শেনমিৎলোন্দা মন্ত্রীমন্দলগী মীফম (সি.সি.ই.এ.)

মন্ত্রীমন্দলনা সি.বি.আই.সি.গী মখাদা কৃষ্ণাপত্তনম অমসুং তুমকুরদা ইন্দস্ত্রীএল কোরিদোর নোদশিংগী অয়াবা পীখ্রে

গ্রেতর নোইদাদা মল্তি মোদেল লোজিস্তিক হব & মল্তি মোদেল ত্রান্সপোর্ত হব (এম.এম.তি.ঐচ)সু অয়াবা পীখ্রে
অয়াবা পীরবা প্রপোজেলশিংগী হোৎতোক্লবা শেনফম লুপা করোর ৭,৭২৫নি অমসুং লাখ ২.৮দগী হেনবা মীয়ামদা থবক পীগনি হায়না পারি
ইন্দস্ত্রীশিংগীদমক্তা মগুন লৈবা, থাজনীংঙাই ওইবা, অহোংবা অমসুং হান্নগী ফিভমদা হঞ্জিনবা ঙম্বা ইনফ্রাস্ত্রকচর ফংহন্দুনা লৈবাক অসিদা মেন্যুফেকচরিং ইনভেস্তমেন্ত লাইথোকহল্লগনি

ইনভেস্তমেন্ততা পুক্নীং চিংশিন্নবা শহরশিংদা খুদক্কী ওইনা শেমগৎপা লেন্দ য়েন্থোকপগা লোইননা ভারত অসি গ্লোবেল ভেল্যু চেনশিংদা অচেৎপা প্লেয়র ওইনা শেমগৎকনি
অয়াবা পীরবা প্রপোজেলশিং অসিদগী লোজিস্তিক্কী অচংবা হন্থদুনা অমসুং পেসেঞ্জরশিংগীদমক্তা রেল, শরক অমসুং এম.আর.তি.এস. কনেক্তিবিতীগা লোইননা এপরেস্নেল ইফিসিএন্সী ওইহন্দুনা “আত্মনির্ভর ভারত” অমসুং “মেক ইন ইন্দিয়া”দা খোংজেল য়াংশিল্লগনি

Posted On: 30 DEC 2020 3:47PM by PIB Imphal

প্রধান মন্ত্রী শ্রী নরেন্দ্র মোদীগী লুচিং মখাদা ইকোনোমিক এফিয়র্সকী মন্ত্রীমন্দলগী কমিতীনা তোঙান তোঙানবা ত্রঙ্ক ইনফ্রাস্ত্রকচরগী মচাকশিং শেমগৎনবগীদমক দিপার্তমেন্ত ওফ প্রমোসন ওফ ইন্দস্ত্রী & ইন্তর্নেল ত্রেদ (দি.পি.আই.আই.তি.)গীদমক পুখৎলকপা ৱাফমশিংদা অয়াবা পীখ্রেঃ

অ. আন্ধ্র প্রদেশতা কৃষ্ণাপত্তনম ইন্দসত্রিএল এরিয়াদা লুপা করোর ২,১৩৯.৪৪গী হোৎতোক্লবা প্রোজেক্তকী চংগদবা শেনফম;

আ. কর্নাতক্তা তুমকুর ইন্দস্ত্রীএল এরিয়াদা লুপা করোর ১,৭০১.৮১গী হোৎতোক্লবা চংগদবা শেনফম;

ই. উত্তর প্রদেশতা লুপা করোর ৩,৮৮৩.৮০গী হোৎতোক্লবা শেনফম্না গ্রেতর নোইদাদা লৈবা মল্তি মোদেল লোজিস্তিক্স হব (এম.এম.এল.ঐচ.) অমসুং মল্তি মোদেল ত্রান্সপোর্ত হব (এম.এম.তি.ঐচ.) শেমগৎপা।

পোর্তশিং, এয়রপোর্তশিং অসিনচিংবদা শম্নরিবা ইস্তর্ন এন্দ ৱেস্তর্ন দেদিকেতেদ ফ্রেত কোরিদোরশিং, এক্সপ্রেসৱেশিং অমসুং নেস্নেল হাইৱেনচিংবা অচৌবা ত্রান্সপোর্তেসন কোরিদোরশিংগী মতুং ইন্না ইন্দস্ত্রীএল কোরিদোর প্রোগ্রামগী পান্দম অসি ইন্দস্ত্রীশিংবু মগুন লৈবা, থাজনীংঙাই ওইবা অহোংবা অমসুং হান্নগী ফিভমদা হঞ্জিনবা ঙম্বা ইনফ্রাস্ত্রকচর ফংহন্দুনা লৈবাক অসিদা মেন্যুফেকচরিং ইনভেস্তমেন্ত লাইথোকহন্নবগীদমক্তা অহোংবা, ‘প্লগ এন প্লে’, আই.তি.সি ইনেবল য়ুতিলিতীশিং য়াওরবা গ্রীনফিল্দ ইন্দস্ত্রীএল সিতীশিং শেমগৎপনি।

মল্তি মোদেল কনেক্তিবিতী ইনফ্রাস্ত্রকচরগী মতুং ইন্না প্রোজেক্তশিং অসিগী থৌরাং তৌখিবনি। চেন্নৈ বেঙ্গলুরু ইন্দস্ত্রীএল কোরিদোর প্রোজেক্ততা চাউখৎ-থৌরাং হৌরদুনা চেন্নৈ বেঙ্গলুরু ইন্দস্ত্রীএল কোরিদোর (সি.বি.আই.সি.)গী মনুংদা আন্ধ্র প্রদেশতা কৃষ্ণাপত্তনম ইন্দস্ত্রীএল এরিয়া অমসুং কর্নাক্তা তুমকুর ইন্দস্ত্রীএল এরিয়াদা অয়াবা পীখ্রে।

প্রোজেক্তশিং অসিদগী ইন্দস্ত্রিএলাইজেসনগী থোংদা মশিং য়াম্না থবক পীবগা তাঞ্জা শেম্লগনি। কৃষ্ণাপত্তনম নোদকীদমক্তা, আহানবা তাঙ্কক্কী চাউখৎ-থৌরাং মপুং ফাবদা মীওই ৯৮,০০০গীদমক্তা থবপ পীবা ঙম্বগী পানরি, মসিদা মীওই ৫৮,০০০ মফম অদুমক্তদা থবক ফংবগী ওইথোকপা লৈ। তুমকুর নোদকীদমক্তা, চাউরাক্না মীওই ৮৮,৫০০না থবক ফংগনি পানরি, মদুদা মীওই ১৭,৭০০না চাউখৎ-থৌরাং হৌরকপগী অহানবা তাঙ্কক্তা রিতেল, ওফিসশিং অমসুং অতৈ কমর্সিএলগী খুদোংচাবশিংদা থবক ফংগনি।

গ্রেতর নোইদা, উত্তর প্রদেশতা মল্তি মোদেল লোজিস্তিক হব (এম.এম.এল.ঐচ.) অমসুং মল্তি মোদেল ত্রান্সপোর্ত হব (এম.এম.তি.ঐচ) প্রোজেক্তশিং অসি ইস্তর্ন পেরিফেরেল এক্সপ্রেসৱে, এন.ঐচ. ৯১, নোইদা-গ্রেতর নোইদা এক্সপ্রেসৱে, য়মুনা এক্সপ্রেসৱে, ইস্তর্ন এন্দ ৱেস্তর্ন দেদিকেতেদ ফ্রেত কোরিদোরশিংগী মনাক্তা লৈ। লোজিস্তিক হক প্রোজেক্ত অসি ৱর্ল্দ-ক্লাস ফেসিলিতী ওইনা শেমগৎকনি, মসিদা মতিক চাবা স্তোরেজ/ত্রাঞ্জিস্নিং অমসুং দেদিকেতেদ ফ্রেত কোরিদোর্স (দি.এফ.সি.)দা/দগী পোৎ পুথোক পুশিন তৌবগী খুদোংচাবা ফংগনি। সেন্তর অসিদা শুপ্নগী স্তেন্দর্দ কন্তেনর হেন্দলিং এক্তিবিতীশিং ফংহনবতা নত্তনা ওপরেসনশিংগী হেন্না ফবা তৌবা ঙমবশিংগা লোইননা লোজিস্তিক্কী অচংবা হন্থহন্নবগীদমক্তা তোঙান তোঙানবা ভেল্যু-এদেদ সর্বিসশিংসু ফংগনি।

হান্নদগী হৌনা ইন্দিয়ন রেলগী বোরাকী রেলৱে স্তেশনগী মনাক্তা লৈবা মল্তি মোদেল ত্রান্সপোর্ত হব (এম.এম.তি.ঐচ.) প্রোজেক্ত অসি সীমলেস ওইবা মওংদা পেসেঞ্জরশিংগী রেল, শরক অমসুং এম.আর.তি.এস. ফাওবা য়ৌশিনবা ঙমহনবগা লোইননা ত্রান্সপোর্ত হব ওইনা থবক তৌগনি। এম.এম.তি.ঐচ.তা ইন্তর্ স্তেৎ বস তর্মিনেল (আই.এস.বি.তি.), লোকেল বস তর্মিনেল (এল.বি.তি.), মেত্রো, কমর্সিএল, রিতেল অমসুং হোতেল স্পেস অমসুং গ্রীন ওপন স্পেসশিং ফংহনগনি। প্রোজেক্ত অসি উত্তর প্রদেশতা তুংলমচৎতা ওইরক্কদবা চাউখৎ-থৌরাং, এন.সি.আর.গী সব-রিজন অমসুং মী য়াম্না চিনবা দিল্লীদা সর্বিসশিং ফংহল্লিবা মফমশিংদা খোংজেল য়াংনা হেনগৎলক্লিবা মীয়ামদা ৱর্ল্দ-ক্লাস পেসেঞ্জর মুবমেন্ত ফংহনগনি। প্রোজেক্ত অনি অসিদগী ২০৪০ ফাওবদা মীওই ১,০০,০০০ রোমগীদমক থবক পীবগী থাজবা অমসুং অকোইবগী মফমশিংদা চাউখৎ—থৌরাংগী তাঞ্জা পীবদা মসিনা কান্নবা মওংদা শাফু পীরগনি।

***



(Release ID: 1684773) Visitor Counter : 2