ভারতনা কোবিদ-১৯ লাইচৎ অসিগী মায়োক্তা লান্থেংনবদা মখল কয়াগী পন্দুম য়ৌবা ঙমখ্র। লৈবাক অসিনা কোবিস-১৯গী বেক্সিন পুথোক্নবা শেম-শারিবা অসিদা কেন্দ্রগী হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দবল্যু.)না কোবিদ-১৯ বেক্সিন পুথোক্নবা শেম-শারিবা অসি য়েংশিন্নবা রাজ্যশিং/য়ু.তি.শিং অমসুং অতোপ্পা স্তেকহোল্দরগা লোইননা চুংশিন্নদুনা হোৎনবা ঙমহন্নবা হৌখিবা থা খরা অসিদা মসি পুথোক্নবা প্রো-এক্তিব ওইনা য়াওশিনখি।

লৈবাক শিনবা থুংনা চাউনা এক্সর্সাইজ অমদা ঙসি বেক্সিন কাপ্পগী এন্দ-তু-এন্দ মোক দ্রিল অমা রাজ্য অমসুং য়ু.তি. পুম্নমক্কী জিলা ১২৫ শিনবা থুংনা সেসন সাইৎ ২৮৬তা ঙসি পাঙথোকখি। জিলা অমমমনা পব্লিক হেল্থ ফেসিলিতী (দিস্ত্রিক্ত হোস্পিতাল/মেদিকেল কোলেজ), প্রাইবে* হেল্থ ফেসিলিতী, অমসুং রুরেল নত্ত্রগা অর্বান আউৎরীচ সাইৎশিং য়াওনা সাইৎ অহুম নত্ত্রগা অহুমদগী হেনবদা দ্রাই রন পাঙথোকখি। ওপরেস্নেল গাইদলাইনশিং অমসুং দ্রাই-রন পাঙথোক্নবগীদমক্তা রাজ্য অমসুং দিস্ত্রিক্ত ওফিসিএল পুম্নমক ত্রেন তৌখ্রে। দ্রাই রন অসিনা হেল্থ সিস্তেমদা কোবিদ-১৯ বেক্সিনেসন তৌবগী মেকানিজমশিং অসি চাংয়েং তৌবা অমসুং ব্লোক, জিলা অমসুং রাজ্যগী থাক্তা কো-ৱিন এপ্লিকেসন অসি প্লানিং, ইমপ্লিমেন্তেসন অমসুং রিপোর্ত তৌনবগী ফিল্দ এনভাইরনমেন্তদা শিজিন্নবগী ওপরেস্নেল ফীসিবিলিতী একসেস তৌনবা পান্দমদা পাঙথোকখি। দ্রাই রন অসিনা কোবিদ-১৯ রোল আউৎকী হিরম পুম্নমক্তা রাজ্য, জিলা, ব্লোক অমসুং হোস্পিতালগী থাক্কী ওফিসরশিংদা হেন্না খঙহৌনবা পাঙথোকপনি।

রাজ্যশিং/য়ু.তি.শিংনা লেপ্পা নাইদবা মওংদা লৈবাক শিনবা থুংনা অয়ুক পুং ৯দগী দ্রাই রন পাঙথোকখ্রে। বেনিফিসরীগী দেতা অপলোদ তৌবদগী হৌরগা সেসন সাইৎকী এল্লোকেসন অমসুং মাইক্রো প্লানিং, বেক্সিন এল্লোকেসন, সেসন সাইৎ মেনেজমেন্ত লোইননা তেস্ত বেনিফিসরীশিং, মেকানিজম রিপোর্ত তৌবা হায়রিবা থবক-থৌরমশিং অসি নোংমগী ওইবা দ্রাই রন অসি পাঙথোক্তুনা তশেংনা নুমিৎ অদুদা তৌগদবা মওং অদুদা চত্থখি। সেসন সাইৎ পুম্নমক্তা এদভর্স ইভেন্তস ফোলোৱিং ইম্ম্যুনাইজেসন (এ.ই.এফ.আই.) অমা হেক্তা য়েংশিন্নবা শেম-শারিবা অমসুং কোল সেন্তরশিংগী মথৌ তৌবগী মওং অদুসু চাংয়েং তৌখি।  দ্রাই রন অসি দিস্ত্রিক্ত কল্ল;একতরশিংনা সুপর্ভাইজ তৌখি। দ্রাই রন অসি নুমিৎ অসিদা থেংনখিবা সমস্যাশিং অমসুং শিংনবশিং অসি জিলা অমসুং রাজ্য থাক্তা মীফমশিং পাঙথোক্তুনা দেব্রিফিং তৌদুনা লোইশিনখি। এম.ও.ঐচ.এফ.দবল্যু.না রাজ্যশিংগা নুমিৎ চুপ্পা পাও ফাওনদুনা মখোয়গী এক্সপিরিয়েন্স অদুগী মতাংদা ফীদবেক লৌখি। রাজ্যশিং/য়ু.তি.শিংনা ওপরেস্নেল প্রোসেস অমসুং মখোয়গা কো-ৱিন সোফৱেয়রগী লৈনরিবা মরীশিং য়াওরিবা দ্রাই রন  মাই পাক্না পাঙথোকখিবা অসিনা মপুং ফানা অপেনবা ফোঙদোকখি।

এম.ও.ঐচ.এফ.দবল্যু.না বেক্সিনগী স্তোকশিং, মখোয়গী থম্বগী তেম্পরেচর অমসুং কোবিদ-১৯ বেক্সিনগী বেনিফিসরীশিং অমমমতগী ওইনা ত্রেক তৌবনবগীদমক্তা কো-ৱিন সোফৱেয়র দেবেলপ তৌখি। সোফৱেয়র প্রি-রেজিস্তর বেনিফিসরীশিংগী ওতোমেতেদ সেসন এল্লোকেসন তৌবগী খুত্থাংদা থাক পুম্নমক্তা প্রোগ্রাম মেনেজরশিংদা সোফৱেয়র অসিনা মতেং পাংগনি, মখোয়গী বেরিফিকেসন অমসুং দিজিতেল সর্তিফিকেৎ অমা বেক্সিন সেদ্যুল মাই পাক্না তৌরবা মতুংদা জেনরেৎ তৌগনি।  ঙসি ফাওবদা কো-ৱিন সোফৱেয়রদা বেনিফিসরী লাখ ৭৫কী মথক্তা রেজিস্তর তৌখি।

লৈবাক শিনবা থুংনা তেম্পরেচর কন্ত্রোল তৌবা এনভাইর্নমেন্ত অমদা কোবিদ-১৯ বেক্সিন মীপুম খুদিংমক য়ৌহন্নবা কোল্দ চেন ইনফ্রাস্ত্রকচর অসি মরাং কাইনা লৈরে। কোবিদ-১৯ বেক্সিনেসন দ্রাইফ হৌবা য়াহন্নবা সীরিঞ্জশিং অমসুং অতোপ্পা লোজিস্তিক্সশিংগী সপ্লাইশিং মরাং কাইনা পীখ্রে। বেনিফিসরীগী বেরিফিকেসন, বেক্সিনেসন, কোল্স চেন অমসুং লোজিস্তিক্স মেনেজমেন্ত, বাইও-মেদিকেল ৱেস্ত মেনেজমেন্ত, এ.ই.এফ.আই. মেনেজমেন্ত অমসুং কো-ৱিন সোফৱেয়রদা ইনফোর্মেসন অপলোদ তৌবা য়াওনা বেক্সিনেসন সাইৎশিংদা পাঙথোক্কদবা প্রোসেসকী মতাংদা বেক্সিনেতর ১,১৪,১০০রোম ত্রেন তৌখ্রে।

ওপরেস্নেল প্লানিং অমসুং আই.তি. প্লেৎফোর্ম অসি অন্ধ্র পজরদেশ, অসাম, পঞ্জাব অমসুং গুজরাত য়াওনা রাজ্য মরিদা দিসেম্বর ২৮ অমসুং দিসেম্বর ২৯’২০দা ফিল্দদা তেস্ত তৌখ্রে; অমসুং লাকখিবা ফীদবেক্তা য়ুম্ফম ওইরগা আই.তি. সিস্তেম অসিদা অপিকপা হিরমশিং ফগৎহনখি।

দ্রাই রন পাঙথোকখিবা রাজ্যশিং অমসুং সাইৎশিংগী অকুপ্পা মরোল মখাদা পীরি:

*****