লৌমীশিংনা পুখৎলক্লিবা ইসুশিং অসি থেংনবদা ৱারি শানবা হায়বসিনা খ্বাইদগী ফবা লম্বী ওইরি হায়না ঙসি ভারতকী উপ-রাস্ত্রপতি শ্রী এম. ভেনকাইহ নাইদুনা ফোংদোকখ্রে৷

‘কিসান দিৱস’ থৌরমগা মরী লৈননা হায়দরবাদতা লৈরিবা মহাক্কী ময়ুমদা ফিভম নিংথীনা ফগৎলবা লৌমী কাংলুপ অমগা ৱারি শানবদা লৌমীশিং অসিনা থেংনরিবা ইসু খুদিংমক ৱারি শানদুনা থেংনবা য়াবা ঙাক্তনি অমসুং সরকার অসিনা মাংজৌননা লৌমীশিংগী ওর্গনাইজেসনশিং অসিগা ৱারি শানবা পামদুনা লাক্লি হায়না শ্রী নাইদুনা ফোংদোকখি৷

‘কিসান দিৱস’ থৌরমগা মরী লৈননা লৌমীশিং অসিগা উনবা অসিদা মহাক্কী নুংঙাইবা ফোংদোক্লদুনা লৈবাক অসিগী ফুদ সেক্যুরিতী অমসুং চাওখৎপা হায়বা অসি লৌউ-শিংউবা অসিগা নক্নবা মরী লৈনৈ, মসিনা মরম ওইরগা লৌউ-শিংউবা অসি ঙাক্তুনা থম্বা, সস্তেনেবল অমসুং প্রোফিতেবল ওইহনবা তঙাই ফদে হাযনা শ্রী ভেনকাইহ নাইদুনা ফোংদোকখ্রে৷

লৌমীশিংগী লাক্লিবা ইনকম অসি শরুক অনি হেন্না হেনগৎননবা সরকার অসিনা ইনিসিয়েতিব কয়ামরোম লৌখৎখিবা অদু পল্লদুনা লৌউ-শিংউবগী পোত্থোক অসি হেন্না পুথোকপা অমসুং লৌউ-শিংউববু ক্লাইমেত রিসাইলেন্ত ওইহনবা তঙাই ফদে হায়না মহাক্না ফোংদোকখ্রে৷ ক্রোপ দাইভর্সিফিকেসন, ওর্গনিক ফার্মিং অমসুং ন্যুত্রিসন মরাং কাইনা য়াওবা ক্রোপ মখলশিং হেন্না হেন্না থাবগী তঙাই ফদবা লৈ৷

লৌমীশিং অসিগীদমক কোল্দ স্তোরেজ ফেসিলিতীশিং, ত্রান্সপোর্ত অমসুং মার্কেতিং মেকানিজম য়াওনা অফবা ইনফ্রাস্ত্রকচর শেম্বা অসিসু য়াম্না মরু ওই হায়না উপ-রাস্ত্রপতি অসিনা হায়খ্রে৷ লৌমীশিংনা মখোয় মখোয়গী পোত্থোকশিং অদু নিংথীজনা য়োনবদা ই-নাম ফেসিলিতী অসিনসু লৌমীশিং অসিবু মতেং পাংলগনি হায়না মহাক্না ফোংদোকখি৷

কোবিদ-১৯ লাইনা-লাইচৎ অসিনা লৌমীশিং অসিদা চৈথেং পীবা তারবসু লৌমীশিং অসিনা মহৈ-মরোংশিং অসি পুথোকপদা রেকোর্দ থমদুনা থৱাই য়াওনা হোৎনখিবা অসিগীদমক লৈবাক অসিগী ফার্মিং কম্ম্যুনিতীবু শ্রী নাইদুনা থাগৎখ্রে৷

লোমী খরনা মখোয় মখোয়গী ইমুং-মানুং পুম্নমক লাক্তুনা মখোয় মখোয়গী এক্সপরিয়েন্স অদু উপ-রাস্ত্রপতি অসিদা তমখি৷

দাইবর্সিফিকেসন অমসুং ইন্তর ক্রোপ কল্তিবেসন অসিনা মরম ওইদুনা হেন্না ফবা শেন্দোং ফংবা ঙম্লিবা ওর্গনিক অমসুং নেচরেল ফার্মিং অসিদা ওন্থোরকপা অসিদা মখোয় য়াম্না নুংঙাইবা ফাওই হায়না উপ-রাস্ত্রপতি অসিদা মখোয় পুম্নমক্না হায়খ্রে৷

ওর্গনিক অমসুং নেচরেল ফার্মিং অসিগী মতাংদা মখোয়গী ইমুং মানুংশিংনা হৌরকপা মতমদা পাম্লমদ্রবা তারবসু মফবা রিজল্তশিং অদু উরবদগী মখোয়গী ৱাখল্লোন অদু হোংলকখ্রে অমসুং ত্রেদিস্নেল ফার্মিং অসি মখাতানা চৎথনবা হেন্না পুকনিং থৌগৎখ্রে৷ ইনপুত কোস্ত কা হেন্না য়ামদনা চংদনা মখোয়না হেন্না ফবা অমসুং পোত্থোক হেন্না য়াম্না পুথোকপা ঙম্লে হায়না লৌমীশিং অসিনা ফোংদোরকখ্রে৷ মখোয়শিং অসিনা ত্রেদিস্নেল মেথদশিং অসিগা লোইননা তেক্নোলোজী শিজিন্নদুনা হেন্না ফবা রিজল্তশিং পুথোকপা ঙম্লিবনি৷ মার্কেতিং অসিনা লৌউ-শিংউ অসি মাই পাকপগী খ্বাইদগী মরু ওইবা লম্বী ওইরি৷

লোইশিল্লকপদা লৌমীশিং অসিনা উপ-রাস্ত্রপতি অসিগা উনদুনা মখোয়গী এক্সপরিয়েন্স অদু সেয়র তৌবা ফংজবা অসিদা অপেনবা নুংঙাইবা ফোংদোকখি৷

চিত্তুরদগী লাক্লিবা ফিভম ফগৎলবা লৌমী শ্রী জি. নগারত্নমনা ইন্তিগ্রেতদ ফার্মিং, বাইও-দাইবর্সিতী অমসুং ইফেক্তিব ওইবা ৱাতর মেনেজমেন্ত মহাক্না শিজিন্নরিবা অসিগী মতাংদা উপ-রাস্ত্রপতিদা হায়খ্রে৷ মহাক্না ইশিং য়াম্না শিজিন্নদনা মহৈ-মরোং মখল কয়ামরোম থারি৷

তেকি অমা ওইরম্বদগী লৌমীগী শিনফম পাইরিবা ভাদ্রদ্রিদগী শ্রী দেবরপাল্লিনা ওর্গনিক ফার্মিং অসি হেন্না হেন্না য়োকখৎনবা মহাক্না মোদর্ন তেক্নোলোজী শিংজিন্নৈ অমসুং মদুনা মরম ওইরগা হেন্না অফবা রিজল্তশিং ফংলে হায়না মহাক্না ফোংদোকখ্রে৷

নগরকুনুল জিলাদা লৈরিবা শ্রী বাইরপকা রাজু অসি মতম অমদা য়াম্না নংবা লৌমী ওইরম্মী অদুবু মহাক্কী হোৎনবা কনবা অসিনা লৌমী কয়ামরোমদা ইন্সপিরেসন ওইরি৷ মহাক্না মরু মখল ৫০০ থারি অমসুং সোসিয়েল মেদিয়া গ্রুপশিংগী খুৎথাংদা লৌমীশিংদা পাউতাক পীরি৷

নগরকুনুল জিলাদা লৈরিবা লৌমী মতৈ-মনাউ শ্রীমতি লবন্য রেদ্দী অমসুং শ্রী রমানা রেদ্দী অনিসু ওর্গনিক ফার্মিং অসি তৌরি অমসুং ফৌ অমসুং হৱাইশিং থারি হায়না মখোয়না ফোংদোরকখ্রে৷ মখোয় অনিনা মখোয়গী পোত্থোক অদু মশানা য়োঞ্জরম্মী৷

রঙ্গ রেদ্দী জিলাদগী শ্রী সুখাবাসি হরিবাবুসু হোর্তিকল্চর তৌরম্মী অমসুং ইন্তিগ্রেতেদ ফার্মিং মেথদশিং অসি শিজিন্নদুনা মেদিসিনেল ওইবা পাম্বীশিং অমসুং উহৈ মখল কয়া অমা থারম্মী হায়না ফোংদোরকখ্রে৷

পদ্ম শ্রী মনা ফংখ্রবা শ্রী য়দলাপতি ভেনকাতেস্বরা রাউ অমসুং ইদিতর রাইথু নেস্থানসু শরুক য়াখি৷

নুমিৎ অসিদা লৈবাক অসিগী ফুদ সেক্যুরিতীগীদমক থৌনা লৈনা হোৎনরিবা লৌমী পুম্নমক্তা উপ-রাস্ত্রপতি অসিনা য়াইফ পাউজেল পীখ্রে৷

*****