কেন্দ্রীয় স্বাস্থ্য আৰু পৰিয়াল কল্যাণমন্ত্রী ডঃ হর্ষবর্ধনে আজি ভার্চুৱেল মাধ্যমত লংগিটিউডিনেল এজিং ষ্টাডী অফ ইণ্ডিয়া (লাছি) ৱেভ-১, ইণ্ডিয়া প্ৰতিবেদন প্রকাশ কৰে।

লংগিটিউডিনেল এজিং ষ্টাডী অফ ইণ্ডিয়া (লাছি)-ই ভাৰতৰ বয়স হোৱা জনসংখ্যাৰ স্বাস্থ্য, অর্থনৈতিক আৰু সামাজিক নির্ধাৰক আৰু জনসংখ্যা বৃদ্ধি সম্পর্কিত বিষয়ত সমীক্ষা কৰি আহিছে। স্বাস্থ্য আৰু পৰিয়াল কল্যাণ মন্ত্রালয়ে বয়োজ্যেষ্ঠসকলৰ স্বাস্থ্য সেৱাৰ ক্ষেত্রত ৰাষ্ট্ৰীয় কাৰ্যসূচী গ্রহণ কৰিছে। এই বিষয়ত সহায় লোৱা হৈছে ইন্টাৰনেশ্যনেল ইনষ্টিটিউট ফৰ পপুলেশ্যন ছাইন্সেচ মুম্বাইৰ। এই ক্ষেত্রত সহযোগিতা আগবঢ়াইছে হার্ভার্ড স্কুল অৱ পাব্লিক হেল্থ, ইউনিভাৰ্ছিটি অৱ ছাউদাৰ্ণ কেলিফৰ্ণিয়া, ইউএছএ আৰু ইউনাইটেড নেচনছ পপুলেশ্যন ফাণ্ড আৰু নেশ্যনেল ইনষ্টিটিউট অন এজিং-এ।

লংগিটিউডিনেল এজিং ষ্টাডী অফ ইণ্ডিয়া (লাছি)-ই তেওঁলোকৰ ৱেভ-১ৰ জৰিয়তে ৪৫ বছৰৰ ঊর্ধ্বৰ ৭২,২৫০ জন লোকক লৈ সমীক্ষা চলাইছে। ইয়াৰ উপৰি ৬০ আৰু ৭৫ বছৰ বয়সৰ লোকসকলক লৈও সমীক্ষাৰ কাম আৰম্ভ কৰিছে।

প্ৰতিবেদন প্রকাশ কৰি কেন্দ্রীয় মন্ত্রী ডঃ হর্ষবর্ধনে কয়, ই ভাৰতৰ প্রথম আৰু বিশ্বৰ বৃহত্তম সমীক্ষা যিয়ে সামাজিক, স্বাস্থ্য আৰু অর্থনৈতিক সুস্থতাৰ বিষয়ে বয়োজ্যেষ্ঠ লোকসকলৰ বাবে নীতি আৰু কাৰ্যসূচীৰ জৰিয়তে এক পূর্ণাংগ তথ্য প্ৰস্তুত কৰিব। যি পৰৱর্তী সময়ত ব্যৱহাৰ কৰা হ'ব।

তেওঁ কয়, ২০১১ বৰ্ষৰ জৰীপ অনুযায়ী, দেশত ষাঠী বছৰৰ উৰ্দ্ধৰ ব্যক্তিৰ সংখ্যা ৮.৬ শতাংশ। ইয়াৰ ভিতৰত কোন কোন বয়স্ক লোক কি ধৰণৰ বার্ধক্যজনিত অসুখত ভুগিছে তাৰো এক সমীক্ষা চলোৱা হৈছে। তেওঁ কয়, বয়স্ক নাগৰিকসকলৰ স্বাস্থ্য সুৰক্ষাৰ বাবে চৰকাৰ বদ্ধপৰিকৰ। আয়ুষ্মান ভাৰত যোজনাৰ জৰিয়তে চিকিৎসা সেৱাৰ প্রসাৰ ঘটোৱা হৈছে।

 ***********

MV/SJ/KG