য়ুনিয়ন হোম মিনিস্তর শ্রী অমিত শাহনা ঙসি নই দিল্লীদা “নেস্নেল পুলিস কে-৯ জর্নেল” অহানবা হৌদোকপগী ইশু ফোংখ্রে। মসি লৈবাক অসিগী অহানবা পুলিস সর্বিস কে-৯ (পি.এস.কে.) মদুদি পুলিসকী হুইশিং ফোংবনি। থৌরম অসিদা য়ুনিয়ন হোম সেক্রেতরী শ্রী অজয় ভাল্লা, সেন্ত্রেল আর্ম পুলিস ফোর্স (সি.এ.পি.এফ.)কী দাইরেক্তরস জেনেরেল অমসুং ফোর্সশিংদী মকোক থোংবদা লৈবা রেঙ্ক ওফিসর, মসিদা লৈবাক অসিদা লৈরিবা সি.এ.পি.এফ.কী পর্সোন্নেলশিংনা ভর্চুএল ওইবা কনফরেন্স অসিদা শরুক য়াখি। 

শ্রী অমিত শাহনা হায় মদুদি, “মসি য়াম্না অখন্নবা অমা ওইনা লৈবাক অসিদা পুলিস সর্বিস কেনাইন (কে-৯) (পি.এস.কে.)তীমগা মরী লৈনা মখা তানা হেন্না ফগৎহন্না খোঙথাং অমনি”। য়ুনিয়ন হোম মিনিস্তরনা মখা তানা হায় মদুদি নেস্নেল সেক্যুরিতি অসি খুৎকনবা অমনি অমসুং ঐখোয়গী সরকার অসিনা থম্মোয় শেংনা চপ মান্নবা থৌদাং খুদিং সেক্যুরিতিগা মরী লৈনবশিং অসিদা পীরি। পুলিসকী ওইবা হুইগী স্কাদনা ফোর্স হেনগৎহন্দুনা সমাজ অসিদা তেক্ত-কাইদনবগী থাজবা পীরি। মখোয়না দ্রগ অমসুং তেরোরিস্তকী লান্দারকপা থিদোকপদা শিজিন্নবা ঙমগনি হায়রিবা অসি দ্রোন অমসুং সেত্তেলাইত অসিগুম্বনি”। অমিত শাহনা মখা তানা হায় মদুদি “মখোয়না দ্রগ অমসুং তেরোরিস্তকী লান্দারকপা থিদোকপদা শিজিন্নবা ঙমগনি”।

য়াম্না অখন্নবা ‘পুলিস কে৯ সেল’ অমা হোম এফিয়র্স মিনিস্ত্রীগী পুলিস মোদর্নাইজেসন দিবিজনগী মখাদা ২০১৯গী নবেম্বরদা হৌদোকখি  ‘মেনস্ত্রীমিং অমসুং ওকমেন্তেসন ওফ পুলিস সর্বিস কে৯ ইন দ কন্ত্রী’। পুলিস সর্বিস কে৯ জর্নেল পুথোকপা অসিনা লৈবাক অসিদা অমগা অমগা শম্ননবা খোঙথাং অমনি। জর্নেল অসি হিন্দি অমসুং ইংলিস অনিদা তোঙান তোঙানবা সেক্সন্দা শেম্লি। ফোর্স পর্সোন্নেল খক্তা নত্তনা মমিং লৈরবা মপাল লমগী এক্সপার্ত খরনা মখোয়গী আর্তিকলশিং মতেং তৌরকখি। মসি চহি খুদিংগী এপ্রিল অমসুং ওক্তোবর থাদা অনিরক ফোংগদবনি।

*****