অনৌবা চহি ২০২১ লাকপদা ভারতকী রাস্ত্রপতি, শ্রী রাম নাথ কোবিন্দনা লৈবাক মীয়ামদা মহাক্কী য়াইফ-পাউজেল পীখ্রে।

পাউজেল অমদা রাস্ত্রপতিনা হায়খি, “ অনৌবা চহি লাকপগী থৌরমদা, ভারত অমসুং মপান লৈবাকশিংদা লৈরিবা ঐখোয়গী নুংশিরবা মীয়ামদা ঐনা থম্মোয় শেংনা তরাম্না ওকচরি অমসুং ঐগী য়াইফ-পাউজেলশিং পীজরি।

অনৌবা চহি লাকপা খুদিং অনৌবা খোঙচৎ অমা হৌনবা খুদোংচাবা অমা পীরে অমসুং লনাই ওইনা অমসুং অপুনবগী ওইনা চাউখৎনবা ঐখোয় ৱারেপ লৌরসি।

কোবিদ-১৯গী অৱাবা ফিবমদগী লিৎথোরক্লবা অৱাবা তানফম অসি অপুনবা ওইনা ঐখোয় মাঙলোমদা চঙশিন্নবা হোৎনবা মতম অমনি। তোখাইবা কয়ানা শেমগৎপা অপুনবগী শক্তমদা থম্লিবা ঐখোয়গী থাজবা অসি হেন্না মপাঙ্গল কনখৎহন্নবা কলচরগী গুনশিং হেন্না কনখৎহন্নবা হোৎনবা মতম অমনি।

অনৌবা চহি ২০২১ লাকপগা লোয়ন্না নুংশিনবা, মীনুংশি খঙবা, খাংবা কনবা, শান্তি অমসুং অফবা ৱাখল্লোনগী থৌনাগা লোয়ন্না অপুনবা খুন্নাই অমা শেমগৎনবা মাইকৈদা ঐখোয় পুন্না থবক তৌমিন্নরসি।

ময়াম পুম্নমক অশোয়-অঙাম থোক্তনা অমসুং হকচাং ফনা লৈবা ওইরসনু অমসুং ঐখোয়গী লৈবাক চাউখৎনবা থম্লিবা পান্দম ফংনবা অনৌবা থৌনাগা লোয়ন্না মাঙলোমদা চঙশিল্লসি”।

******