زراعت اور کاشتکاروں کی فلاح و بہبود کی وزارت
حکومت اور کسان یونینوں کے درمیان 7ویں دور کی بات چیت آج نئی دلی کے وگیان بھون میں منعقد ہوئی
اگلے دور کے مذاکرات 8 جنوری 2021 کو ہوں گے
Posted On:
04 JAN 2021 8:10PM by PIB Delhi
![](https://static.pib.gov.in/WriteReadData/userfiles/image/image001X8JX.jpg)
زراعت کے مرکزی وزیر جناب نریندر سنگھ تومر ، ریلویز ، کامرس و صنعت اور صارفین کے امور ، خوراک اورعوامی نظام تقسیم کے مرکزی وزیر جناب پیوش گوئل اور کامرس و صنعت کے مرکزی وزیر مملکت جناب سوم پرکاش نے 7ویں دور کی اس بات چیت میں حصہ لیا۔ یہ بات چیت نئی دلی کے وگیان بھون میں آج 41 کسان یونینوں کے نمائندوں کے ساتھ کی گئی۔ میٹنگ کے اختتام پر دو منٹ کی خاموشی بھی اختیار کی گئی ، یہ خاموشی ان لوگوں کے سوگ میں اختیار کی گئی جنہوں نے احتجاج کے دوران اپنی جانیں گنوا دی تھی۔
![](https://static.pib.gov.in/WriteReadData/userfiles/image/image0029UIW.jpg)
جناب تومر نے کہا کہ پچھلی میٹنگوں کے دوران مذاکرات کو ذہن میں رکھتے ہوئے حکومت کسانوں کے معاملات کا کھلے ذہن کے ساتھ حل تلاش کرنے کی پابند ہے۔ دونوں طرفین کو حل تلاش کرنے کی سمت قدم بڑھانے کی ضرورت ہے۔
وزیرموصوف نے کہا کہ کسانوں کی بہبود کو ذہن میں رکھتے ہوئے زرعی قوانین سے متعلق بات چیت مختلف ریاستوں کی سبھی کسان یونینوں کے نمائندوں کے ساتھ بات چیت ہوگی۔ جناب تومر نے یہ بھی کہا کہ زرعی قوانین سے متعلق شقوں کے مطابق مذاکرات، تصفیہ طلب معاملات کے حل کے لیے کیے جا سکتے ہیں۔
آج کی میٹنگ میں دونوں فریقوں نے اپنی رائے کا اظٖہار کیا اور 8 جنوری 2021 کو دوبارہ میٹنگ کرنے کا فیصلہ کیا۔
۔۔۔۔۔۔۔۔۔۔۔۔۔۔۔۔۔
م ن ۔ اس۔ ت ح ۔
U –105
(Release ID: 1686168)
Visitor Counter : 223