খাদি অমসুং ভিলেজ ইন্দস্ত্রীজ কমিশন (কে.ভি.আই.সি.)না কোবিদ-১৯গী মতম অসিগী মনুংদা জম্মু অমসুং কাশমিরদা লৈরিবা খাদি আর্তিসানশিংদা অখন্নবা মীৎয়েং থমখ্রে। অমরোমদা কে.ভি.আই.সি.না লৈবাক শিনবা থুংনা সস্তেনেবল এমপ্লোইমেন্ত লৈহন্নবগীদমক্তা ৱাবা খঙদনা থবক তৌখি, মখোয়না জে. অমসুং কে. খক্তদা চিংগী লমশিংদা লৈবা খাদি ইন্সতিত্যুশনশিংদা লুপা করোর ২৯.৬৫ থাধখ্রে,  হাবরিবা অসি কেন্দ্র সরকারনা মীৎয়েং থমদুনা লাক্লিবা হিরমনি।

মসিগী শেনফম অসি জে. অমসুং কে.দা লৈবা খাদি ইন্সতিত্যুশন ৮৪দা ২০২০গী মেদগী ২০২০গী সেপ্তেম্বর ফাওবগী থাধখিবনি, মসিনা মসিগী ইন্সতিত্যুশনশিং অসিগা মরী লৈনবা খাদি আর্তিসান ১০,৮০০দা কান্নহল্লি। শেলগী মতেং অসি পোত্থোক পুথোকপগী থবক-থৌওশিংগা হকথেংননা মরী লৈনবা কে.ভি.আই.সি.গী মোদিফাইদ মার্কেত্তিং দিবেলপমেন্ত এসিস্তেন্স (এম.এম.দি.এ.)গী মখাদা পীখিবনি। মসিগী স্কীম অসিগী মখাদা, শেল অদু দি.বি.তি.গী খুত্থাংদা আর্তিসানশিংগী বেঙ্ক একাউন্তশিংদা ত্রান্সফর তৌই।

কোবিদ-১৯গী লোকদাউন তৌরিঙৈ মতমদা, অখন্নবা দ্রাইব অমসু তেক্নিকেলগী ওইবা মরম কয়া অমনা মরম ওইরগা পেন্দিং লৈখিবা ২০১৬-১৭দগীনা ২০১৮-১৯ ফাওবগী মরী লৈনবা জে. অমসুং কে. খাদি ইন্সতিত্যুশনশিংগী অরিবা এম.এম.দি.এ. ক্লেম ৯৫১ লোইশিন্নবা কে.ভি.আই.সি.না হৌদোকখি।

কে.ভি.আই.সি.গী চেয়রমেন, শ্রী ৱিনয় কুমার সক্সেনানা মসিগী অখন্নবা দ্রাইব অসিগী খুত্থাংদা হায়খি মদুদি খাদি ইন্সতিত্যুশন ৮৪দা থাদোকখিবা লুপা করোর ২৯.৬৫গী পেমেন্ত অসি জে.আমসুং কে.দা লৈবা আর্তিসানশিংগী ইমুং ১০,৮০০দা কান্নবা পীখি, মসিনা শোত্থরবা সেক্সন খুদিংমক্কী “আত্মানির্ভর” ওইহন্নবগী প্রধান মন্ত্রীগী মঙলান অদু হেন্না মপাঙ্গল কনখৎহল্লি।

“খাদি ইন্সতিত্যুশনশিং অমসুং আর্তিসানশিংদা এম.এম.দি.এ. স্কীম অসিগী খুত্থাংদা শেলগী মতেং ফংহনবদা নত্তনা, কে.ভি.আই.সি.না খাদি ফেস মাস্কশিং তুনবা জম্মু, উধমপুর, পুলৱামা, কুপৱারা অমসুং আনন্তনাগতা লৈবা সেল্ফ-হেল্ফ গ্রুপশিংদা থবক তৌরিবা নুপী আর্তিসানশিং লিশিং কয়া শরুক য়াহল্লি। চাউরাক্না খাদি ফেস মাস্ক লাখ ৭ হায়রিবা নুপীশিং অসিনা তুখ্রে অমসুং জে.আমসুং কে.গী সরকারদা সপ্লাই তৌখ্রে,” হায়না সক্সেনানা হায়খি।

হৌজিক, জে.অমসুং কে.দা খাদি ইন্সতিত্যুশন ১০৩ থবক তৌরি. মসিগী মনুংদা ১২ অমদি মরু ওইনা কাশমিরগী মালেম শিনবা থুংনা মমীং লৈরবা পাশমিনা শোলশিংগী পোত্থোক পুথোক পুথোকপদা থবক তৌরি। মসিগী শোলশিং অসিগী ৬০%দি সাউথ কাশমিরগী রিজনদা পুথোকই, হায়বদি আনন্তনাগ, বন্দিপোরা, পুলৱামা অমসুং কুলগাম। জে. অমসুং কে.দা শাবা পোত্থোকশিং অসি দিল্লী, রাজস্থান, হরিয়ানা, উত্তর প্রদেশ, মধ্য প্রদেশ অমসুং উত্তরাখন্দগূম্বা রাজ্যশিংগী মশিং য়াম্লবা কঞ্জুমরশিংদা থেংনৈ। মসিগী পোত্থোকশিং অসি খাদি ইন্দিয়া সেল আউতলেত কয়া অমগী খুত্থাংদা অমসুং কে.ভি.আই.সি. ই-পোর্তলগী খুত্থাংদা য়োল্লি।

******