইথোশ অমসুং ভেল্যুশিং অদু ঐখোয়গী অঙাংশিংদা খঙহনবদা মতেং পাংলগনি৷

তোইকেথোন অসি থীম মাপল-ইন্দিয়ন কল্চর, হিস্ত্রী, ভারতকী মতাংদা অমসুং ইথোস;  মহৈ-মশিং তম্বা অমসুং স্কুল কাবা; সোসিয়েল অমসুং হ্যুমেন ভেল্যুশিং; শিনফমশিং অমসুং অখন্নবা হিরমশিং; অকোইবগী ফিভম; দিব্যাঙ্গ ; হকচাং ফবা অমসুং শান্ন-খোৎনবা; ত্রেদিস্নেল ইন্দিয়ন শান্নপোৎশিং অমুক হন্না দিজাইন তৌবা, লোজিকেল্লী খনবা অমসুং শেম্বা অসিগী মতুং ইন্না পাংথোকই৷

তোইকেথোন অসি ত্রেক মখল ৩ জুনিয়র লেভেল, সেনিয়র লেভেল অমসুং স্তার্ত অপ লেভেল হায়না লৈগনি অমসুং হায়রিবা অসিদা স্তার্তঅপশিং অমসুং তোই এক্সপর্তশিং অসিদগী হেন্দোক্তুনা স্কুলশিং, কোলেজশিং অমসুং য়ুনিভর্সিতীশিংগী মহৈরোইশিং অমসুং ওজাশিংসু শরুক য়াবা য়াগনি৷ মসিগী মতম অসি ঙল্লিঙৈ মতমগী চৎনবিশিং অমসুং থাজনবশিং অদু উৎতুনা অঙনবা ভারতকী ৱারীশিং, কল্চর, ত্রেদিসন অমসুং হেরিতেজতা য়ুমফম ওইদুনা মশান্নশিং পুথোক্নবা অমসুং খ্বাইদগী ফরবা ক্রেতিব ওইরবা ৱাখল্লোনশিং অদু ঐখোয়না শিজিন্নবগী খ্বাইদগী ফরবা মতম ওই৷

তোইকেথোন ২০২১ অসিদা শরুক য়াননবগীদমক, মফম অসিদা চংবিয়ু https://toycathon.mic.gov.in৷ প্রপোজেলশিং অদু ২০২১গী জানুৱারী ৫দগী জানুৱারী ২০ ফাওবা ওনলাইনগী খুৎথাংদা থাজিনবা য়াগনি৷

তোইকেথোন-২০২১দা পি.পি.তি. অদু য়েংনবা মফম অসিদা নম্বিয়ু

*****



(Release ID: 1686720) Visitor Counter : 41