প্রধান মন্ত্রী শহরী নরেন্দ্র মোদীনা লৌমীশিংদা ৱা ঙাংখিবা অদুদা কেন্দ্রগী গৃহ মন্ত্রী শ্রী অমিৎ শাহনা ঙসি নই দিল্লীগী মেহ্রৌলিন্দা লৌমীশিংগী কাংলুপশিংগা উন্নখ্রে। থৌরম অসিদা ৱা ঙাংলদুনা শ্রী অমিৎ শাহনা হায় প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র সরকারনা লৌমীশিংগী য়াইফনবা হোৎনখি। মোদী সরকারগী লৌমীশিংগী য়াইফনবা পোলিসীশিং অমসুং এগ্রিকলচরেল রিফোর্মশিং পুম্নমক্তা খুঙ্গং অসিগী লৌমী পুম্নমক্না থৱাই য়াওনশিনবগা লোইননা চপ চানা থাজবা থম্মি হায়না ফোঙদোরকখি। কেন্দ্রগী গৃহ মন্ত্রীনা হায়খি হৌখিবা চহি তরুক অসিদা মোদী সরকারনা লায়রবা, লৌমীশিং অমসুং শোত্থরবশিংবু চাউখৎহন্নবা লোইনা মখোয়গী হকশিং ফংহন্দুনা মখোয়গী পুন্সি মহিংদা অহোংবা পুরকপদা মীৎয়েং থমদুনা ৱারেপ খুদিংমক লৌখি। পি.এম. কিসান অসিসু অসিগুম্বা অমুক্তা লৈখিদ্রিবা স্কীম অমসু ওইরি মসিদা মোদীনা চহি খুদিংগী লৌমীশিংগী একাউন্তশিংদা লুপা ৬,০০০ হাপ্লি।

শ্রী অমিৎ শাহনা হায় প্রধান মন্ত্রী শ্রী নরেন্দ্র মোদী জিনা ঙসি পি.এম. কিসানগী অতোপ্পা ইনস্তোলমেন্ত কাইথদুনা লৌমী করোর ৯গী একাউন্তশিংদা লুপা করোর ১৮,০০০ হাপচিনদুনা মখোয়গী লৌউ-শিংউগা মরী লৈনবা তঙাই ফদবশিংগী মনিং থুংহনবা ঙমজরগনি। “মোদী জিনা লৌমীশিংগীদমক্তা মহাক্না কত্থোকপা অমসুং মখোয়বু চাউখৎনবা হোৎনবা অসিগীদমক্তা ঐহাক্না থাগৎপা ফোঙদোকচরি”। কেন্দ্রগী গৃহ মন্ত্রীনা হায় ইকাই খুম্নজরবা প্রধান মন্ত্রীনা কিসান সম্মান নিধি স্কীম পুথোকপা মতমদা ওপ্পোজিসনগী লুচিংবশিংনা মসি য়ানিংখিদে। মখোয়না লৌমীশিংগী শেন্দোন ওইনা কোকপীনবা দাবি তৌখি।  শ্রী শাহনা হায়খি অমরোমদা য়ু.পি.এ, সরকারনা চহি ১০দা লুপা করোর ৬০,০০০গী লোন কোকপীখি অদুবু শ্রী নরেন্দ্র মোদী জিনা চহি অনি মখাই খক্তদা লৌমী করোর তরাগী একাউন্তশিংদা হৌজিক ফাওবদা হকথেংননা লুপা করোর ৯৫,০০০ ত্রান্সফর তৌখ্রে।

২০১৪গী মমাং অমসুং মতুংগী লৌউ-শিংউগী দেতাগী কম্পরেতিব স্তদী অমা উৎলদুনা শ্রী অমিৎ শাহনা হায়খি ২০১৩-১৪দা পুথোকপা চেং-হৱায়শুং অসি মিলিয়ন তন ২৬৫ খক্তা ওইখি অমরোমদা ঙসি মসি মিলিয়ন তন ২৯৬তা হেনগৎহনখ্রে। ২০১৩-১৪দা লৌউ-শিংউগী বজেৎ অসি লুপা করোর ২১,৯৩৩ খক্তা ওইখি অমরোমদা ঙসি প্রধান মন্ত্রী শ্রী নরেন্দ্র মোদী জিগী লুচিং মখাদা লৌউ-শিংউগী বজেৎ অসি লুপা করোর ১,৩৪,৩৯৯দা হেনগৎহনখ্রে। মহাক্না হায় লৌউ-শিংউগী বজেৎ হেনগৎহনবা ঙমদবা মখোয়না ঙসি ঐখোয়দগী মসিগী চপ চাবা মরমশিং খঙবা পাম্লি। শ্রী শাহনা হায় ঙসি ঐহাক্না লৈবাক অসিগী লৌমী ইচিল-ইনাওশিংদা হায়জনীংবদি ওপ্পোজিসনগী লুচিংবশিংনা য়ানিংদবা অমত্তা লৈতে মখোয়না অরানবা পাউ শন্দোকপা খক্তনি। প্রধান মন্ত্রী শ্রী নরেন্দ্র মোদীনা কয়ারক হন্না শেংদোকখ্রে অমসুং ঙসি ঐহাক অমুক হন্না ময়েক শেংনা থম্লি মদুদি এম.এস.পি. লৈখি, লৈরি অমসুং মতম পুম্বদা লৈখিগনি। চহি কয়া অসি লৌমীশিংনা এ.এস.পি. অসি মখোয়গী মহৈ-মরোংগী অচংবা শেলগী য়ামদ্রবদা শরুক অমগা মখাই ওইহন্নবা দাবি তৌদুনা লাকখি অদুবু চহি ৭০ থংন-থংননা পাইখিবা সরকার অসিনা খোঙথাং অমত্তা লৌখৎলমখিদে। প্রধান মন্ত্রী শ্রী নরেন্দ্র মোদী জিনা লৌমীশিংগী দাবি অসি থুংহনখি অমসুং মখোয়না পুথোক্লিবা মহৈ মরোংগী অচংবা শেলগী অমগা মখাই ফংহল্লি।

কেন্দ্রগী গৃহ মন্ত্রীনা হায় ২০০৯-২০১৪গী মনুংদা ফৌ অমসুং গেহু লৈনবা লুপা করোর ৩,৭৪,০০০ খক্তা চাদিং তৌখি অমরোমদা ২০১৪-২০১৯দা ফৌ অমদি গেহু লুপা করোর ৮,২২,০০০গী লৈখি। মসিগী মথক্তা মোদী সরকারনা সোইল হেল্থ কার্দ অমসুং নীম কোতেদ য়ুরিয়াগুম্বা মখল কয়াগী থৌরাংশিং পাইখৎতুনা লৈবাক অসিগী লৌমীশিংদা কান্নবা ফংহনখি। লৈবাক শিনবা থুংনা লৈরিবা মন্দি ১,০০০রোম ওনলাইন ওইহনদুনা লৌমশিংদা মখোয়গী মহৈ মরোংগী খ্বাইদগী মতিক চাবা মমল ফংহল্লি। প্রধান মন্ত্রী ক্রোপ ইন্সুরেন্স স্কীম অসিনা লৈবাক অসিগী লৌমী করোর তরুক মখাইগী মথক্তা কান্নবা ফংহনখ্রে। ফার্মর প্রদ্যুসর ওর্গনাইজেসন ১০,০০০রোম লিংখৎখ্রে অমসুং মসিগীদমক্তা লুপা করোর ৭,০০০গী প্রোবিজন অমা থমখ্রে। খোহি পুথোক্নবগী অতোপ্পা লুপা করোর ৫০০সু থমখ্রে। প্রধান মন্ত্রী ইরিগেসন স্কীমগী মখাদা মাইক্রো-ইরিগেসন স্কীমগী খুত্থাংদা লম হেক্তর ৫৫গী ঈথৈ-লৌখোং শেম্বগী থবক পাইখৎখ্রে।

শ্রী অমিৎ শাহনা হায় এগ্রেনিয়ন রিফোর্মশিংগী আইনশিং অসিগী ওপ্পোজিসন পার্তীশিংনা লাউ খোঙলিবা অসিগী মতাংদা ঐহাক্না লৈবাক অসিদা লৈরিবা ঐগী লৌমী ইচেল-ইনাওশিংদা থাজবা পীবা পাম্মি অদুদি এগ্রেরিয়ন রিফোর্মশিংগী আইন অহুমনা লৌমীশিংদা খ্বাইদগী কান্নবা ফংহনগনি অমদি মসিনা লৌমিশিংদা শোকহল্লোই নত্ত্রগা মন্দিশিং থোং মুত্থৎলোই নত্ত্রগা কনাগুম্বা অমত্তনা লৌমীশিংগী লম মচেৎ অমা ফাওবা মুল্লোই।  শ্রী নরেন্দ্র মোদীনা লৈবাক অসিগী প্রধান মন্ত্রী ওইরিবা মখৈদি লৌমী ইচিল-ইনাওশিংগী লম অসি কোর্পোরেৎ অমত্তনা লৌশিনবা ঙম্লোই। মন্দিশিং অসি অদুমক মথৌ তৌখিগদনি। ঐহাক্না ওপ্পোজিসন লুচিংবশিংদা হংনীংবা ৱাহংদি এগ্রেরিয়ন রিফোর্ম আইনশিং অসিগী করম্বা প্রোবিজন্দা মন্দিশিং মুত্থৎকনি হায়না য়াওবগে। করিগুম্বা থৌনা লৈরবদি দিবেৎ তৌনবা থোরকউ অমদি ঐখোয়গী এম.পি.শিংনা নখোয়গা লোইননা খন্ন-ন্নৈনবা শেম শাদুনা লৈরি।

কেন্দ্রগী গৃহ মন্ত্রীনা হায় হৌজিক প্রধান মন্ত্রী শ্রী নরেন্দ্র মোদীনা পুরক্লিবা এগ্রিকলচরেল রিফোর্ম আইনশিং অসি শঙ্করলাল গুরু কম্মিতিনা রিকম্মেন্দ তৌখিবনি; ২০০১দা মোন্তেক সিংহ অহলুৱালিয়ানা প্রোপোজেলশিং অসি থমখি, শরদ জোশি তাস্ক ফোর্সনসু মসি রিকম্মেন্দ তৌখি। প্রপোজেলশিং অসি ২০০৩গী মোদেল এ.পি.এম.সি. এক্ততা য়াওখি, মসিগী রিকম্মেন্দেসনশিং অসি স্বামিনাথন কম্মিসনগী রিপোর্ত্তসু য়াওখি অমসি মসি শরদ পাৱরজিনা লৌউ-শিংউগী মন্ত্রী ওইরিঙৈ মতমদা শেমখিবা কম্মিতিনসু রিকম্মেন্দ তৌখি। শ্রী শাহনা হায় ঙসি লৈবাক অসিগী লৌমীশিংনা ঐখোয়গী লৌউ-শিংউ মন্ত্রী শ্রী নরেন্দ্র সিংহ তোমরদা ফোন তৌবা অমসুং মহাক্কা উন্নবা পাম্মি অমসুং এগ্রিকলচরেল রিফোর্ম আইনশিং অসি মখোয়না শৌগৎপা পাম্লি। এগ্রেরিয়ন রিফোর্মগী আইনশিং অসি লৌমীশিংগী য়াইফনবনি হায়বা মখোয়না খঙবনা মসিবু মখোয়না শোগৎলি। রাজনিতীগী ওইবা কান্নবশিং লৈজবা ওপ্পোজিসন থমখ্রগা করিগুম্বা লৌমীশিংগী ওর্গনাইজেসনশিংনা লৌউ-শিংউগী আইনশিং অসিগী প্রোবিজন অমা হেক্তনা লৌমীশিংদা শোকহনবা তারবদি সরকার অসিনা প্রোবিজন অদুগী মতাংদা লৌমীগী ওর্গনাইজেসনশিংগা অরোৎপা লৈতনা খন্ননবা থোং হাংদুনা লৈরি। নখোয়না প্রোবিজনশিং অদু পুথোরকউ, মদু খন্নসি। করিগুম্বা লৌমীগী মায়োক্তা লৈবা প্রোবিজন য়াওরম্বা থোক্লবদি শ্রী নরেন্দ্র মোদীগী সরকারনা মদু শেমদোক্কনি। শ্রী শাহনা হায়খি মোদী সরকারনা লৈবাক্কী লৌমীশিংগী য়াইফনবা মতম পুম্বদা থবক তৌদুনা লাক্লি অমসুং লৌমীশিংগী ইনকম শরুক অনি ওইহনদ্রিবা ফাওবা লেপ্তনা হোৎনগনি।

*****