হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না এ.আই.আই.এম.এস. রাজকোত, গুজরাতকী এম.বি.বি.এস. ছাত্রশিংগী একাদেমিক সেসন ২০২০-২১গী অহানবা বেতচ অসি হেলথ অমসুং ফেমিলি ৱেলফিয়রগী য়ুনিয়ন মিনিস্তর ওফ স্তেত শ্রী আশ্বীনি কুমার চৌবে, গুজরাতকী চীফ মিনিস্তর শ্রী বিজয় রুপানি অমসুং দিপুতি চীফ মিনিস্তর শ্রী নিতিনভাই পতেল অমসুং গুজরাতকী হেলথ মিনিস্তর য়াওনা দিজিতেল ওইনা হৌদোকখ্রে।

এ.আই.আই.এম.এস., রাজকোত প্রধান মন্ত্রী স্বাসথ্যা সুরক্সা য়োজনা (পি.এম.এস.এস.ৱাই.)গী ফেজ-৬শুবগী মখাদা শেমগৎলকপনি। মসি ফমুং ৭৫০ লৈবা হোস্পিতাল অমা লোয়ননা অখন্নবা কয়া অমা লৈবা ওইগনি। মসি শেমগৎপগী শেনফম অসি চাওরাক্না লুপা করোর ১১৯৫ রোম ওইগনি হায়রিবা অসিদা স্তেত-ওফ-দ আর্থ মেদিকেল মচাক্কী লুপা করোর ১৮৫ অমসু য়াওরি।

এ.আই.আই.এম.এস. রাজকোতকী এম.বি.বি.এস. ছাত্রশিংগী অহানবা বেতচ অসিবু থাগৎপা ফোংদোক্লদুনা, দাঃ বর্ধন্না হায়খি মদুদি “এ.আই.আই.এম.এস. রাজকোত, গুজরাত অসি মিৎয়েং শাল্লবা লুচিংবা ইকাই খুম্নবদা মতিক চারবা প্রধান মন্ত্রী শ্রী নরেন্দ্র মোদীগী মখাদা শাগৎলকপা অনৌবা এ.আই.আই.এম.এস.শিংগী মনুংদা অমনি। লৈবাক অসিদা অতেনবা মতমগী ওইবা অনৌবা এ.আই.আই.এম.এস. লিংখৎনবা পান্দম থমদুনা হকশেলগী চেকশিন থৌরাং লৌখৎপা ঙম্বা, অশাংবা মতমগী পান্দম অসিনা ইন্দিয়াগী মীয়ামশিং অসি মশা-মউ ফনা থম্বা অসিনি”।     

হকশেলগী চেকশিন-থৌরাংগী থবকশিং অসিদা অৱাৎপশিং লৈরিবা অসি মেশিন্নবা সরকারনা অহানবা মরুওইবা অসি হন্না অমসুং মেদিকেলগী মহৈ তম্বগী লমদা খুদোংচাবা অসি হেন্না ফংহন্নবা অমুক হন্না পল্লদুনা দাঃ বর্ধন্না হায় মদুদি, “ভারত সরকারনা স্তেত কয়াদা অনৌবা এ.আই.আই.এম.এস. লিংখৎনবা লৌখৎলিবা খোঙথাং অসি মফম কয়াদা অহেনবা হকশেলগী চেকশিন-থৌরাং পীবদা পুক্নিং থৌগৎপা অমসুং মসিগী মগুন অসি য়ৌনবা, মান্নবা মতম অসিমক্তদা চহি ২০গী মমাংদগী লৈরম্লবা মেদিকেল কোলেজশিং অসি শেমগৎপা অসিনা দোক্তরশিংনা তৌরকপা দিমান্দ অমসুং মখোয়দা হায়রিবা অসি ফংহন্নবা লোয়ননা হোস্পিতালগী ফমুংশিং অসিগী অৱাৎপা লৈহন্দবা অসিনি”।

মহাক্না মখা তানা হায় মদুদি, “এ.আই.আই.এম.এস., রাজকোত অসি এম.বি.বি.এস.কী সীত ১২৫ লৈগনি, হায়রিবা অসিদা ই.দবল্যু.এস. ছাত্রশিংগী সীতশিং য়াওগনি। মসিগা লোয়ননা মতমগী মতুং ইন্না নর্শিং ছাত্র ৬০গীশু লৈগনি। হেলথ মিনিস্তরনা দবল্যু.ঐচ.ও.গী পান্দম ওইরিবা দোক্তর অমসুং অনাবাগী রেসিও “১০০০ খুদিংগী ১” হায়বা অসি ২০২১ ফংহন্নবা খৌরাংনা চংশিল্লি। ঐখোয়গী সরকারনা য়াম্না পুকচেল শেংনা এম.বি.বি.এস.কী সীত ৮০,০০০ ফংহন্নবা হোৎদুনা অথুবা মতমদা দোক্তকশিংগী অৱাৎপা লৈরিবা অসি মেৎখৎপা ঙম্নবা কন্না হোৎনরি”। “২০১৩-১৪গী একাদেমিক সেসন্দগী অনৌবা এ.আই.আই.এম.এস. কী অপুনবা এম.বি.বি.এস.কী সীত ৬০০ য়ৌখি, মসিনা আসা লৈবা এম.বি.বি.এস.কী ৩০০গী খুদোংচাবা ফংহনখি। মসিগী অনৌবা এ.আই.আই.এম.এস. হাপচিল্লকপা হায়বদি ২০২০দা এ.আই.আই.এম.এস., রাজকোত অসিগুম্বা  অসিনা লৈবাক পুম্বগী ওইনা এম.বি.বি.এস.কী সীত অসি সরকারগী লোয়শঙদা মশীং ৪২,৪৯৫দা হেনগৎখি” হায়না মহাক্না হায়খি।      

শ্রী চৌবেনা হায় মদুদি, “মসি য়াম্না হরাওনিঙাই ওইবা পোৎশক অমনি মদুদি এ.আই.আই.এম.এস., গুজরাত্না এম.বি.বি.এস. ছাত্রশিংগী অহানবা একাদেমিক বেতচ হৌদোক্লি। মসিনা স্তেত অসিদা মেদিকেলগী ওইবা মহৈ-তম্বগী লমদা মশক নাইবা অমা ওইরগনি। কোবিদ মতমগী মনুং অসিদা হকশেলগী চেকশিন-থৌরাংগা মরী লৈননা থবক তৌরিবা মীওইশিংনা লায়চৎ অসিবু নমথনবা হোৎনবদা লৌরিবা থৌদাং অসি শিংথানিঙাই ওই”।

লোইশিল্লকপদা, দাঃ বর্ধন্না হায় মদুদি, “দোক্তর অমসুং হকশেলগীদমক থবক শুরিবশিংনা লৈবাক অসিগী কোবিদকী লায়চৎ অসিবু হৌজিক কন্না লান্থেংনরিবা অসি মমাং থাদুনা চৎলি। নহা ওইরিবা অমসুং ৱাখল লৈরবশিংনা দোক্তরবু শিনফম অমা ওইনা খল্লকপা অসি শিংথানিঙাই ওই। ঐহাক্না অদোম পুম্নমকপু য়াইফবা পুরকপা অমসুং  মঙ্গোল ওইরসনু হায়দুনা থৌনিজরি”।

শ্রী মোহনভাই কুন্দারিয়া, পার্লিয়ামেন্তকী মেম্বর, শ্রীমতি পুনম্বেন মেদাম, পার্লিয়ামেন্তকী মেম্বর, দাঃ আমী য়াজনিক, পার্লিয়ামেন্তকী মেম্বর, শ্রী রাজেশ ভুশন, সেক্রেতরি হেলথ, দাঃ পি. কে. দাবে, এ.আই.আই.এম.এস.গী প্রসিদেন্ত, দাঃ সঞ্জীব মিশ্রা, , এ.আই.আই.এম.এস. রাজকোতকী দাইরেক্তর অমসুং অতৈ মকোক থোংবা ওফিসর অমসুং মরুওইবা মীওই কয়া অমা থৌরম অসিদা শরুক য়াখি।   

****