সার্স-কোব-২ ভাইরসকী অনৌবা বেরাইন্ত অমা [বেরাইন্ত অন্দর ইনবেস্তিগেসন (ভি.য়ু.আই.)- ২০২১২/০১] য়ুনাইতেদ কিংদমগী সরকারনা ৱর্ল্দ হেল্থ ওর্গনাইজেসন (দবল্যু.ঐচ.ও.)দা রিপোর্ত তৌরকখি য়ুরোপিয়ন সেন্তর ফোর দিজিজ কন্ত্রোল (ই.সি.দি.সি.)না থেংনখিবা বেরাইন্ত অসি শন্দোক্কনবা হেল্লী অমসুং নহাশিংদা শোকহল্লি। বেরাইন্ত অসি অহোংবা নত্ত্রগা ম্যুতেসন ১৭কী সেৎ অমনা দিফাইন তৌই। খ্বাইদগী শীংথানিংঙাই ওইরিবদি ভাইরস অসিনা মীওইবগী এ.সি.ই.২ রিসেপ্তরদা বাইন্দ তৌবদা শীজিন্নবা স্পাইক প্রোতিনগী এন৫০১ৱাই ম্যুতেসন ওইবা অসিনি। স্পাইক প্রোতিনগী শরুক অসিদা হোংলকপনা ভাইরস অসি হেন্না লৌনগনবা অমসুং মীওই অমগা অমগী মরক্তা হেন্না লাইনা শন্দোকপা ঙমহল্লক্কনি। 

হায়রিবা অসিগী ইপিদেমিওলোজিকেল সর্ভিলেন্স অমসুং রেস্পোন্সকীদমক্তা হকশেল মন্ত্রালয়না এস.ও.পি. থোকখ্রে। স্তেন্দর্দ ওপরেতিং প্রোসিজর (এস.ও.পি.) অসিনা হৌখিবা চয়োল ৪ (নবেম্বর ২৫দগী দিসেম্বর ২৩, ২০২০ ফাওবা) অসিদা য়ু.কে.দগী লাকপা নত্ত্রগা য়ু.কে.গী খুত্থাংদা ত্রাঞ্জিৎতা লাকপা ইন্তরনেস্নেল পেসেঞ্জর পুম্নমক্কী ওইনা চংফমদা অমসং কম্ম্যুনিতীদা পাইখৎকদবা থবক-থৌরমশিংগী মতাংদা শন্দোক্না য়াওরি। এস.ও.পি. অসিগা মরী লৈনবা রিফরেন্স অমা হেক্তগী আর.তি.-পি.সি.আর. তেস্তিং খক্তা তৌগদবনি।

দিসেম্বর ২৩দগী দিসেম্বর ৩১ ফাওবা নত্ত্রগা মখা তানা ওর্দরশিং থোক্ত্রিবা ফাওবা মতম খরগী ওইনা য়ু.কে.দগী ফ্লাইৎশিং পাইরকপা লেপহনখ্রে। দিসেম্বর ২১দগী দিসেম্বর ২৩, ২০২০গী মতমগী মনুংদা য়ু.কে.দগী লাকপা নত্ত্রগা য়ু.কে.গী এয়রপোর্তশিংগী খুত্থাংদা ত্রাঞ্জিৎ ওইখিবা অমসুং ভারত্তা কুমথখিবা পেসেঞ্জর পুম্নমক্না য়ৌরকপগা আর.তি.-পি.সি.আর. তেস্ত তৌগদবনি। করিগুম্বা সেম্পল অদু পোজিতিব ওইরবদি স্পাইক জিন-বেজ আর.তি.-পি.সি.আর. তেস্তসু তৌনবা রিকম্মেন্দ তৌরি। পোজিতিব ওইবা পেসেঞ্জরশিং মরী লৈনবা রাজ্যগী হেল্থ ওথোরিতীশিংনা চল্লাইবা ইন্সতিত্যুস্নেল আইসোলেসন ফেসিলিতীগী তোখাইবা (আইসোলেসন) য়ুনিৎ অমদা তোখাইনা থমগনি। ফেসিলিতীগী থাক্তা সেম্পলশিং পুনেগী নেস্নেল ইন্সতিত্যুত ওফ ভাইরোলোজী (এন.আই.ভি.) নত্ত্রগা অতোপ্পা চান্নবা লেব অমা হেক্তদা জিনোমিক সিক্বেন্সিং তৌনবা থৌরাং পাইখৎকনি। করিগুম্বা জিনোমিক সিক্বেন্সিংদা সার্স-কোব-২গী অনৌবা বেরাইন্ত অসি য়াওরে হায়বা খঙলবদি পেসেন্ত অদু তোখাইবা আইসোলেসন য়ুনিৎ অমদা থমগনি অমদি ক্লিনিকেল প্রোতোকলগী মতুং ইন্না লায়েং চত্থগনি।

এয়রপোর্ত্তা আর.তি.-পি.সি.আর. তেস্ত তৌবদা নেগেতিব ওইবশিংনা য়ুমদা ক্বারেন্তিন তৌনবা হায়গনি। চেক-ইন তৌদ্রিঙৈ মমাংদা এস.ও.পি. অসিগী মতাংদা ত্রেবেলরশিংদা খঙহনগনি অমসুং ইন-ফ্লাইৎ এনাউন্সমেন্তশিংসু তৌগদবনি।

দিস্ত্রিক্ত সর্ভিলেন্স ওফিসরশিংনা মমাং থাদগী হৌদুনা য়ু.কে.দগী ভারত্তা লাকখিবা ইন্তরনেস্নেল ত্রেবেলরশিং পাউ ফাওনবা হোৎনগনি অমসুং কম্ম্যুনিতীদা মোনিতর তৌগনি।

রাজ্য সরকারশিং/ইন্তিগ্রেতেদ দিজিজ সর্ভিলেন্স প্রোগ্রামনা হৌখিবা চয়োল মরি অসিদা য়ু.কে.দগী লাকপা নত্ত্রগা য়ু.কে.গী খুত্থাংদা ত্রাঞ্জিৎতা লাকখিবা ত্রেবেলরশিংগী কন্তেক্ত পুম্নমক ত্রেস তৌগনি অমসুং মোনিতর তৌগনি। মখোয়সু প্রোতোকলগী মতুং ইন্না তেস্ত তৌগনি অমসুং পোজিতিব কেসশিংগী কন্তেক্তশিং মপুং ফানা আইসোলেসন অমসুং মোনিতর তৌনবা তোখাইবা ক্বারেন্তিন সেন্তরশিংদা ইন্সতিত্যুস্নেল ক্বারেন্তিন তৌহনগনি।

এস.ও.পি.গী লিস্ত:

https://www.mohfw.gov.in/pdf/SOPforSurveillanceandresponseforthenewSARSCov2variant.pdf

****