হকশেল অমসুং য়াইফ-য়ুম্বাল মন্ত্রালয়না এভিয়ান ইনফ্লুএঞ্জানা শোকহল্লবা কেরলাগী অলাপুঝা অমসুং কোত্তায়ম জিলা অমসুং হরিয়ানাগী পঞ্চকুলা জিলাদা মলতি-দিসিপ্লিনরী তীম থাদোকখ্রে।

এনিমেল হসবেন্দরী বিভাগনা জনুৱারি ৪,২০২১দা এভিয়ান ইনফ্লুএঞ্জা (ঐচ.৫.এন.৮.)গী সেম্পল অসি কেরলাগী অলাপুঝা অমসুং কোত্তায়মগী অশিবা ঙানুশিংদগী ফংলে হায়না ফোংদোকখিবনি। মসিগা মান্নবা পাউদম অমসু হরিয়ানাগী পঞ্চকুলা জিলাগী পোলত্রী সেম্পলশিংদগী ফংলে হায়না লাকখিবনি।

নেস্নেল সেন্তর ফোর দিজিজ কন্ত্রোল, নেস্নেল ইন্সতিত্যুৎ ওফ ভাইরোলোজী, পি.জি.আই.এম.ই.আর., চান্দিগরগী অখঙ-অহৈশিং, নই-দিল্লীগী আর.এম.এল. হোস্পিতাল অমসুং লেদী হার্দিঞ্জ মেদিকেল কোলেজকী দাক্তরশিং য়াওবা মলতি দিসিপ্লিনরী তীম অনি অসি লায়না অসিনা শোকহল্লবা জিলাশিং অসিদা হকশেল অমসুং য়াইফ-য়ুম্বাল মন্ত্রালয়না জনুৱারি ৪, ২০২১দা মন্ত্রালয় অসিগী এভিয়ান ইনফ্লুএঞ্জা লাকশিন্নবা থৌরাং অসি থবক ওইনা পাংথোকপদা রাজ্যগী হকশেলগী বিভাগশিংদা তেংবাংনবা হায়দুনা থাদোকখিবনি।

মসিগী অহেনবা ওইনা এন.সি.দি.সি.গী দাইরেক্তর অমসুং ফুদ প্রোসেসিং ইন্দস্ত্রীজ মন্ত্রালয়গী জোইন্ত সেক্রেতরী অমসুং কোবিদ-১৯ নোদেল ওফিসর য়াওবা অৱাংবা থাক্কী তীম অমসু মথক্তা পনখ্রিবা থৌওং অসিগা মরী লৈননা জনুৱারি ৬, ২০২১দা কেরলাদা থাখি। থবকশিং অসিগী অহেনবা ওইনা অৱাংবা থাক্কী তীম অসিনা রাজ্য অসিদা ওইরিবা কোবিদ-১৯গী ফিভমশিংসু য়েংশিনগনি।

এভিয়ান ইনফ্লুএঞ্জাগী মান্নবা পাউদম অমসু রাজস্থানগী ঝালাৱর অমসুং মধ্য প্রদেশকী ভিন্দদগী শন অমসুং মাইগ্রেতরী উচেকশিংগা মরী লৈননা লাকখি। হৌজিক লৈরিবা চৎ-কাঙলোনগী মতুং ইন্না এনিমেল হসবেন্দরী বিভাগনা অয়োকপা উচেকশিংদা হায়রিবা লায়না অসি লৈবরা হায়না কুপথনা য়েংশিন্নবা চেকশিনবগী ৱারোল অমসু থোকখ্রে।

হৌজিক ফাওবগী ওইনদি, মীওইদা এভিয়ান ইনফ্লুএঞ্জা লৈবগী কেসকী পাউদম অমফাওবা লাক্ত্রি। হোংলক্লিবা ফিভম কয়া য়েংশিন্নবা হকশেল অমসুং য়াইফ-য়ুম্বাল মন্ত্রালয়না মীকুপ নাহুম শিংনা লোইরি।

****