ৰাষ্ট্রপতি শ্ৰী ৰামনাথ কোবিন্দে অহা ৩০ ডিচেম্বৰৰ পুৱা ১১ বজাত ভিডিঅ’  কনফাৰেন্সৰ জৰিয়তে ডিজিটেল ইণ্ডিয়া পুৰস্কাৰ ২০২০ প্রদান কৰিব। ডিজিটেল ইণ্ডিয়া ধাৰণাৰ সৈতে সংগতি ৰাখি প্রথমবাৰৰ বাবে সম্পূৰ্ণ প্রক্রিয়াটো অনলাইনৰ মাধ্যমেৰে কৰা হৈছে । অর্থাৎ এই পুৰস্কাৰৰ মনোনয়ন পত্র জমা দিয়া, সেইসমূহ বিবেচনা কৰা আৰু পুৰস্কাৰ প্রদান এই সকলোবোৰ অনলাইনৰ মাধ্যমেৰে কৰা হৈছে। কেন্দ্রীয় বৈদ্যুতিন আৰু তথ্যপ্রযুক্তি মন্ত্রালয়ৰ অধীনস্থ নেশ্যনেল ইনফৰমেটিক্স চেন্টাৰ-এ দ্বি-বার্ষিক এই পুৰস্কাৰ প্রদান কৰিব। বৈদ্যুতিন পদ্ধতিত প্রশাসনিক কাম উদ্ভাৱনক উৎসাহ যোগাবলৈ আৰু বিভিন্ন চৰকাৰী সেৱা ডিজিটেল প্রক্রিয়াৰে মানুহৰ ওচৰলৈ নিয়াৰ স্বীকৃতি হিচাপে এই পুৰস্কাৰ প্রদান কৰি অহা হৈছে ।

কেন্দ্রীয় আইন আৰু ন্যায়, যোগাযোগ আৰু বৈদ্যুতিক তথা তথ্যপ্রযুক্তি মন্ত্রী শ্রী ৰবিশংকৰ প্রসাদ, বিভাগৰ সচিব শ্রী অজয় সাহনে আৰু অন্যান্য বিশিষ্ট ব্যক্তিয়েও অনলাইনৰ জৰিয়তে এই পুৰস্কাৰ প্রদান অনুষ্ঠানত অংশগ্রহণ কৰিব। নতুন দিল্লীৰ বিজ্ঞান ভৱনৰ প্লেনাৰী হলত মূল অনুষ্ঠানটো আয়োজিত হ’ব। আনহাতে বিশিষ্ট ব্যক্তিসকলে কলকাতা,ভূপাল আৰু চেন্নাইৰ পৰা এই অনুষ্ঠানত অংশ লব। সম্পূৰ্ণ  অনুষ্ঠানটো দূৰদর্শন আৰু এনআইচিৰ ছচিয়েল মিডিয়া প্লেটফর্মত সম্প্রচাৰিত হ’ব।

এনআইচিৰ ৱেবকাস্ট- http://webcast.gov.in/digitalindiaawards

ইউ টিউব- https://www.youtube.com/nationalinformaticscentre

টুইটাৰ- https://twitter.com/NICMeity

ফেচবুক - https://www.facebook.com/NICIndia

২০০৯ চনত প্রথমবাৰৰ বাবে এই পুৰস্কাৰ প্ৰদান কৰা হৈছিল। সেই সময়ত এই পুৰস্কাৰৰ নাম আছিল ৱেব ৰত্ন পুৰস্কাৰ। ২০১৪চনৰ পৰা ২০১৬ চনলৈ এই পুৰস্কাৰৰ নামাকৰণ কৰা হয় ডিজিটেল ইন্ডিয়া পুৰস্কাৰ হিচাপে। ছয়টা বিভাগত ষষ্ঠ ডিজিটেল ইন্ডিয়া পুৰস্কাৰ প্ৰদান কৰা হ’ব।

এই পুৰস্কাৰ প্ৰদান কৰিবলগীয়া বিভাগসমূহ হলঃ-

১) মহামাৰীৰ সময়ত উদ্ভাৱন: এক অসামান্য, অভিনৱ ডিজিটেল সমাধান বিকশিত কৰা এক চৰকাৰী সত্তাক সম্বৰ্ধনা জনোৱা যিয়ে নাগৰিকসকলক যোগাযোগ, স্বাস্থ্য, শিক্ষা, ভ্ৰমণ আদি ক্ষেত্ৰত মহামাৰীৰ সময়ত সহজতাৰে বিভিন্ন কাৰ্যকলাপ কৰিবলৈ বা চৰকাৰী সেৱাৰ ধাৰাবাহিকতা নিশ্চিত কৰাৰ বাবে এক উৎকৃষ্ট, অভিনৱ ডিজিটেল সমাধান বিকশিত কৰিছে।

২)ডিজিটেল শাসনত উৎকৃষ্টতা -মন্ত্ৰালয়/বিভাগ (কেন্দ্ৰীয়): ভাৰত চৰকাৰৰ এক মন্ত্ৰালয় বা বিভাগক সম্বৰ্ধনা জনোৱা যাৰ এক বিস্তৃত ডিজিটেল উপস্থিতি আছে আৰু ইয়াৰ ডিজিটেল উদ্যোগত এক উচ্চ স্তৰৰ আন্তঃ আৰু আন্তঃবিভাগ একত্ৰীকৰণ প্ৰদৰ্শন কৰে। ইলেক্ট্ৰনিক প্ৰমাণীকৰণ আৰু ডিজিটেল পৰিশোধৰ সৈতে একত্ৰীকৰণো মূল্যায়ন কৰা হয়।

৩) ডিজিটেল শাসনত উৎকৃষ্টতা-ৰাজ্য/কেন্দ্ৰীয় শাসিত অঞ্চলঃ এই বঁটাই ভাৰতৰ ৰাজ্য/কেন্দ্ৰীয় শাসিত অঞ্চলক স্বীকাৰ কৰে যি স্বাস্থ্য, শ্ৰম, বিত্ত, সামাজিক ন্যায় আৰু পৰিৱেশৰ দৰে খণ্ডত ব্যাপক ডিজিটেল উপস্থিতি স্থাপনৰ বাবে দৃষ্টান্তমূলক উদ্যোগ প্ৰদৰ্শন কৰে যাৰ ফলত বহনক্ষম উন্নয়নৰ লক্ষ্য প্ৰাপ্ত হয়।

৪)জিলা স্তৰত শ্রেষ্ঠ ডিজিটেল প্রশাসনঃ- সর্বাংগীনভাবে বিভিন্ন তথ্য নাগৰিকৰ মাজলৈ আঞ্চলিক ভাষাত যিবোৰ জিলাই আটাইতকৈ ভালদৰে প্ৰদান কৰিবলৈ সক্ষম হৈছে তাৰ স্বীকৃতি হিচাপে এই পুৰস্কাৰ প্ৰদান কৰা হ’ব।

৫)অপেন ডাটা চেম্পিয়নঃ-সঠিক সময়ত নিয়মিতভাৱে ৱেব সেৱা বা এপিআইৰ মাধ্যমেৰে চৰকাৰী তথ্য প্রদানৰ বাবে শ্রেষ্ঠ মন্ত্রালয়, বিভাগ, সংস্থা নাইবা ৰাজ্যক বাছনি কৰা হব।

৬)দৃষ্টান্তমূলক সামগ্ৰীঃ- এই পুৰস্কাৰৰ জৰিয়তে বিভিন্ন চৰকাৰী বিভাগ নাইবা সংস্থাই সফলভাৱে ডিজিটেল পদ্ধতিত তেওঁলোকৰ উদ্ভাৱিত সামগ্ৰীৰ বাবে স্বীকৃতি লাভ কৰিব।

ইয়াৰ সৈতে ৰাষ্ট্ৰীয় স্তৰত পাবলিক ডিজিটেল প্লেটফর্মৰ বাস্তৱায়ন আৰু পৰিকল্পনাৰ বাবে জুৰিৰ পছন্দৰ বঁটা দিয়া হ’ব।

অনলাইনৰ মাধ্যমেৰে এই পুৰস্কাৰৰ বাবে মনোনয়ন গ্রহণ কৰা আৰম্ভ হৈছিল ২৩ অক্টোবৰৰ পৰা। এমাহ ধৰি মনোনয়ন জমা দিয়াৰ কাম চলিছিল। মুঠ ৪০২খন মনোনয়নপত্র জমা দিয়া হৈছিল। আইআইটি দিল্লীৰ ফালৰ পৰা মনোনয়নপত্র বাছনি কৰি সংক্ষিপ্ত তালিকা কৰা হয়।

***********

Monika/KG