সোসিএল জস্তিস এন্দ এম্পাৱরমেন্তগী রাজ্য মন্ত্রী শ্রী কৃষ্ণ পাল গুর্জারনা জনুৱারী ২, ২০২১দা পঞ্জাবকী ভাতিন্দাদা রাস্ত্রিয়া ভয়োশ্রী য়োজনা (আর,ভি.ৱাই)গী মখাদা খঙদোক্লবা সিনিয়র সিতিজেনশিং অমসুং ভারত সরকারগী এ.দি.আই.পি. স্কীমগী মখাদা লৈবা দিব্যাঙ্গজনশিংগী মরক্তা ব্লোক্কী থাক্তা এদ অমসুং এসিস্তিব দিবাইসশিং পীনবা দিস্ত্রিব্যুসন কেম্প অমা ভিদিও কনফরেন্সকী খুত্থাংদা ই-ইনোগ্রেৎ তৌখ্রে।

থৌরম অসিদা ৱা ঙাংলদুনা শ্রী গুর্জারনা প্রধান মন্ত্রীগী লুচিং মখাদা দিব্যাঙ্গজনগী য়াইফনবা থাদরকপা বজেৎ অসি লেপ্তনা হেনগৎহনখি অমদি শীজিন্নবা ঙমখি হায়না ফোঙদোকখ্রে। এসিস্তিব দিবাইসশিং দিব্যাঙ্গজনশিংদা য়েন্থোক্লিবা অসিগী মপুং ওইবা পান্দমদি মখোয়বু থৌনা হাপ্নবা অমদি মখোয়বু খুন্নাইগী মেন স্ত্রীমদা পুশিল্লকপা ঙম্নবনি। দিব্যাঙ্গজন অসি হ্যুমেন রিসোর্সকী মরু ওইবা শরুক অমনি। অসিগুম্বা দিস্ত্রিব্যুসন কেম্পশিং পাঙথোকপগী মথৌ তাবগী মতাংদা ৱা ঙাংলদুনা মন্ত্রীনা হায়খি অসিগুম্বা কেম্পশিং পাঙথোকপনা কেন্দ্র সরকারনা দিব্যাঙ্গজনগীদমক্তা পাইখৎলিবা য়াইফ থৌরাংগী স্কীমগী মতাংদা এৱের্নেস শন্দোকপদা মতেং পাংগনি। মখা তানা শ্রী গুর্জারনা হায়খি রাইৎ তু পর্সন্স ৱিথ দিসএবিলিতীস ২০১৬ ইমপ্লিমেন্ত তৌরবা মতুংদা মীমান্নদ্রবশিংগী কেতগোরীশিং অসি ৭দগী ২১দা হেনগৎখ্রে অমসুং সরকারগী থবক্তা দিব্যাঙ্গজনগী কোতা অসি ৩%দগী ৪%দা হেনগৎহনখ্রে অমসুং হায়র এজুকেসন্দা থম্বা কোতাসু হোজিক্তি ৫%দা হেনগৎহনখ্রে। মহাক্না মখা তারদুনা হায়খি মদুদি না তাদ্রবা অমসুং ৱা ঙাংবা ঙমদ্রবা অঙাংশিংগীদমক্তা কোচলিয়র দিবাইসশিং ইমপ্লান্ত তৌনবা স্কীম মন্ত্রালয়না অসিগুম্বা অঙাং অমমমগী লুপা লাখ ৬কী প্রোবিজনগা লোইননা ইমপ্লিমেন্ত তৌখি।

সোসিএল জস্তিস এন্দ এম্পাৱরমেন্ত মন্ত্রালয়গী এদিস্নেল সেক্রেতরী মিস অপমা শ্রীবাস্তবানা থৌরম অসি ভর্চ্যুএল ওইনা য়াওখি অমসুং ভাতিন্দা জিলাগী মকোক থোংবা ওফিসিএলশিংনা থৌরম মফমদা মশা লাক্তুনা য়াওখি। লেফতনেন্ত কর্নেল পি কে দুবে, জি.এম.না এ.এল.আই.এম.সি.ও.গী মীহুৎ ওইখি অমদি কানপুরদগী এ.এল.আই.এম.সি.ও.গী হেদ ওফিসতগী থৌরম অসি ভর্চ্যুএল ওইনা য়াওখি।

ভাতিন্দা জিলাগী অপুনবা বেনিফিসরীশিংগী মশিং ১৯০৭দা লুপা লাখ ১৬২.৪৭রোমগী ওইগদবা তোঙান তোঙানবা কেতগোরীগী এসিস্তিব এপ্লাইয়েন্স মশিং ৪৫৯০ পীগনি, হায়রিবা এসিস্তিব দিবাইসশিং অসি ব্লোক্কী থাক্তা দিস্ত্রিব্যুসন কেম্পশিং মথং-মথং পাঙথোক্তুনা মখোয়দা য়েন্থোক্কনি। অপুনবা বেনিফিসরীশিংগী মরক্তা দিব্যাঙ্গজন ৫৬৪দি এ.দি.আই.পি. স্কীমগী মখাদা লৈ অমসুং সিনিয়র সিতিজেন বেনিফিসরী ১৩৪৩না রাস্ত্রিয়া ভয়োশ্রী য়োজনাগী মখাদা লৈ। সিনিয়র সিতিজেন বেনিফিসরীশিং খঙদোকপা অমসুং রেজিস্ত্রেসন অসি ২০১৮ঈ জনুৱারী থাদা তৌখি অমসুং দিব্যাঙ্গজনগী এসেসমেন্ত কেম্পশিংনা হৌখিবা চহিগী জনুৱারীদা এ.এল.আই.এম.সি.ও.না পাঙথোকখি।

তোঙান তোঙানবা ব্লোকশিংদা য়েন্থোকখিবা এদশিং অমসুং এপ্লাইয়েন্সশিংগী অপুনবা মশিং অদুদা ত্রাইসাইকল ১৩৮, হ্বীল চিয়র ৭৩৪, সি.পি. চিয়র ১৫, ক্রৎচেস ১৯৯, ৱাকিং স্তিক ১৩০৫, রোল্লাতর ১৫, স্মার্ত কেন ১৮, স্মার্ত ফোন ০৭, দেজী প্লেয়র ০৬, মী উদ্রবশিংগী ব্রেল কিৎ, হিয়রিং এদ ১৮৪৩, ইন্তেলেকচ্যুএলী ইম্পিয়র্দ ওইবশিংগী এম.এস.আই.ই.দি. কিৎ ৪৫ অমসুং তেত্রাপোদ/ত্রাইপোদ অমসুং আর্তিফিসিএল লিম্ব ১০৬ অমসুং কেলিপরশিং য়াওখি।

কেম্প অসি সোসিএল জস্তিস এন্দ এম্পাৱরমেন্ত মন্ত্রালয়গী দিপার্তমেন্ত ওফ এম্পাৱরমেন্ত ওফ পর্সন ৱিথ দিসএবিলিতী (দি.ই.পি.দবল্যু.দি.)গী লুংচিং মখাদা কানপুরগী এ.এল.আই.এম.সি.ও.না ভাতিন্দাগী সোসিএল ৱেলফিয়র বিভাগ অমসুং দিস্ত্রিক্ত এদমিনিস্ত্রেসনগা লোইননা পাঙথোকখিবনি। কোবিদ-১৯ লাইচৎ লৈবনা মরম ওইরগা মন্ত্রালয়না থোকপা অনৌবা স্তেন্দর্দ ওপরেতিং প্রোসিজর (এস.ও.পি.)গী মতুং ইন্না কেম্প অসি পাঙথোকখি। এদশিং অমসুং এসিস্তিব দিবাইসশিং য়েন্থোক্লিঙৈ মনুংদা কোবিদ ১৯ শন্দোরকপা য়াবা পুম্নমক লাকশিন্নবা ভারত সরকারা থোকখিবা গাইদলাইনশিং মপুং ফানা ঙাক্তুনা য়েন্থোকপগী থৌরম অসি পাঙথোকখি। সোসিএল দিস্তেন্সিং থম্বা, মীওই অমমমগী থর্মেল স্ক্রীনিং তৌনবগী শিল-লাংবা, মাই মপুং ফানা খুম্বা, বেনিফিসরীশিং রীচ আউৎ তৌগদবা প্রোফেস্নেলশিংদা পি.পি.ই. কিৎশিং শীজিন্নবগী সেনিতাইজেসন তৌবা।

*****