‘বরোদা মিলিতরী সেলরী পেকেজ’ অসিগীদমক ইন্দিয়ন আর্মী অমসুং বেঙ্ক ওফ বরোদা অনিনা য়ানা-ৱারোলগী শহি পীনখ্রে৷ য়না-ৱারোলগী মীফম অদুদা ইন্দিয়ন আর্মীগী এদজুতেন্ত জেনেরেল লেফতনেল জেনেরেল হর্শা গুপ্তানা থৌরম মপু ওইদুনা পাংথোকখিবা থৌরম অদুদা দি.জি.(এম.পি.অমসুং পি.এস.) লেফতনেল জেনেরেল রবিন খোস্লা অমসুং বেঙ্ক ওফ বরোদাগী এগজিক্যুতিব দাইরেক্তর শ্রী বিক্রমএদিত্য সিংহ খিচিনা য়ানা-ৱারোল অদু শহি পীনখি৷ ইন্দিয়ন আর্মীদা হৌজিক লৈরিবা অমসুং থবক্তগী পোথখ্রবা পর্সোনেলশিংদা বেঙ্ক ওফ বরোদানা বেঙ্কিং সর্ভিস লৈহন্নবা য়ানা-ৱারোল অসিদা পল্লি৷

দোমেস্তিক ব্রাঞ্চেস ৮,২০০ হেন্না লৈরিবা বেঙ্ক অসিগী নেতৱার্ক অমসুং ব্যুজিনেস করেস্পোন্দেন্ত তচপোইন্ত ২০০০গী ময়াদা লৈরিবা বেঙ্ক অসিনা ইন্দিয়ন আর্মীদা থবক তৌরিবা অমসুং থবক্তগী পোথখ্রবা পর্সোনেলশিংদা ‘বরোদা মিলিতরী সেলেরী পেকেজ’কী মখাদা সর্ভিসশিং ফংহল্লগনি৷

পেকেজ অসিনা সর্ভিং তৌরিবা পর্সোনেল লৈতবা মতমদা গর্ল চাইল্দ মেরিয়েজ কোবর, ফ্রী পর্সোনেল এক্সিদেন্তেল ইন্সুরেন্স কোবর, পর্মেনেন্ত তোতেল দিসএবিলিতী কোবর, পার্সিয়েল দিসএবিলিতী কোবর অমসুং এয়র এক্সিদেন্ত ইন্সুরেন্স কোবর অমসুং হাইয়র এদজুকেসন কোবর য়াওনা য়াম্না পুক্নিং চিংশিন্নিংঙাই ওইরবা কান্নবশিং পী৷ বেঙ্ক এ.তি.এম. পুম্নমক্তা লোইবা খম্বা নাইদনা লেম্না এ.তি.এম. ত্রান্সেক্সন তৌহনবা, রিতেল লোনশিংদা তোঙান তোঙানবা সর্ভিস চার্জশিংদা ৱেবরশিং অমসুং কন্সেসনশিং পীবা, আর.তি.জি.এস./এন.ই.এফ.তি.গী খুৎথাংদা লেম্না রিমিতেন্স ফেসিলিতী ফংহনবা, লেম্না দিমান্দ দ্রাফত/বেঙ্করগী চেখ পীবা, লোকর রেন্তেলশিংদা সবস্তেন্সিয়েল দিস্কাউন পীবা অমসুং কার্দশিং শিজিন্নবদা তোঙান তোঙানবা অহেনবা কান্নবশিং পীবা য়াওনা পেকেজ অসিগী মখাদা লৈবা অতোপ্পা কান্নবশিংনি৷

*****