ফাইনান্স অমসুং কোর্পোরেত এফেয়ার্সকি য়ুনিয়ন মিনিস্তর শ্রীমতি নিরমালা সিতারমন্না লুচিংদুনা  বজেত ২০২১-২২গী বজেত মমাঙগী খন্ন-নৈনবা মীফমশিং ভর্চুএল ওইনা দিশেম্বর ১৪-২৩,২০২০ ফাওবা পাংথোকখ্রে।

হায়রিবা মতম অসিগী মনুংদা পাংথোকখিবা মীফম ১৫দা মরী লৈনবা কাংবু ৯গী মহুৎশীনবা মীওই ১৭০ হেন্না শরুক য়াখি। মরী লৈনবা কাংবুশিং অদুদা য়াওখিবশিংদি ফাইনান্স অমসুং কেপিতেল মার্কেতশিং; হকশেল, ইজুকেসন অমসুং খুঙ্গং চাউখৎহনবা; ঈশিং অমসুং সেনিতেসন; ত্রেদ য়ুনিয়ন অমসুং লেবর ওর্গনাইজেসন; ইন্দস্ত্রি, সর্বিসেস অমসুং ত্রেদ; ইনফ্রাস্ত্রকচর, ইনর্জি অমসুং ক্লাইমেত চেঞ্জ সেক্তর; লৌউ-শিংউ অমসুং এগ্রো প্রোসেসিং ইন্দস্ত্রি; ইন্দস্ত্রিগী লুচিংবশিং অমসুং ইকোনোমিস্তশিংনি।

মীফম অদুদা ফাইনান্স অমসুং কোর্পোরেত এফেয়ার্সকী রাজ্য মন্ত্রী শ্রী অনুরাগ সিংহ থাকুর, ফাইনান্স সেক্রেতরি দোক্তর এ.বি পান্দে; সেক্রেতরি, দি.আই.পি.এ.এম, শ্রী তুহিন কান্তা পান্দে; সেক্রেতরি,এক্সপেন্দিচর, শ্রী তি.ভি সোমানাথান; সেক্রেতরি, দি.ই.এ, শ্রী তুরুন বজাজ; চীফ ইকোনোমিক এদভাইজর শ্রী কৃষ্ণমুর্তি সুব্রামিয়ন অমসুং ফাইনান্স মিনিস্ত্রি অমসুং অতোপ্পা মিনিস্ত্রিশিংগী সেনিয়র ওফিসিএলশিংসু শরুক য়াখি।

মরী লৈনবা কাংবুশিংনা তোঙান-তোঙানবা হীরমশিংদা পাউতাক কয়া পীখি, মখোয়না থম্লকখিবা ৱাফমশিং অদুগী মনুংদা ফিসিকেল পোলিসি, তেক্সেসন, বোন্দ মার্কেতশিং, ইন্সুরেন্স, ইনফ্রাস্ত্রকচরগী চাদিং, হকশেল অমসুং ইজুকেসনগী বজেত, খুন্নাইগী থবকশিং, স্কিল হেনগৎহনবা, ঈশিং তুংশিনবা, সেনিতেসন, এম.জি.এন.আর.ই.জি.এ, পি.দি.এস, ললোন-ইতিক লাইহনবা, প্রদক্সন লিঙ্ক ইনভেস্তমেন্ত স্কিম, এক্সপোর্ত, মেদ ইন ইন্দিয়াগী পোৎথোকশিং ব্রান্দ শেমগৎপা, ইন্নোবেসন, গ্রিন গ্রোথ, পোল্লুসন থোকহন্দবা ইনর্জি অমসুং গারিশিং য়াওরি।

কোবিদ-১৯ লাকশিন্নবা সরকারনা পায়খৎলিবা থবকশিং অমসুং ২০২০-২১গী অনিসুবা ক্বাতরদা শেন-থুমগী ফিবম অমুক হন্না ফগৎলকপা অসিদা শরুক য়াখিবশিংনা থাগৎখি। লাইচৎনা শিবা মশিং হন্থরকপগা লোয়ন্না শেন-থুমগী ফিবম ফগৎলকপা লৈবাক খরগী মনুংদা ভারত য়াওরে হায়না মখোয়না ফোঙদোকখি।

বজেত ২০২১-২২গী থৌরাং তৌনবা মখোয়গী মরুওইবা পাউতাকশিং পীরকপগীদমক ফাইনান্স মিনিস্তর শ্রীমতি নিরমালা সিতারমন্না মীফম শরুক য়াখিবশিং থাগৎখি।  

****