ভাৰতত আয়োজিত ৫১সংখ্যক আন্তঃৰাষ্ট্ৰীয় চলচ্চিত্র মহোৎসৱৰ বাবে বিশ্বৰ বিশিষ্ট চলচ্চিত্র নির্মাতাসকলক লৈ আন্তঃৰাষ্ট্ৰীয় জুৰী ঘোষণা কৰা হৈছে। জুৰী বোর্ডৰ অধ্যক্ষৰ দায়িত্ব আর্জেণ্টিনাৰ পাবলো ছিজাৰিচক দিয়া হৈছে। বোর্ডৰ অন্যান্য সদস্যসকল হ’ল-শ্রীলংকাৰ প্রসন্ন ভিথানেজ, অষ্ট্ৰিয়াৰ আবু বকৰ ছাকি, ভাৰতৰ প্রিয়দর্শন আৰু বাংলাদেশৰ ৰুবাইয়াত হোছেইন।

জুৰীৰ বিশিষ্ট ব্যক্তিসকলৰ বিষয়ে

পাবলো ছিজাৰিচ আর্জেণ্টিনাৰ এগৰাকী চলচ্চিত্র নির্মাতা। তেওঁৰ নির্মিত ইকুইনক্স, দ্য গড অফ দা ৰোজেছ, দ্য গড অফ দি পাৰফিউমছ উল্লেখযোগ্য ছবি।

প্রসন্ন ভিথানেজ হ’ল শ্রীলংকাৰ এগৰাকী চলচ্চিত্র নির্মাতা। শ্ৰীলংকাত ৩ডি ছবি নির্মাণৰ ক্ষেত্রত তেওঁৰ ভূমিকা উল্লেখযোগ্য। তেওঁ আঠখন পূর্ণদৈর্ঘ্যৰ ছবি নির্মাণ কৰিছে। ইয়াৰ ভিতৰত ডেথ অন এ ফুল মুন ডে, আগষ্ট চান, ফ্লাৱাৰ্ছ অফ দা স্কাই আদি।

আবু বকৰ ছাকি ইজিপ্সিয়ান-অষ্ট্ৰিয়ান এগৰাকী লেখক আৰু চলচ্চিত্র নির্মাতা। তেওঁৰ নির্মিত প্রথম পূর্ণদৈর্ঘ্যৰ ছবি ইয়োমেদদাইন ২০১৮ চনত কাঁ চলচ্চিত্র মহোৎসৱৰ বাবে মনোনীত হৈছিল৷

ৰুবাইয়াত হোছেইন বাংলাদেশৰ এগৰাকী মহিলা চলচ্চিত্র পৰিচালক, লেখক তথা প্রযোজক। তেওঁৰ নিৰ্মাণ কৰা ছবি মেহেৰজান বাংলাদেশৰ এক বিখ্যাত ছবি৷

প্রিয়দর্শন ভাৰতৰ এগৰাকী ছবি পৰিচালক আৰু প্রযোজক। বিগত তিনি দশকত তামিল আৰু তেলেগুকে ধৰি ভাৰতৰ বিভিন্ন ভাষাত তেওঁৰ ৯৫খন ছবি নির্মাণ কৰিছে৷

*****

Saurabh Singh/DB