প্রধান মন্ত্রী শ্রী নরেন্দ্র মোদীনা ঙসি সোসিএলিস্ত রিপাব্লিক ওফ ভিয়েৎনামগী প্রধান মন্ত্রী ঙুয়েন সুয়ান ফুককা লোইননা ভর্চ্যুএল সম্মিৎ অমা পাঙথোকখ্রে।

প্রধান মন্ত্রী অনিনা হৌজিক পাইখৎলিবা বাইলেতরেল কোওপরেসনগী থৌরাংশিং য়েংশিনখি অমসুং রিজনেল অমদি গ্লোবেলগী সমস্যাশিংসু খন্নখি। ইন্দিয়া-ভিয়েৎনাম কম্প্রিহেনসিব স্ত্রেতেজিক পার্তনরশিপকী তুংগী ওইবা চাউখৎ থৌরাং পুরকপদা লমজিং-লমতাক্নবা সম্মিৎ অসিদা “জোইন্ত বিজন ফোর পীচ, প্রোস্পেরিতী এন্দ পিপল’ দোক্যুমেন্ত এদোপ্ত তৌখি। জোইন্ত বিজন অসি ইমপ্লিমেন্ত তৌনবা ২০২১-২০২৩গী প্লান ওফ এক্সন খুৎয়েক পীখিববু তরাম্না ওকখি।

লুচিংবশিংনা থবক তৌমিন্নরিবা লম পুম্নমক্তা বাইলেতরেল কোওপরেসন ফগৎহনবগী তঙাই ফদবা অদু ফোঙদোকখি। মখোয়না অমনা অমগী লৈবাক্কী চাউখৎ থৌরাংগী তঙাই ফদবশিং শৌগৎপদা অমদি ইন্দো-পেসিফিক রিজনগী শান্তি, তংদু লৈতাবা, সেক্যুর ওইবা, নীংখা-তম্বা, ওপন ওইবা, ইনক্লুসিব ওইবা অমসুং রুলশিংদা য়ুম্ফম ওইবা অপুনবগী পান্দমদা পুন্না থবক তৌমিন্ননবা য়ানখি।

মখোয়না কোবিদ-১৯ লাইচৎ য়াওনা মালেমগী লৈরিবা শীংনবশিংগী মায়োক্তা কোওপরেসনগী মপাঙ্গল কনখৎনবা মখোয়না হোৎনমিন্ননবা অমুক হন্না থাজবা পীনখি। লাইচৎ অসিগী মায়োক্তা বেক্সিনশিং ফংহন্নবা এক্তিব কোওপরেসন লৈহন্নবা মখোয়না য়ানখি। গ্লোবেল অমদি রিজনেলগী সমস্যা কয়াদা মান্নবা ৱাখল্লোনশিংদা য়ুম্ফম ওইরগা য়ু.এন. সেক্যুরিতী কাউন্সিল য়াওনা মখোয়না পুন্না ২০২১ ফাওবা থবক তৌমিন্নগদবা মল্তিলেতরেল ফোরমশিংদা ভারত অমসুং ভিয়েৎনামনা থবক তৌমিন্ননব লুচিংবশিংনা ৱারেপ লৌখি।

প্রধান মন্ত্রীশিংনা রিজন অসিদা লৈরিবা পুম্নমক্কী সেক্যুরিতী, প্রোস্পেরিতী অমসুং গ্রোথ ফংনবা ভারতকী ইন্দো-পেসিফিক ওসীন্স ইনিসিএতিব অমসুং এসীয়নগী ইন্দো-পেসিফিক্কী আউৎলুক্কী মরক্তা চপ মান্নবা ৱাখল্লোন্দা য়ুম্ফম ওইরগা মেরিতাইম দোমেনদা অনৌবা অমসুং প্রেক্তিকেল কোলাবোরেসনশিং থীজিনবদা য়ান্নখি।

ক্বিক ইম্পেক্ত প্রোজেক্তশিং, আই.তি.ই.সি. অমসুং ই-আই.তি.ই.সি. ইনিসিএতিবশিং, পিঐচ.দি. ফেলোশিপশিং লোইননা ভিয়েৎনামগী এস.দি.জি.শিং, দিজিতেল কন্নেক্তিবিতী অমসুং হেরিতেজ য়োকখৎনবা হোৎনরিবা অসি শৌগৎপা য়াওনা থৌরাংশিং অসিগী খুত্থাংদা প্রধান মন্ত্রীনা ভিয়েৎনামগা লোইননা মখোয়গী চাউখৎ থৌরাং অমসুং কেপাসিতী বিল্দিং পার্তনরশিপকীদমক্তা ভারতনা হোৎনগনি হায়না থাজবা পীখি।

প্রধান মন্ত্রী অনিমক্না ভারত সরকারনা ভিয়েৎনামদা পীখিবা দিফেন্স লাইন ওফ ক্রেদিৎকী য়ু.এস. দোলর মিলিয়ন ১০০ মাই পাক্না ইমপ্লিমেন্ত তৌখিবা অমসুং ভিয়েৎনামগী নিন থুঅনপ্রোবিন্সতা লৈরিবা মফম অদুগী মীয়ামগী কান্ননবগীদমক্তা ভারতকী ‘গ্রান্ত-ইন-এদ’কী তেংবাংগা লোইননা দিবেলপমেন্ত প্রোজেক্ত তরেৎ লোইশিনখিবা অদু থাগৎনখি।

আর্কিওলোজিকেল সর্ভে ওফ ইন্দিয়া (এ.এস.আই.)না হন্দক্তা পাইখৎখিবা ভিয়েৎনামদা মাই সন তেম্পল কম্প্লেক্সকী শেমজিনবগী অমসুং য়োখৎপগী থবকশিং পাঙথোকপা অসিদা অপেনবা পোকই হায়না ফোঙদোকখি অমসুং ভিয়েৎনামগা লোইননা অতোপ্পা মান্নবা প্রোজেক্তশিংদা থবক তৌমিন্ননবা অপাম্বসু ফোঙদোকখি।

***