​অচুম্বা ই-পাউ, জর্নেলিজম অমসুং মেদিয়াগী তুংদা ওইরক্কদবা ফিভম অসিগী মতাংদা ৱা ঙাংলদুনা মেদিয়া অসিনা লৈবাক মীয়ামদা অচুম্বা পাউ অমসুং খন্না নৈনরিবা অদু শন্দোকপগী য়াম্না অফবা খুৎলাই অমা ওইবনা ক্রেদিবল ওইবা জর্নেলিজম ফংহন্নবা স্তেকহোল্দর পুম্নমক্তা ভারতকী উপ-রাস্ত্রপতি অমসুং রাজ্য সবাগী চিয়রমেন শ্রী এম ভেনকাইহ নাইদুনা তকশিনখ্রে৷

ঙসি হায়দরবাদতা ভর্চুয়েল্লী ওইবা মোদতা পাংথোকখিবা এম.ভি. কমত মিমোরিয়েল এন্দোমেন্ত লেকচর অসিদা ৱা ঙাংদুনা শ্রী নাইদুনা “জর্নেলিজমগী: হৌখিবা, হৌজিক ওইরিবা অমসুং মতুং তারকপদা ওইরক্কদবা” অদুগী মতাংদা শন্দোক্না ফোংদোকখ্রে৷

পাউ ফোংবগী মনিং মখা তম্বা, সেন্সরশিপ, রিপোর্তিং তৌবগী নোর্মশিং ইন্দবা, জর্নেলিস্তশিংগী সোসিয়েল রেস্পোন্সিবিলিতী, জর্নেলিজমগী ভেল্যুশিং অমসুং ইথিক্সশিংদা কাইরকপা, য়েল্লো জর্নেলিজম, লান্না পাউ শন্দোকপা, মশা খক্তগী ওইজবা থিরগা রিপোর্তিং তৌবা, ইন্তরনেতনা পীরিবা অকাইবশিং অমসুং হায়রিবা চেলেঞ্জশিং অমসুং তঙাই ফদনা য়েংশিনবা দরকার ওইরিবশিং অসিগী মরক্তা তুংদা ওইরক্কদবা মেদিয়াগী ফিভম অসিগা মরী লৈনবা মেদিয়া অমসুং জর্নেলিজমগী ইসুশিং অসিগী তঙাই ফদনা য়েংশিনবা মরু ওইরিবা হিরমশিং উপ-রাস্ত্রপতি অসিনা পনখ্রে৷

“য়েল্লো জর্নেলিজম অসিনা য়াম্না মরিক চুম্বা পাউশিং শন্দোকপগী মহুৎতা নিংথীনা মমুৎ তানা খঙদ্রিবা পাউশিং শন্দোক্তুনা মীবু হেদিং খক্তমক উহল্লগা মীগী মীৎয়েং ফানবা হোৎনৈ৷ মখোয়গী পাউ পাবিনবা অমসুং য়েংবিনবা মী মশিং হেনগৎহনবা হায়বা অসিনা মখোয়গী পান্দম ওইরি অমসুং মসি তৌরোইদবনি” হায়না শ্রী ভেনকাইহ নাইদুনা ফোংদোকখ্রে৷

অরানবা অমসুং মরিক চুমদবা পাউশিং শন্দোকপদা অমসুং জর্নেলিস্তিক নোর্মশিং অমসুং ইথোসশিং কাইহল্লকপদা অচৌবা থৌদাং লৌরিবা ইন্তরনেত অমসুং সোসিয়েল মেদিয়া হেন্না শিজিন্নবা হেনগৎলকপা অসিনা থোকহল্লিবা ‘ইন্সতেন্ত জর্নেলিজম’গী ইমপ্লিকেসনশিং অসিগী মতাংদা উপ-রাস্ত্রপতি অসিনা ৱা ঙাংখ্রে৷ ৱেব অসিনা ই-পাউ শন্দোকপগী খ্বাইদগী মরু ওইবা দিস্ত্রিব্যুতর ওইরে অমসুং তেক্নোলোজী জাইন্তশিংনা ই-পাউগী অল্গোলিথমিক গেতকীপরশিং ওইনা থোক্লকখ্রে হায়না মহাক্না মখাতানা ফোংদোকখি৷ ই-পাউ শন্দোকপগী প্রদক্তশিং অসি তেক্নোলোজী জাইন্তশিংনা তৌখিবা অমসুং মরী লৈনবশিংদা রেভিন্যুশিং কারক্তবা অসিনা মরম ওইদুনা খবরগুম্বা ত্রেদিস্নেল মেদিয়ানা থেংনরিবা শেল-থুমগী ইমপ্লিকেসনশিং অসিগী মতাংদা শ্রী নাইদুনা ৱা ঙাংখ্রে৷ রেভিন্যু অসি ইন্তরনেতনা অকাইবা পীরে অমসুং মরিক চুমদবা ইমপ্লিকেসন লৈবা ই-পাউশিং মখোয়না শন্দোক্লে হায়না মহাক্না ফোংদোকখি৷

“মমল চংনা প্রিন্ত মেদিয়ানা পুথোক্লিবা ই-পাউ অমসুং রিপোর্তশিং অসি সোসিয়েল মেদিয়া জাইন্তশিংনা হাইজেক্ত তৌরি৷ মসি মচুম্বা অফবা নত্তে৷ লৈবাক খরদি সোসিয়েল মেদিয়া জাইন্তশিংনা প্রিন্ত মেদিয়াদা রেভিন্যু কাহন্নবা খোঙথাংশিং লৌখৎলি৷ ঐখোয়সু হায়রিবা ফিভম অসিদা নিংথীনা য়েংশিনবিবা তঙাই ফদ্রে অমসুং ত্রেদিস্নেল মেদিয়া অসি মখাতানা হিংবা ঙম্ননবগীদমক চান্নবা রেভিন্যু সেয়রিং মোদেলশিং পুথোক্কদবনি” হায়না শ্রী নাইদুনা ফোংদোকখ্রে৷

লৈবাক অসিগী সোসিয়ো-পোলিতিকেল অমসুং ইকোনোমিক ত্রান্সফোর্মেসন অসি নৈনবদা অমসুং রিপোর্তিং তৌবদা মেদিয়াগী মথৌ অদু পল্লদুনা মদিয়া পর্সনশিংনা তোঙান তোঙানবা মতমশিংদা তোঙান তোঙানবা য়ার্দস্তিকশিং শিজিন্নবগী মহুৎতা অসিগুম্বা চেঞ্জ অসিদা রিপোর্তিং তৌবদা কন্সিস্তেন্ত লৈননবা মেদিয়াগী মীওইশিংদা শ্রী নাইদুনা ফোংদোকখ্রে৷ “মেদিয়া অসি নুমিৎয়ুম্বী অমগুম্না তৌগনু হায়না ঐনা হায়জবনি৷ মেদিয়ানা রিপোর্তিং অমসুং এনালাইতিকেল তুলশিংগী স্তেন্দর্দ ওইবা সেত অমা শিজিন্নগদবনি” হায়না মহাক্না ফোংদোকখ্রে৷                                                                                                        মসিগী মতাংদা শন্দোক্না তাক্লদুনা হৌখিবা চহী খরা অসিদা লৈবাক অসিদা থোক্তুনা লাক্লিবা চেঞ্জ অসি কন্সতিত্যুসন অসিগী ফ্রেমৱার্ক্কী মনুংদা থোকপনি অমসুং কন্তেকচুয়েল রিলিভেন্স লৈ হায়না শ্রী নাইদুনা ফোংদোকখ্রে৷ “হায়রিবা কন্তেক্স অসি শম্লক্না নিংশিংদুনা ভারতনা মনিং মখা তমদুনা পোলিতিকেল স্তেবিলিতী চহী ৩৫ লৈরবা মতুং অসিদা স্তেবিলিতী অসি ফংদ্রিঙৈগী মমাংদা মখোয়শিং অসিগী মরক্তা ইনস্তেবিলিতী লৈরম্মী৷ মতমগী মতুং ইন্না হায়রিবা অহোংবশিং অসি মীয়ামগী পর্সেপ্সনশিং, পর্স্পেক্তিবশিং অমসুং পোজিসনশিং লৈরিবা অহোংবশিং অদুগী মতুং ইন্না চৎলম্মী” হায়না মহাক্না হায়খ্রে৷

পব্লিক পর্সেপ্সনশিং অমসুং পর্সপেক্তিবশিং অসি অচুম্বরোমদা ওন্থোকপদা মেদিয়াগী তৌবা ঙম্বা অদুগী মতাংদা ৱা ঙাংলদুনা লৈবাক অসি শেমগৎপা মতমদা লৈবাক অসিগী মীওই খুদিংমক, সরকার অমসুং অতোপ্পা স্তেকহোল্দরশিং অমসুং মেদিয়াসু মশা মশাগী ওইবা অচৌবা থৌদাং লৈবনা মরম ওইদুনা থেংনরিবা প্রোব্লেম অসিগী শরুক অমা ওইদনা সোলুসনগী শরুক অমা ওইননবা শ্রী নাইদুনা মেদিয়াদা হায়খ্রে৷

অহোংবা কয়ামরোম লৈনা-লৈনা মতুং তারকপদা করি থোক্কদগে হায়বা ঙমদবা অমসুং তোঙান তোঙানবা মরমশিং অসিগীদমক জর্নেলিজম অমসুং মেদিয়া অসিনা থেংনরিবা ক্রাইসিস্কী ফিভম অসিগী মতাংদা ৱা ঙাংলদুনা অফবা তুং অমা ওইননবা ‘ওতো করেক্সন’ অমা তঙাই ফদে হায়না শ্রী নাইদুনা ফোংদোকখ্রে৷

ন্যুস অমসুং ভিয়ুস্পু তোঙান্না খাইদোক্লগা থম্নবা অমদি অমগা অমগা পুনশিন্দনবা উপ-রাস্ত্রপতিনা মেদিয়াগী মীওইশিংদা হায়খ্রে৷ জর্নেলিস্তিক ভেল্যুশিং অমসুং ইথোস মরাই চাইথরক্লিবা অসিবু মীৎয়েং চংনবা মহাক্না হায়খ্রে৷ ন্যুস অমসুং ভিয়ুস্কী মরক্তা খেৎনবা লৈরবসু মহাক্না লৈখিদ্রবা শ্রী কমত পন্দুনা, মহাক অসি মশাগী ওইবা প্রিন্সিপলশিং  অমদি থবক থৌরমশিংনা মরম ওইদুনা অফবা মীশক অমা ওইবতা নত্তনা অতোপ্পা লৈবাকশিং অমসুং ভারত পুম্বনা চাওনা ইকাই খুম্নবা মী অমা ওইখি হায়না মহাক্না ফোংদোকখি৷

ভারততা জর্নেলিজম অসিবু মীয়াম্না য়াম্না পাম্নবা, চেলেঞ্জিং ওইবা অমদি য়াম্না থৱাই য়াওনা তৌবা থবক অমা ওইরকপা অমদি জর্নেলিজম অসিবু ঙসি লৈরিবা অসিগী থাক্তা পুখৎলকপদা মতেং পাংলিবা মীওই খুদিংমকপু শ্রী নাইদুনা থাগৎপা ফোংদোক্লম্মী অমদি জর্নেলিজম অসিবু শিনফম অমা ওইনা তৌরিবা, খল্লিবশিং অসিবু থাগৎলম্মী৷ মেদিয়াগী মীওইশিংবু অঙম্বা থাক্তা থবক তৌনবা অমদি জর্নেলিজম্বু মপুং ফানা চাওখৎহন্নবা মহাক্না ফোংদোক্লম্মী৷

কোবিদ-১৯ লাইনা-লাইচৎ অসিনা থোকহল্লিবা ক্রাইসিসশিং অসিবু মাইয়োক্নবা অমদি লান্থেংননবগীদমক মেদিয়াগী লুপশিংবুসু শ্রী নাইদুনা থাগৎপা ফোংদোক্লম্মী৷

মনিপুর একাদেমী ওফ হাইয়র এদজুকেসন(এম.এ.ঐচ.ই.)গী ইকাই খুম্নরবা প্রো ভাইজ চান্সেলর দা. ঐচ.এস. ভল্লাল, ভাইজ চান্সেলর লেফতনেল জেনেরেল এম.দি. ভেনকতেশ, মনিপাল ইন্সতিত্যুত ওফ কম্ম্যুনিকেসনগী দাইরেক্তর দা. পদ্ম রানি অমসুং এদমিনিস্ত্রেতিব অমসুং একাদেমিক দিপার্তমেন্তশিংগী মেম্বরশিংনা থৌরম অসিদা শরুক য়াখি৷

মখাগী অসি ৱারোল অসিবু মপুং ওইবা তেক্সনি:

“ঐখোয় অসি ই-পাউগী মতম অসিদা হিংলি হায়না তোইনা মীয়াম্না হায়নৈ৷ হায়িবা অসি চুম্মী অদুবু ঐখোয়গী মমাংগী জেনেরেসনশিংদি ই-পাউগী মতমগা মরী অমতা লৈনদে হায়বদি য়ারোই মরমদি উচেক ওইসনু শা ওইরবসু মখোয়না মশানা চানবা মচিঞ্জাক থিরকপা মতমদা ই-পাউ ইনফোরমেসনগী মতেং লৌই৷

ঐখোয় মীওইবা হায়বসিনা শা ময়ামদগী খ্বাইদগী লৌশিং লৈ, মতমগী মতুং ইন্না মীওইবগী পুন্সিসু অহোংবা লাকই৷ অহোংবা অসি লাকপনা মখল-মথেলগী ওইবা ই-পাউশিং পাম্নরক্লি৷ তেক্নোলোজী চাওখৎলকপা অসিনা অনকপা অমসুং অরাকপা মফমদা থোক্লিবা তোঙান তোঙানবা ই-পাউ তানিংবগী অপাম্বসু হেনগৎলক্লি৷ মরমশিং অসিনা ই-পাউ অসিবু মফম অমদগী মফম অমদা য়ৌহনবদা মেদিয়া মতেং পাংলি৷ অসুম্না মেদিয়ানা তোঙান তোঙানবা ৱাখল্লোন অমসুং ওপ্সনশিং মীয়ামদা পীরি৷

মাধব ভিথাল কমত মতম অমদা মালেমগী শক্নাইরবা মেদিয়াগী মীওইনি৷ মহাক্না চহী কয়া অমা রিপোর্ত পীবা অমসুং ইবগী থবক তৌরম্মী৷ মহাক্না মতম মতমগী থোকপা ইসু কয়াগী ময়েক শেংলবা ৱাখল্লোন কয়া অমসু ইরম্মী৷ মহাক সেপ্তেম্বর ১৯২১দা পোকখি, মসিগী চহী অসি লৈখিদ্রবা শ্রী কমতকী সেন্তিনরী ওইবা চহীনি৷ অসিগুম্বা লেন্দমার্ক ওইরবা চহী অসিদা ‘জর্নেলিজমগী মতাংদা: হৌখিবা, হৌজিক ওইরিবা অমসুং তুংদা লাক্কদৌরিবা’ অসিগী মতাংদা ৱা ঙাংবগী খুদোংচাবা ফংজবা অসি ঐ তশোংনা ঙকপা ফাওই৷

জর্নেলিজম হায়বা অসি ই-পাউ খোমগৎপা, পাউ অদুবু নৈনবা অমসুং পাউ অদুবু মীয়ামদা য়ৌহনবা অসি জর্নেলিজমগী মথৌনি৷ পাউ অসি চাওখৎ থৌরাংশিং অমসুং হৌজিক হৌজিক্কী ওইবা থৌদোক ৱাথোকশিংনি৷ অদুবু মতমগী মতুংইন্না ই-পাউ খোমগৎপা ই-পাউ মীয়ামদা য়ৌহনবা অসিদা চাওনা অহোংবা কয়া লাকখ্রে৷ মমাংগী মতমদদি ই-পাউ অসি ললোন-ইতেক তৌবা মীশিংনা মীয়ামদা য়ৌহল্লম্মী অদুদগী খুৎনা ইবা ই-পাউশিংবু থেৎলগা মীয়ামদা য়ৌহল্লমী৷ মতমগী মতুং ইন্না ১৮শুবা চহী চা অসিদা প্রিন্তিং প্রেস লাকপদগী খবরগী খুৎথাংদা ই-পাউ মীয়ামদা য়ৌহল্লমী৷ প্রিন্ত মেদিয়া অসিনা ২০শুবা চহী চা ফাওবদা  তি.ভি. অমসুং রেদিওবু নমথদুনা চৎলি৷ মালেম  অসিদা লৈরিবা মীওই লাখ কয়াদি অয়ুক হৌগৎলকপদা কোফী থক্লগা খবর পাবা পাম্মী৷ অদুগা ঐ ইশামকশু হায়রিবা মীওইশিং অসিগী মনুংদা অমনি৷

সেতলাইত কম্ম্যুনিকেসন অমসুং ইন্তরনেত লাকপদগী মেদিয়াগী ফিভম অসি মথক মখা ওল্লে৷ ২১শুবা চহী চা অসি ইন্তরনেতকী মতমনি৷ ইন্তরনেত লাকপনা মরম ওইরগা খুদক্কী ওইবা ই-পাউ ঐখোয়না তাবা ফংলি৷ অচুম্বা ই-পাউ অমসুং ময়েক শেংদবা ই-পাউগী খেৎনবা অসি য়াম্না লৈরে, মসিনা মরম ওইদুনা মীয়ামশিংবু লান্না লমজিংনবগী মচাক অমা ওইরে অমসুং মসি অথুবা মতমদা য়েংশিনবা তঙাই ফদে৷ ঐনা ঙসি ময়ামগী মফমদা ঐহাক্না জর্নেলিজম্বু খঞ্জবা অমসুং হৌজিক চাওখৎলক্লিবা মেদিয়াগী ফিভমগী মতাংদা ৱাফম খরা হায়নিংই৷ ঐনা হায়গদৌরিবা ফ্রীদম ওফ প্রেস্কা মরী লৈনবা ইসুশিং, সেন্সরশিপ, রিপোর্তিংগী চৎনা কাংলোন, মেদিয়া পর্সন অমনা সমাজ অসিদা লৌগদবা থৌদাং, জর্নেলিজমগী ইথিক্স অমসুং ভেল্যুদা কাইথরকপা, য়েল্লো জর্নেলিজম, সেন্সেসন্নেলাইজেসন, ওপিনিওনেতেদ রিপোর্তিং, ইন্তরনেতকী চৈথেং, মেদিয়াগী ওইরক্কদবা ফিভম অসিনচিংবা য়াওরি৷ খবর মশিং হেনগৎলকপা অমসুং ১৭শুবা চহী চাদগী হৌরগা খবরশিংসু সেন্সরশিপ ময়াম অমা মতম মতমগী মতুং ইন্না হেনগৎলক্লি৷

জেম্স ওগস্তস হিক্কীনা খবরবু কম্মর্সিয়েল পেপরনি অমদি করিগুম্বা অমতনা শাফু পীদবা পেপরনি হায়না ইরম্মী৷ মহাক্না “দি বোম্বে গেজেৎ” কৌবা ইংলিস লোন্দা ইবা খবর অমা ভারততা ১৭৮০দা হৌদোক্লম্মী৷ হায়রিবা গেজেৎ অসিদা মিনাইশিং য়োনবা অমসুং লৈবা, পুশিল্লকপগী মতাংদা এদভর্তিসমেন্ত কয়া তৌরম্মী৷ ইস্ত ইন্দিয়া কম্পেনীগী ওফিসিয়েলশিংনা তৌবা থবক থৌরমশিংগী মতাংদা মহাক্না কয়া অমা ইরম্মী৷

ভারত মনিং মখা তম্ননবগী ১৮৫৭দা থোকখিবা অহানবা লান তৌখ্রবা মতুংদা কোলোনিয়েল লৈঙাক্না খবর অমদি মরু ওইনা বর্নেকুলর প্রেস এক্তকী মাইয়োক্তা লৈরম্মী অদুবু ১৮৭৮গী বর্নেকুলর প্রেস এক্তনদি সেন্সরশিপকী অকনবা শক্তি অদুবু ওথোরিতীশিংদা পীরম্মী৷

য়েল্লো জর্নেলিজম্না অচুম্ববু খুমজিন্দুনা অরানবা ই-পাউ কয়া শন্দোকই, অসিগুম্বা ই-পাউ অসিদগী ঐখোয়না লাপ্না লৈগদবনি৷

এদবর্তিসমেন্তদগী লাকপা শেনফম্না মেদিয়াগী লুপ অমহেক্তগী হিংননবগী লম্বী ওইরিবনি অদুবু মেদিয়াগী ফিভমদি হেন্না হেন্না চাওখৎলকপা অদুগা মেদিয়া অসিদা লাক্লিবা শেনফমদি হেন্না হেন্না পীকশিল্লকপা অসিনা মরম ওইদুনা জর্নেলিজমগী চাওখৎ খোঙথাং কয়াদা চাওনা অকাইবা অমাংবা কয়া অমা পীরে৷

তেক্নোলোজী চাওখৎলকপনা মেদিয়াগী লম্বীদা অকাইবা অপনবা কয়া অমা পীরি৷ তোক্নোলোজী জাইন্তশিংনা ই-পাউগী অল্গোরিথম গেত ওইরকপা অমসুং ৱেবশিংনা ই-পাউ অমদি ন্যুস শন্দোরকপগী পাম্বৈ ওইরকপা অসিনা জর্নেলিজমনা অচৌবা শমশ্য কয়া অমা মাইয়োক্নরি৷

ত্রেদিস্নেল প্রিন্ত মেদিয়া অসিনা তশেংনা তেক্নোলোজীগী অহোংবা অসিগা চুশিন্ননবা হোৎনরবসু মেদিয়াদগী লাক্লিবা শেনফম অসি পীকপনা মরম ওইদুনা অদুমক শমশ্য কয়া অমদি মাইয়োক্নরি৷ প্রিন্ত মেদিয়ানা য়াম্না ৱানা শেল চংনা পুথোরকপা ই-পাউ অমদি রিপোর্তশিংবু সোসিয়েল মেদিয়া জাইন্তশিংনা য়াম্না লাইনা লৌদুনা ফোংলি৷ অতোপ্পা লৈবাক খরদদি লৈঙাক্না মেদিয়াদগী লাক্লিবা শেনফম্বু প্রিন্ত মেদিয়া অমদি সোসিয়েল মেদিয়া অনিদা য়েন্ননবা থৌরাং কয়া লৌখৎলি৷ মরম অসিনা ঐখোয়গী লৈবাক অসিদসু মেদিয়াদগী লাকপা শেনফম্বু প্রিন্ত মেদিয়াশিংদসু শরুক খরা ফংহন্নবা হোৎনবা তঙাই ফদে৷  

হরাউ তয়াম্বা সমাজ, মীয়ামগী অফবা, ইং-চিকপা অমদি নেস্নেল সেক্যুরিতীবু ঙাক্না অমদি কাইদনা থম্নবা ঐখোয়না লেপ্পা লৈতনা সোসিয়েল মেদিয়াদা পুথোরক্লিবা ই-পাউশিংবু চেকশিন্না য়েনশিনবা তঙাই ফদে৷ ঐখোয়না ফ্রীদম ওফ এক্সপ্রেসন হায়রগা অমনা অমগী মরক্তা তুগৎচনবা, শাউনবা পোক্নবা ৱাশিং অদু হায়নবা নত্তে৷

নুংশিরবা ইনাওশিং অমসুং ইচলশিং!

জর্নেলিজমগী খ্বাইদগী মরু ওইবা থবক্তি অচুম্বা পাউ পুথোকপা অমদি পাউ অদুবু য়ারিবমখৈ মীপুম খুদিংদা য়ৌহনবা অদুনি৷ অসিগুম্বা অচুম্বা পাউ অসিনা সমাজ অসিদা লৈরিবা জর্নেলিজমগী মাইয়োক্তা হংলিবা অরুবা ৱাহং কয়াবু থেংনবা ঙমগদৌরিবনি৷

মহাত্ম গান্ধীনা জর্নেলিজম্বু মীয়ামগী মতেং পাংনবগী পাম্বৈ অমা ওইনা উরম্মী৷ মহাক্না মশাগী ওতোবাইওগ্রাফীদা হায়রি অমদি ঐনা হায়রি মদুদি “জর্নেলিজমগী অমতা ঙাইরবা থৌদাং অদুদি মতেং পাংবনা ওইগদবনি৷ খবর অসি শক্তি য়াম্না লৈ অদুবু অফা অপুন তৌদ্রবা ইশিং ইরৈনা চাউখ্রবা লম লুপহনবা অমদি মনা-মশিং মাংহন তাকহনবগা পাংকক্নি”৷

জর্নেলিজম্বু থাজনবা অমতা ঙাইরবা পাম্বৈদি সেল্ফ-রিগুলেসননি৷ থাজদবা মেদিয়া অসিদি কনানসু পাম্নদে৷

মেদিয়া ওর্গনাইজেসনগী মপু, ইদিতরশিং, জর্নেলিস্তশিং অমদি পাউ অদুবু তারিবা, পারিবা অমসুং য়েংলিবশিং অসি পুনশিল্লগা মেদিয়াগী শংশার অসি ওইরিবনি৷ মখোয় খুদিংমক মীওইবা ঙাক্তনি৷ অদুবু ই-পাউ ফোংবা মতমদা পর্সোনেল ওইবা ৱাখল্লোন অমদা পোজিসননা থোকহল্লিবা থৌদোক ৱাথোকশিংগী রিপোর্ততা অকাইবা পীরোইদবনি৷ পাউ পারিবা অমদি য়েংলিবশিংনসু মখোয়গা চান্নবা মখোয়না পাম্বা পাউ খক য়েংলোইদবনি৷

ঐগী লৈখিদ্রবা অফাওবা মরুপ অরুন জেত্লীনা নুংঙাইতনা হায়রম্মী মদুদি ই-পাউগী চেনেলশিং কা হেন্না য়াম্না লৈ অদুবু অশেংবা অচুম্বা পাউদি খরা খক্তনি৷ মসি অহোংবা পুরক্নবা হোৎনগদবনি৷

জর্নেলিজম হায়বা অসি মতমগী মতুং ইন্না অচুম্বনা পান্দম ওইরগা অমদি অশেংবা থোক্নবা য়োকখৎপা অসিনি অদুবু মসি মরুবা থবক অমনি৷ ঐনা অসুম্না হায়রগা মেদিয়া অসি থাজনিংঙাই ওইদে হায়বদি নত্তে৷ ঐখোয়না সোসিয়ো-ইকোনোমিক্কী অহোংবা অমদি লৈবাক অসি শেমগৎননবগীদমক পার্লিয়ামেন্তরী দেমোক্রেসী অসি খনখ্রবনি৷ সরকার অমসুং প্রজাশিংগী মরক্তা লৈরিবা মরী অসি ফগৎনবা, মেদিয়ানা সরকার অসিনা পাইখলক্লিবা চাওখৎ থৌরাংশিং অসি প্রজা মীয়ামদা য়ৌহনবা তঙাই ফদে৷ মসি হায়রগা মেদিয়ানা সরকার অসিগী থবক তৌবিরগা লৈয়ু হায়বা নত্তে, শু্প্নতগী অহোংবা লাক্লিবা, পার্তনরশিপ শেম্বা অমসুং মীয়ামশিং শরুক য়াহন্দুনা মখোয়না থেংনরিবা শমশ্য অমসুং মতৌ করম্না মাইয়োক্নবগে হায়বা অদু য়েংশিনবা অমসুং মীয়ামদা রিপোর্ত পীয়ু হায়বনি৷ অসুম্না তৌরবদি ঐখোয়গী পোলিতিকেল বোদীদা মীয়ামগী থাজবা অমুক হন্না ফংবা ঙমগনি৷

মেদিয়ানা সোসিয়ো-পোলিতিকেলগী হিরমদা মতৌ করম্না মথৌ তৌরি হায়বা অসিসু খঙবা দরকার লৈ৷ মসিগী মতাংদা তেন্তক্না নিংশিংবা মতমদা, নিংখা তম্লবা মতুং চহী ৩৫ পোলিতিকেল স্তেবিলিতী লৈরক্লবা মতুং পোলিতিকেল স্তেবিলিতী হঞ্জিনদ্রিঙাই চৈরক্তা, ইনস্তেবিলিতী খরা লৈখ্রে৷ মসিগী অহোংবা অসি মীয়ামগী ৱাখল্লোন, অপাম্বা অমদি পোজিসন মতমগী মতুং ইন্না হোংলকপা অসিদা য়াওখ্রে৷ মেদিয়ানা অসিগুম্বা অহোংবা অসি রিপোর্ত তৌরম্মী অমদি মখোয়গী ওইবা ৱাখল্লোনশিং ফোংদোক্নরম্মী ৷ মতমগী মতুং ইন্না ঐখোয়গী লৈবাক অসিদা কম্মেন্তেতরশিংনা লেফত লর্নিং অমসুং লিবরেল ওইবা মেদিয়ানি হায়রি৷ কনা অমতনা হিরম অসিদা য়েৎপসু ঙমদে৷

অদুবু মেদিয়ানা হান্নদগী লৈরিবা ৱাখল্লোন, নিতি নিয়মদা অদুমক লৈবদগী অমদি হোংলক্লিবা অসিদা চুশিন্নদবদগী প্রোব্লেম কয়া থোকলক্লি৷ ঐনা অসুম্না হায়রবসু মেদিয়া অসি নুমিৎ য়ুম্বীগা মান্নরে হায়বা নত্তে৷ ঐনা হায়বদি মেদিয়ানা হোংলক্লিবশিং অসিবু থেংননবা স্তেন্দর্দ রিপোর্ত অমদি তুলশিং শিজিন্নগদবনি৷ অহোংবা হায়বা অসি হান্নগা খেৎনবা মান্নদবা মরম্না মেদিয়ানা মীয়ামদা অহোংবা অসি লান্না উহল্লোইদবনি৷  

ময়ামগীদমক লিবর্তী, ইক্বেলিতী, ফ্রাতর্নিতী অমসুং জস্তিস্কী কন্সতিত্যুস্নেল ভেল্যুশিং অদুদা সপোর্ত পীনবা ঐখোয়গী লৈবাক অসিনা হোৎনরি৷ হৌখিবা চহী খরা অসিদা ঐখোয়গী লৈবাক অসিদা থোক্লিবা অহোংবা পুম্নমক কন্সতিত্যুসন অসিগী ফ্রেৱার্ক্কী মনুংদা থোকপনি৷ লৈবাক অসি শেমগৎপগী থবক অসি হৌজিক হৌজিক নিংথীনা চৎথরি অমসুং হায়রিবা অসি ফংনবা লৈবাক অসিদা লৈরিবা মীয়ামশিং হেন্না হকচাং ফবা অমসুং পুন্না থবক তৌমিন্নবা তঙাই ফদে৷ অসিগুম্বা অপুনবগী শক্তম অসিনা লৈবাক মীয়ামশিংদা ‘নেস্নেলিজমগী’ অমসুং ‘নেস্নেলিস্ত স্পিরিতক’ অকনবা ৱাখল্লোন অদু লৈহল্লগনি অমসুং মসিনা ভারত মচা পুম্নমকপু অমতা ওইনা পুনশিনহল্লগনি৷

মেদিয়াগী লৈরিবা মখলশিং অসি এমপৱার্মেন্তগী খুৎলাই অমা ওইনা শিজিন্নদুনা পব্লিক পর্সেপ্সনশিং অমসুং পর্সপেক্তিবশিং অসি অচুম্বা অমরোমদা চুমথোকপগী তৌবা ঙম্বা শক্তি অদু মেদিয়াদা লৈ৷ মেদিয়া অসি প্রোব্লেম অমগী শরুক অমা ওইহনবগী মহুৎতা সোলুসন অমগী শরুক অমা ওইহনগদবনি হায়রিবগী মরমদি লৈবাক অসি চাওখৎনবা শেমগৎপদা মীপুং খুদিংমক, সরকার, অমসুং অতোপ্পা স্তেকহোল্দরশিং অমসুং মেদিয়াগীসু অখন্নবা থৌদাং লৈ৷

তেক্নোলোজিকেল অকাইবশিং য়াওনা তোঙান তোঙানবা মরমগীদমক মেদিয়ানা ক্রাইসিকী ফিভম অমা মাইয়োক্নরি৷ জর্নেলিজম অসি য়াম্না দিমান্দিং অমসুং চেলেঞ্জিং ওইবা শিনফম অমনি৷ চহীশিং অসিদা জর্নেলিজম অসি চাওখৎলকপদগী হৌজিক লৈরিবা জর্নেলিজম অসিদা নিংথীনা হৈ শিংলবা মীওইশিং মথৌ তাই৷ জর্নেলেজম অসি হেন্না হেন্না চাওখৎলক্নবা অমসুং হেন্না মশক খঙহন্নবা লাইরিক লাইসু নিংথীনা হৈরবা মীওইশিং য়াওনা নহাশিং অসিনা হৌজিক্তি জর্নেলিজম অসিদা য়াওশিল্লি৷

লৈবাক অসিদা জর্নেলিজম অসি চাওখৎনবা হোৎনবদা অচৌবা থৌদাং লৌরম্লিবা ভেতরান জক্নেলিস্ত পুম্নমক অসিদা ঐনা ইকাই খুম্নবা উৎলি৷ জর্নেলিজম অসিবু শিনফম অমা ওইনা খনবগীদমক অমসুং মীওই অমবু হেন্না এমপৱার তৌনবগী মচাক অমা ওইরিবা অসিগীদমক ৱার্কিং জর্নেলিস্তশিং পুম্নমক্তা ঐনা থাগৎপা ফোংদোকচরি৷

ঐখোয় ভর্চুয়েল্লী ওইনা পুনবা তঙাই ফদে, কোবিদ-১৯ লাইনা-লাইচৎ অসিনা ঐখোয়দা অহেনবা শাফু পীরে৷ লাইনা-লাইচৎ অসিনা মেদিয়া অসিদা অসু্ক্কী মতিক চাওরবা চৈথেং ফংহল্লি৷ অসিগুম্বা লাইনা-লাইচৎ অসিগী চাংয়েং অসি মেদিয়ানা থেংনরিবা থৌনা লৈনা থেংনদুনা ই-পাউ অসি লেপ্পা লৈতনা ফংহল্লিবা অসিগীদমক ঐনা থাগৎলি৷ মসিগী চেলেঞ্জ অসি অথুবা মতমদা ঐখোয়না লান্থোকপা ঙম্লগনি হায়বা অসি ঐগী থাজবনি৷

ময়াম পুম্নমকপু থাগৎচরি!

জই হিন্দ!”

*****