১৯৭১গী দিসেম্বরদা, ইন্দিয়ন আর্ম্দ ফোর্সেসনা পাকিস্তান আর্মীগী মায়োক্তা মরু ওইবা অমসুং ইতিহাসতা মমীং লৈহৌরগদবা লানদা মায়পাকপা ঙমখি, মসিনা মরম ওইরগা বাংলাদেশ হায়রিবা অনৌবা লৈবাক অসি শেমখি অমসুং অনিশুবা ৱার্ল্দ ৱারগী মতুংদা মিলিতরীগী ওইবা খ্বাইদগী চাউনা খুৎলাই থাদোকপা ওইখি। দিসেম্বর ১৬তগী, লৈবাক অসিনা ইন্দো-পাক লানগী ৫০শুবা কুমওন থৌরম, ‘স্বর্নিম ৱিজয় ৱর্স’ হায়নসু মীংথোনবা অসিগী সেলেব্রেশন পাংথোক্লগনি। অসিবু নিংশিংবা ওইনা থৌরম কয়া অমা লৈবাক পুম্বদা মখল মথেনগী থৌরম কয়া পাংথোক্লনি।

অসিগী ইনোগরেল থৌরম অসি হয়েং নই দিল্লীদা নেস্নেল ৱার মেমোরিয়েল (এন.দবল্যু.এম.)দা পাংথোক্লগনি, মসিদা  প্রধান মন্ত্রী, শ্রী নরেন্দ্র মোদীনা শরুক য়াগনি। মফম অসিদা প্রধান মন্ত্রী, শ্রী নরেন্দ্র মোদীনা মফম অদুদা য়ৌরকপদা রক্ষা মন্ত্রী, শ্রী রাজনাথ সিংনা মহাকপু ওক্কনি।

প্রধান মন্ত্রী, চীফ ওফ দিফেন্স স্তাফ অমসুং ত্রাই-সার্বিস চীফশিংনা লৈ-পরেং কৎকনি অমসুং থৱায়না পোন্থা ওইখ্রবা লান্মীশিংদা ইকাইখুম্নবা উৎকনি। প্রধান মন্ত্রী, শ্রী নরেন্দ্র মোদীনা থৌরম অসিদা এন.দব্লু.এম.গী শেংলবা মৈদগী মৈ লৌরগা ‘স্বর্নিম ৱিজয় মশাল’ চুখৎকনি। এন.দব্লু.এম.গী শেংলবা মৈদগী মৈ লৌরগা মায়পাকপগী মশাল মরি চুখৎকনি। মৈরাশিং অসি লৈবাক অসিগী তোঙান-তোঙানবা মফমদা পুরগা চৎকনি, মসিদা ১৯৭১গী লানগী পরম ৱির চক্র অমসুং মহা ৱির চক্র মনা ফংখ্রবশিংগী খুঙ্গংসু য়াওগনি। মসিগী মনা ফংখ্রবশিং অসিগী খুঙ্গং অমসুং ১৯৭১গী লানদা মরু ওইবা লানশিং শোক্নখিবা মফমশিং অদুদগী লৈবাক অদু এন.দব্লু.এম.দা পুরকখি।

মসি নিংশিংবা ওইনা তোঙান-তোঙানবা থৌরম কয়া অমা লৈবাক শিনবা থুংনা পাংথোক্লগনি, মসিদা ৱার ভেতরানশিং অমসুং থৌনা ফরবী নুপীশিংবুসু ইকাইখুম্নবা উৎকনি অমসুং মসিদা বেন্দ উৎপা, সেমিনারশিং, এক্সিবিশনশিং, খুৎলাই উৎপা, ফিল্ম ফেস্তিবলশিং, কনক্লেভ অমসুং এদভেঞ্চর এক্তিভিতীশিংগুম্বা থৌরমশিং থৌরাং তৌরি।

রক্ষা রাজ্য মন্ত্রী, শ্রী শ্রিপদ য়েস্সো নায়ক অমসুং মিনিস্ত্রী ওফ দিফেন্সকী অতোপ্পা সেনিয়র সিভিল অমসুং মিলিতরী ওফিসিয়েলশিংসু থৌরম অসিদা শরুক য়াগনি।

*****