হাইদ্রাবাদতা ঙসি ভারত বাইওতেক্কী চিয়রমেন অমসুং মেনেজিং দিরেক্তর দা. কৃষ্ণ ইল্লা অমসুং জোইন্ত মেনেজিং দিরেক্তর শ্রীমতি সুচিত্রা ইল্লানা ভারতকী উপ রাস্ত্রপতি শ্রী এম. বেঙ্কয়া নাইদু উন্নখ্রে।

খন্ন-নৈনবা অসি লমদম অসিগী ওইবা বেক্সিনগী ফীভম অমসুং মসি ভারত্তা অমসুং মালেমদা ফংহন্নবা থৌরাং পাইখৎপা অসিগী মতাংদা ওইখি। মসি ভারত বাইওতেকনা ইন্দিয়ন কাউন্সিল ওফ মেদিকেল রিসর্চ (আই.সি.এম.আর.) – নেস্নেল ইন্সতিত্যুত ওফ ভাইরোলোজী (এন.আই.ভি.)গা চুংশিন্নদুনা দেবেলপল তৌখি। লমদম অসিগী ওইবা ইনএক্তিবেতেদ বেক্সিন অসি ভারত বাইওতেক্কী বি.এস.এল.-৩ (বাইও-সেফতী লেবেল ৩) বাইও-কন্তেনমেন্ত ফেসিলিতীদা দেবেলপ অমসুং মেন্যুফেকচর তৌবনি।

হন্দক্তা প্রধান মন্ত্রী, শহরী নরেন্দ্র মোদীনা ভারত বাইওতেক্তা চৎখি অমসুং কোবাসিনগী ফীভম য়েংশিনখি। মসিগী মতুংদা তোঙান তোঙানবা লৈবাকশিংদগী এম্বেসেদর ৭০ অমসুং হাই কম্মিসনরশিংনা হাইদ্রাবাদকী জিনোম ভেলীদা লৈবা ভারত বাইওতেক ফেসিলিতীদা চৎখি।

ৱারী ৱাতাই শাবা অসিদা উপ রাস্ত্রপতিনা লমদম অসিদা শাজবা মালেমগী থাক্কী প্রদক্তশিং পুথোকপদা সরকার অমসুং লনাই চুংশিন্নবগী মরু ওই হায়না থমখি অমসুং আই.সি.এম.আর. অমদি ভারত বাইওতেকনা চুংশিন্নদুনা হোৎনবা অসিবু থাগৎপা ফোঙদোকখি।

****