উপ-রাস্ত্রপতিগী লোইশঙ

উপ-রাস্ত্রপতিনা নহারোলশিংদা হায়খি, কোবিদ-১৯ লাইচৎকী শিংনবশিং খুদোংচাবশিং ওন্থোকউ


উপ-রাস্ত্রপতিনা হায়খি মালেমগী তুংগী ফিবম শেম্বা ঙমগদবা মতিক-মগুন লৈবা মীওইশিং ঐখোয়গী লৈরে

ঐখোয়গী নহারোলশিং স্কিল হেনগৎহনবা অমসুং ত্রেনিং পীবা অসি হেন্না ফবা তুংলমচৎ অমগী মরুওইবনি হায়না উপ-রাস্ত্রপতিনা অমুক হন্না ফোঙদোকখ্রে

লন-থুমদগী হকচাং ফবনা হেন্না মরুওই হায়বা কোবিদনা অমুক হন্না উৎলে: উপ-রাস্ত্রপতি

শ্বরনা ভারত ত্রস্ত, বিজয়াৱাদাগী ত্রেনিশিংদা উপ-রাস্ত্রপতিনা সর্তিফিগেতশিং য়েন্থোকখ্রে

Posted On: 28 DEC 2020 8:11PM by PIB Imphal

কোবিদ-১৯ লাইচৎকী শিংনবশিং খুদোংচাবশিং ওন্থোকউ হায়না ঙসি উপ-রাস্ত্রপতি শ্রী এম.ভেনকিয়া নাইদুনা নহারোলশিংদা পাউতাক পীখ্রে।

 

শ্বরনা ভারত ত্রস্ত, বিজয়াৱাদাগী ত্রেনিশিংদা সর্তিফিগেতশিং য়েন্থোকপা থৌরমদা ৱা ঙাংবদা উপ-রাস্ত্রপতিনা হায়খি লাইচৎ অসিনা হিরম কয়াদা চৈথেং পীরবসু, মসিনা অতোপ্পা হিরম কয়াদা খুদোংচাবশিং ফংহল্লে।

অপুনবা মীশিংগী চাদা ৬৫ হেন্না চহি ৩৫ মখাগী মীওইশিংনি হায়না ফোঙদোক্লদুনা শ্র্রী নাইদুনা হায়খি করিগুম্বা ঐখোয়না হায়রিবা মীওইশিং অসিগী থৌনা অসি শীজিন্নরবদি, ঐখোয়গী লৈবাক অসি মখা তানা চাউখৎনবা নহারোলশিং অমসুং নুপীশিং অসি মরুওইবা খোঙলোয়শিং ওইবা য়াগনি। হায়রিবা মশিং য়াম্লবা মীওইশিং অসিগা লোয়ন্না ঐখোয়না মালেমগী তুংগী ফিবম শেম্বা ঙমগনি। মসিগী মতাংদা রাজ্য অমসুং কেন্দ্র সরকারশিংনা  নহারোলশিং হৈশিংবা হেনগৎনবা থবক কয়া পায়খৎলে। ২১সুবা চহিচাগী দরকার ওইবশিং পীবা ঙম্নবা স্কিল ত্রেনিং পীবা দরকার ওই অমসুং হিরম অসিদা লনাই কাংবুসু শরুক য়াগদবনি।

জি.দি.পি হেনগৎলকপনা লৈবাক অমা চাউখৎলকপগী অমতা ঙাইরবা খুদম নত্তে হায়না ফোঙদোক্লদুনা শ্রী নাইদুনা হায়খি মীয়ামদা শক্তি পীবা অসি তশেংনা চাউখৎপনি। মতম খরগী খুদোংচাবশিংদা মিৎয়েং থম্বগী মহুত্তা মতম কুইনা কান্নবা ফংনবা ঐখোয়না শেন থাদগদবনি অমসুং থৌশিলশিং শেমগদবনি। লন-থুমদগী হকচাং ফবনা হেন্না মরুওই হায়বা কোবিদ লাইচৎনা অমুক হন্না উৎলে। অতোপ্পা লৈবাকশিংগা চাংদম্নবদা ভারতকী শিবগী চাং অসি য়াম্না নেম্লে। মীয়াম্না হকচাং ফনা লৈগদবা পুন্সি মহিং অমদা হিংগদবনি। 

মখোয়গী কোর্সশিং লোইশিল্লবা ত্রেনিশিংদা সর্তিফিগেতশিং য়েন্থোকপদা, লোকদাউন মনুংদা ওনলাইনদা লাইরিক তম্নবা খুৎলায়শিং শীজিন্নবগীদমক শ্রী নাইদুনা মহৈরোয়শিং থাগৎখি। নহারোলশিং অমসুং নু্পীশিংগী স্কিল হেনগৎহনবগী অমসুং লোকদাউন মনুংদা লায়রবশিং মতেং পাংবগীদমক মহাক্না শ্বরনা ভারত ত্রস্ত্রনা পায়খৎলিবা থবকশিং থাগৎখি। থৌরম অদুদা শ্বরনা ভারত ত্রস্ত্র,বিজয়াৱাদগী ত্রেনিশিং অমসুং স্তাফশিং শরুক য়াখি।

****



(Release ID: 1684362) Visitor Counter : 188